Malaki 2:10 - Iaai Bible 1901 (New Caledonia)

¹⁰ Hawa, ca khaca kamöta hia? a ca up ota hnen Khong a khaca? anyin a ieû ate me ûiyawököu, me okongoâ ûhihinyköu anyin lakamöta?

Malaki 2:10 ပူးပေါင်းရင်းမြစ်များ

Nehemia 13:29

Khonguk lö, ûnykûmi ödrin ju, anyin ödrin e okongoâ hanymen tavat bihut, me ûhihinyköu anyin tavat bihut, me at Levi.

Jobu 31:15

Hawa, ame ca op e, waleji hnen at ame up nya eû hnyi hnyok? Khaca thibi at a up ohmu eû hnyi hnyok?

Salamo 100:3

Khanʼ öbun dö a Iehova thibi Khong: E thibi at a up öta, ke öta bi laten; Öta ta je lakeiny, me mamoeiny iny ta hnyei.

Esodo 19:4

Öbun e wâ but hnök hna ânyâ ka at Aigupito, a oge köp öbun hon labenyin aeto, me hum öbun könya.

Esodo 19:5

Ke walang ang öbun e ne he ka löng hoton hok hofuc me vheno anyik uhihinyköu, mʼ öbun e he ka helâ me omjeû ae ûnyi hnathu hon ta je hnyei hia: anyin a anyik hmeledrany hia:

Esodo 24:3

Ke Mose ame he me thumeto ta je hofuc ho Iehova, me ta je hna owisa hia; ke ame thu hnen tavat hia hnyi hofuc a khaca, ka habe, Ohmun e he ka ânyâ ta je hofuc hia a ba hnö Iehova.

Esodo 24:7

Ke e ame hom tusiny ûhihinyköu, me aû, kʼ ame löng tavat: me haingödra, ka habe, Ohmun e he ka ânyâ hia hna ha hnö Iehova, me löng hoton.

Isaia 43:1

KE walang ang, walang hna ha hnö Iehova at a up u Jekob, me at a huliwön u Isaraela, ka habe, Ca ot bi, anyin a oge hia but ûcö ânyâm möt; oge hia but hawâ iâm, anyin a atök ut u.

Isaia 43:15

Inya Iehova, Kabibun, at a Up Isaraela, ke Tuhöbun.

Isaia 43:7

haba ödra hia adre ip hudra iök, waleji oge me op hnân oganö nya; me inya at a huliwön ödra; eke, oge hia but up ödra.

Isaia 44:2

walang hna ha hnö Iehova at a huliwön u, at a up u hwân hnyi hnyekon hinyâm, at ame he ka hadruo u, ame ha, ka habe, Ca ot bi, Jekob a athnyabaik; me u Jesuruna, waleji oge ûca.

Isaia 51:2

Wâ thö kamöbun a Aberahama, me Sara at a hnöku öbun: anyin oge hawâ e ke tiga khaca, ke oge me ohnahicâ me osehia e.

Isaia 63:16

Anyin a u kamöhmun, eja ke ne a ne ca ö ʼhmun Aberahama, ke ca khanö Isaraela öhmun: Iehova lö, u thibi kamöhmun; at a ûcû öhmun hwân nyiele, wale iâm.

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Isaia 64:8

Ke walang ang, Iehova lö, u thibi Kamöhmun; öhmun ang kânâ ae kece, ke u at ame op kaia; ke öhmun hia thithö ang huliwa, anyin hnyamâm.

Jeremia 31:9

Adre me he ka o me tenge tot, ke oge me he ka lili ödra ge khöû: oge me he ka hum ödra ka hnyi je wagewe, hnyi gethen ae wisa, wale adre me ca he ka haû hnyin: anyin a inya ang kâmâm Isaraela, ke haba Eferaima, me, nokuk a bân.

Ezekiela 33:24

Nokon at lö, ame ha tavat adre me labâ je dok ae hwahwacit ehele hnyi Isaraela, ka habe, Hake Aberahama thibi, ke e hu gan hnyei: ke ohmun se hia bi; ke adre hia but ha kohmun hnyei me me ihmun.

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Malaki 2:11

Juda ame hia but iyawö, ke adre ânyâ ûnyi ae ikiki hnyi Isaraela me Jerusalema; anyin a hia but Juda okongoâ ûnyi ae kap waleji e ame hnyok kâu, me hom hlu nokon khong kanyua me âiân.

Malaki 2:8

Ke öbun e saû but ûnyi hnyi gethen; öbun e hia but ohavâ tavat ae se hia hnyi hnanyibu; öbun e hia but okongoâ ûhihinyköu anyi Levi, haingö Iehova tuhan sabaoth.

Mataio 10:21

Ame he keiny ka hna liamekeiny mē ka mok, ke helâe minya kamen ka nokon: kʼ ame he lakon ka tot ka kamödrin me hinyödrin, mʼ adre me he ka hlingʼ ödru.

Mataio 22:16

Me adre me kunâ kâu latödrin, ke je Herodiane minya, me ha, ka habe, At ûne lö, e khanʼ ohmun dut a u at ae hnathu, a at ame ûnö hnatho gethen deny Khong, ke u me ca outen at, anyin a u me ca ûnykûme bi hnyimakan at.

Mataio 3:9

ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang.

Luka 1:73

Waleji hofuc e ame khemanyin kö Aberahama a kamöta,

Luka 3:8

Anyin a wale wa but öbun wan ae ûcû me ietra, ke ca hwân öbun he ka ha eû hnyi je hnyekubun, ka habe, Aberahama kamöta: anyin a inya oge me ha köbun, ka habe, e khana Khong he ka bi mâtrâni Aberahama, ûnyi hnyi ta je veto ang.

Ioane 8:39

Ödra adre me thu, ka habe, Aberahama kamöhmun. Iesu ame ba kodra, ka habe, A ne je laku Aberahama öbun, mʼ öbun e he ka mâdrâ je huliwa anyi Aberahama.

Ioane 8:41

Öbun e ânyâ ta je huliwa anyin kamöbun. Haingödra kâu, ka habe, Ohmun ca je lakon gethen; khaca thibi Kamöhmun, a wale Khong.

Ioane 8:53

Hawa, u gan hon kamöhmun a Aberahama, waleji a mokcu? ke mok minya ju ta je perofeta: ke u ia bi u?

Ioane 8:56

Ame senyin Aberahama a kamöbun he ka wâ bonguk je bong; ke e ame wâ ju me e ame senyin.

Ta je huliwa 17:24

Haba Khong at ame op hmeledrany me ta je ûnyi hia eû hnyin, e thibi Tuhan drany me hmeledrany, e ame ca laba hnyin ta je uma adre ânyâ ge je hnyamen;

Ta je huliwa 17:25

ke ame ca huliwa minya kâu hnen ta je hnyamen at, helâke adre me ânyâ ka theduoc, anyin a e ame ham hia möt, me homenâ, me ta je ûnyi hia ka ta je ûnyi hia;

Ta je huliwa 17:26

ke e ame op hnyi dra a khaca tavat hia he ka labâ hmeledrany, ke a hia but thu je ûen adre otilâ ehac, me je hnyigoulen je idra;

Ta je huliwa 7:2

Me e ame ha, ka habe, Hnyat me lakeiny me lakamök lö, long ju. Haba Khong ae hmanenang ame manen dut kö Aberahama a kamöta, waleji ke tiga e bi hnyi Mesopotamia, ke tiga ca laba bi hnyi Karan,

Ta je huliwa 7:26

Nyi e ame o ka li at ödru me ûkûc, me e ame thawʼ ödru me me soju, haingen, ka habe, Ke lin lö, öbu liamekeiny, ieû gabu, öbu me ûokongu öbu köu.

Roma 4:1

ANYIN a wale, ate me he ka ha ieû ame wâ hnö Aberahama a kamöta hnyi unyin!

Roma 9:10

Ke ca wale thibe e; a erkin dut Rebeka hnen ke at, wale Isaaka a kamöta—

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

Efeso 4:25

Anyin a wale, degec ut öbun thoi, ke ve ha ju öbun hnathu ka at ae hakekeny köbun: anyin a öta ang je ong outhunyin ke at me ke at.

Efeso 4:6

khaca thibi Khong, ke e Kamen hia, ke hon hia, ke unyin hia, ke eû hnyin hia.

I. Thesalonika 4:6

me me ca he ke at ka hanyâûâ, me okongoâ liamekeiny më hnyi ke ûnyi: anyin a Than at ame bi hwaban hnyi ta je ûnyi eling, helâji me hnöhmun hna ha ehac, me hna sihwegi Öbun wia.

Heberu 12:9

Ke wale minya eang, e hu köta ehac lakamen unyita, he ka nʼ öta, ke ate me ogânʼ ödra: hawa, ate me ca he ka löng hoton beönuainy Kamen ta je hanu, mʼ ate me möt?

Josua 24:3

Ke oge me hom kamöbun Aberahama ûnyi hnyi ke keihen Wagewe, me lelö e he ka vheno hnyei Kanana hia thithö, me osehia je mâtrâniny, me ham kâu Isaaka.