Malaki 1:6 - Iaai Bible 1901 (New Caledonia)

⁶ Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Malaki 1:6 ပူးပေါင်းရင်းမြစ်များ

Salamo 123:2

Wâ bi, je li emakan ta je athnyaba ame hngele ka hnyi hnyamen ta je tuhödra, Ke li emakan in ame hngele ka hnyi hnyamen tuhan a momo; Helâe minya je li emaköta kö Iehova a Khonguta, Ke ne o but e ame he ka betenge gata.

Esodo 20:12

Ogânâ thö kâmâm me hinyâm me me se hia bongom je bong hnyi hnyei ame he Iehova a Khongom ka ham köu.

Ta je Vejec 17:6

Korona anyin wahingat ta je laöbidra; Ke haba hmanenanginy je wanakat, me ûnyâ lakamödra.

Ta je Vejec 30:11

E hu dö adre me hangâ kamödra, Me ca haisoâ hinyödra.

Ta je Vejec 30:17

Haba ecmak at ame hlumâ kamen, Ke höcö long hinyen, Me ame he je orebainy hnyigöulen bucen ka ûâ e, Kʼ ame he je lakon aeto ka an e.

Isaia 1:2

Drany lö, long ju, ke hmeledrany lö, tevehling ju, anyin a Iehova ame hia but fuc me ha, ka habe, Oge hia but hat me tuö je wanakat, ke ödra bi adre me ûkhin fuc mönya.

Isaia 43:23

U je ca hom könya halem ta je nak meno a je hudiny leû; ke u je ca oganö nya ge ânyâm ta je hut. Oge ca ohmakö u ge ta je hut, me osenyini u ge ta je ûö ae bo so.

Isaia 45:10

Ekölö ge at ame ha ka kamen, ka habe, Ieû u je hnoko? ame ne ha ka momo, ka habe, U je hnokoâ ieû?

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Isaia 64:8

Ke walang ang, Iehova lö, u thibi Kamöhmun; öhmun ang kânâ ae kece, ke u at ame op kaia; ke öhmun hia thithö ang huliwa, anyin hnyamâm.

Jeremia 23:11

Anyin ame bi gan je perofeta me tavat bihut, eke, oge hia but wâ anyidra hulo hnyi umök uma, haingö Iehova.

Jeremia 3:4

Hawa, u me ca he ka hao nya hwân walang ang, Cica, u at ame su nya kʼ iny tiga ûhnyûkong?

Jeremia 31:9

Adre me he ka o me tenge tot, ke oge me he ka lili ödra ge khöû: oge me he ka hum ödra ka hnyi je wagewe, hnyi gethen ae wisa, wale adre me ca he ka haû hnyin: anyin a inya ang kâmâm Isaraela, ke haba Eferaima, me, nokuk a bân.

Jeremia 35:16

Ke anyin a je laku Jonadaba nöku Rekaba ödrin e hia but ohwâdâ hna hûna hnen kamödrin, ke haba bi tavat ang, adre me ca wen ling nya;

Ezekiela 22:26

Haba anyin tavat bi hut adre me hia but hanyâûâ anyik hnanyibu, me okongoâ hnok je hna okabâ: adre ca hia but ve bongon ûnyi ae kap me ûnyi ae monu, ke adre me ca hia but ve okhana tavat ge ûnyi ae bo kong me ûnyi ae bo so, me mûko je emaködra ge anyik je sabath, ke inya at adre okongoâ hnyi wan-bödra.

Hosea 12:8

Ke haingö Eferaima, ka habe, E hnathu, iny tren dut omjeû, oge wâ but tang omjehek: adre me ca he ka wâ hnyikonguk, wale a hulo bi hnyi anyik ta je huliwa hia.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Hosea 5:1

TAVAT bihut lö, long ju hofuc ang; lap anyi Isaraela lö, löng ju; lap anyin than lö, tevehlöng ju, anyin adre ha hwaban köbun; anyin a hnewe öbun ka Mizepa, me ert adre thong hon Tabora.

Levitiko 19:3

Öbun e he ka ve outen je lahinyöbun, me je lakamöbun, me tuö anyik je sabath: Inya Iehova Khongubun.

Zefania 3:4

Tavat hop me iyawö anyin je perofeta: a hia but anyin tavat bihut okongoâ dok ae kap, adre hia but hanyâûâ hnanyibu.

Malaki 2:1

KE walang ang, tavat bihut lö, walang hna hûna hobi köbun.

Malaki 2:10

Hawa, ca khaca kamöta hia? a ca up ota hnen Khong a khaca? anyin a ieû ate me ûiyawököu, me okongoâ ûhihinyköu anyin lakamöta?

Malaki 2:8

Ke öbun e saû but ûnyi hnyi gethen; öbun e hia but ohavâ tavat ae se hia hnyi hnanyibu; öbun e hia but okongoâ ûhihinyköu anyi Levi, haingö Iehova tuhan sabaoth.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Mataio 15:4

Anyin a Khong ame ha, ka habe, Ogânâ kâmâm me hinyâm: ke, Haba at ame haikongoâ kamen me hinyen, e hnathu e ame he ka mok.

Mataio 15:6

e ame ca he ka ogânâ kamen. Me öbun e ohavâ hofuc hwan Khong ge anyibun je hna ûne.

Mataio 19:19

Ogânâ kâmâm me hinyâm: ke, U me he ka betenge ge at ame laba hakekenyi u helâ me u bi.

Mataio 6:9

Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm.

Mataio 7:21

Adre me ca he ka dit hia ka hnyi homagouleny drany hnyat adre me ha könya, ka habe, Taböny Than lö, Tabon Than lö; ke so thibi at ame ânyâ weny Kamök ethö hnyi drany.

Mareko 10:19

E khanö u ta je hnanyibu, ka habe, Ca he ka ûhlingö, Ca he ka bi ûnyi monu, Ca he ka venöu, Ca he ka ohnathoâ thoi, Ca iyawö, Ogânâ kâmâm me hinyâm.

Mareko 7:10

Anyin a haingö Mose, ka habe, Ogânâ kâmâm me hinyâm; ke, Haba at ame he ka haikongoâ kamen me hinyen, me adre me he ka hlingâ e:

Luka 10:29

Ke e ame weny he ka hai wisa e bi, me e ame ha kö Iesu, ka habe, Ie at ae hakekeny könya?

Luka 18:20

E khanö u ta je hnanyibu, ka habe, U ca he ka bi ûnyi monu, U ca he ka ûhlingö, U ca he ka venöu, U ca he ka bi fuco thoiâ, Ogânâ ju kâmâm me hinyâm.

Luka 6:36

Ibetengiököu ju öbun, helâ me Kamöbun at ae betenge.

Luka 6:46

Ke ieû e gabun a öbun e hao nya, ka habe, Taböny than, Taböny than lö, kʼ öbun e ca mâdrâ bi ta je ûnyi oge me ha?

Efeso 6:2

Ogânâ kâmâm me hinyâm (wale hnanyibu a bân ae hu hna ha bânâ hnyin),

Deuteronomi 1:31

me hnyi hnyebuba, waleji u je wâ a gʼ ame kop u tilö u Iehova Khongom, helâ me at ame delûâ nokon, hnyi je gethen hia öbun e he hnyin ke ne o but öbun e o but eang.

Deuteronomi 32:6

Hawa, öbun e bi hwaban kö Iehova helâe, Hnyei ae monu, ke ba metâ? Hawa, ca kâmâm bi at ame ûcû u? E ame up u, me otilö u.

Deuteronomi 5:16

Ogânâ thö kâmâm me hinyâm, helâ me Iehova Khongom ame hûna köu, me me se hia je bongom, mʼ u me so hnyi hnyei Iehova ame ham köu.

I. Peteru 1:17

Ke öbun e ne hawâ Kamen, wale at ame ca wâhmakhmetoâ tavat, me at ame ve hnö tavat helâ me huliwa anyin ke at me ke at, awe, ot ju hnyi ûen öbun e tiga laba atkanyaua: