Malaki 1:2 - Iaai Bible 1901 (New Caledonia)

² Oge hia but betenge gabun, haingö Iehova. Ke haingöbun, ka habe, U je hai but betenge gahmun hnyi ieû? Hawa, ca kei Esau Jekob? haingö Iehova: ke oge me betenge ga Jekob;

Malaki 1:2 ပူးပေါင်းရင်းမြစ်များ

Genese 25:23

Me Iehova ame ha kâû, ka habe, Lo li dökhu eû hnyi hnyekom, Ke u me he ka hnokoâ lo li hnyei: Kʼ ame he ke hnyei ka hwege hon ke hnyei; Kʼ ame he atö ka bi athnyabainy wakeiat.

Genese 25:25

Ke haba at ame bân ka o ame dra, helâ me ûkhaû ae tot dinen hia thithö; ke ödrin e hwenyi ien, me, Esau.

Genese 25:26

Ke hwaban dö e ame o but minya keiny, ke hnyamen ame kât ohmâiny ca Esau; ke adre me hwenyi ien Jekob: ke sikste hunai Isaaka hnyi ioi ʼdru.

Genese 27:33

Ke Isaaka ame öbubuny gan hmâ but, me ha, ka habe, Ie at wale a hia but uö meno me oâ könya, ke oge hia but han ke tiga hiö u, me oge hia but hahnahicâ e? eke, kʼ ame he balua but e ka hnahic.

Genese 48:4

me ha könya, ka habe, Wâ bi, oge me he ka ohâti u me osi u me wiö u, mʼ u ma je hnyei ae se, ke oge me he ka ham hnyei eang ka ta je mâtrânâm a hwâbâm me me em nyiele balua.

I. Je Than 10:9

Ole kö Iehova Khongom, at ae weny u, he ka otilö u hon theroni Isaraela: anyin a Iehova ame betenge ka at Isaraela nyiele balua, anyin a wale e ame otilö u ka than, he ka ânyâ wisa me ûnyi ae ûcû.

II. Je Than 3:8

Ke haingen, ka habe, Ewa detu? Ke e ame thu, ka habe, Detu hnyi hnyebuba hnyi Edoma.

Isaia 43:4

Anyin a u oûnykûmik, me hmanenang, me hnok hna betenge gan; awe, oge me he ka ham tavat hnân hwabâm, me je hnyei hwaban melâm.

Isaia 63:1

IE at ang ame he jem ûheny Edoma, ae dra anyin ûkhaû ûheny Bozera; a at ae hmanenang ge anyin ûkhaû, kʼ ame he hnyi meciny anyin tang hwege Inya thibi, at ame ha hnyi wisa, at ae hwege he ka omelo.

Jeremia 2:31

Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Jeremia 2:5

Walang hna ha hnö Iehova, ka habe, Ieû ke ûnyi ae ca wisa a wa lakamöbun unyik, mʼ adre me oûsâkâû ödra mönya, me hnu hoton unyi ae ba onyen, me bibi hop?

Jeremia 31:3

Haba Iehova ame manen dut könya ehac me ha, ka habe, Inya oge me betenge gam ge betenge a nyiele balua: anyin a wale oge hia but lili u ge betenge baû.

Amosa 1:11

Walang hna ha hnö Iehova, ka habe, Can kun ta monuiny Edoma, eke, can vak, me oge me ca he ka ohavâ hwaban e; anyin a e ame hnu liamekeiny më ge hele vat, me degec ibetengiö, ke ame labö kia but anyin hmonyin, ke e ame tuö anyin wathethot nyiele balua.

Malaki 2:17

Öbun e hia but ohmakö Iehova ge je ifucibun. Ke haingöbun, ka habe, Öhmun e ohmakâ e ge ieû? Anyin öbun e ha, ka habe, E so kö Iehova tavat hia adre me ânyâ hulö, ke e ame senyin kodra; ke haingöbun, ka habe, Ewa Khong at ame owisa?

Luka 10:29

Ke e ame weny he ka hai wisa e bi, me e ame ha kö Iesu, ka habe, Ie at ae hakekeny könya?

Ioane 15:12

Walang anyik hnanyibu, ka habe, Öbun e he ka ibetengiököu helâ me hnok hna betenge köbun.

Deuteronomi 10:15

Ke so bi Iehova ame senyin ka lakâmâm me hnyok ködrin, me e ame ûca je mâtrânidrin hwabodrin, walʼ öbun e, ûnyi hnyi je hnyei hia, helâ me hnyi bong ang.

Deuteronomi 23:5

Ke so bi haba Iehova Khongom ame ca ling Balaama, ke Iehova Khongom ame wia hnaûhangö eling me me hnahic bi, anyin a Iehova Khongom ame hnyok köu.

Deuteronomi 33:3

Eke, e ame betenge ge je tribu; E hnyi hnyamâm laten ae kap hia. Ke adre me laba ju hmelen li cam; Adre me he ka ve kap hwâm je hofuc.

Deuteronomi 4:37

Ke can anyin e ame betenge ge lakâmâm, waleling me e ame ûca je mâtrânidrin hwabödrin, me hum u ûheny Aigupito ge maniny man ae hwege, kʼ ame tot unyâm;