Malaki 1:14 - Iaai Bible 1901 (New Caledonia)

¹⁴ Ke e ka mok at iyawö, at ae hu baga hnyi haleny hnahat mamoe, ke e ame bi khöbi, me hudo at ae kong ka Than; anyin a iny than ae gan hmâ, haingö Iehova tuhan sabaoth, ke hnân outen iök unyin je Hnyei.

Malaki 1:14 ပူးပေါင်းရင်းမြစ်များ

Genese 27:12

Ame ne he la cica! ka abö nya, me iny at ae thoi kâu; waleling mʼ oge me he ka oâ hnaûhangö könya, ke ba bi bnahicik.

II. Samuela 24:24

Ke haingen than kö Aruna, ka habe, ohe; ke so bi oge me he ka ûco möu ge hwaban: ke haba khaca oge me ca he ka hudo kö Iehova Khonguk je hudiny leû ame o gufa but könya. Me Davita ame ûco hna huje hwit me je bolok hwaban je sekel sileva a fifte.

Salamo 102:16

Anyin a hia but Iehova up Ziona, E manen dut e hnyi anyin hmanenang.

Salamo 47:2

Anyin a Iehova Beönua at hnân outen; E than ae gan hmâ hon hmeledrany hia thithö.

Salamo 47:3

E ame he ka hom ûhnyûkongo ta je hnyei eû hnyi hmelita, Me tavat minya eû hnyi hmelen hnyeûcata.

Salamo 47:8

Khong ame muso hon je hnyei: Khong ame laba hon anyin theron ae kap.

Salamo 48:2

E hmanenang ûtilen ethö, ke hnân osenyinâ hmeledrany hia thithö, A buoen Ziona, hnyi je ke keihen ka hnyi hwadro, Taun anyin than ae gan.

Salamo 68:35

Khong lö, u at hnân outen ûnyi hnyi ânyâm je dok ae kap: Haba Khongu Isaraela, e ame ham wege me man ka je lakeiny. Haisoâ thö Khong.

Salamo 76:12

E ame he ka sö degecâ but hanon ta je tuhan: E at hnân outen ka ta je thaniny hmeledrany.

Salamo 95:3

Anyin a Khong ae gan hmâ Iehova, Ke Than ae gan hmâ hon ta je khong hia thithö.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Jeremia 46:18

Haingen Than, Iehova tuhan sabaoth ien, ka habe, Kia inya, e hnathu e ame he ka o helâ me Tabora unyin ta je bucen, ke helâ me Karemela hnyi baten köiö.

Jeremia 48:10

E ka mok at ame mâdrâ iyawoâ huliwa anyi Iehova, ke e ka mok at ame behânâ anyin hele vat ka hnyi dra.

Jeremia 48:15

Adre kot hia thö Moaba, ke adre me he ka hnyi je taun, ke haba anyin je hidröu e ame ûca, adre me he unyin tavat adre me he ka hlingʼ ödra, haingen Than, Iehova tuhan sabaoth ien.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Daniela 9:4

Me oge me hic kö Iehova a Khonguk, me omanenâ, ka habe, Than lö, a Khong ae gan ke hna outen, at ame tuö ûhihinyköu me ibetengiö ka tavat adre me hnyok kâu, me vheno anyin ta je hnanyibu;

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Zakaria 14:9

Ke ame he Iehova ka Thaniny hmeledrany hia: hnyi bong eling ame he Iehova ka khaca thibi, ke khaca thibi ien.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Malaki 1:8

Ke hnyi ûen öbun e hudo meno ae wadröu hnân hut, e ca hulö e! ke hnyi ûen öbun e hudo ta je meno ame ci, ke at ame takoû mok, e ca hulö bi e! Ham dö e walang ang ka tuhâm: hawa, e ame he bi ka senyin köu? hawa, e ame he ka kop u? haingö Iehova tuhan sabaoth.

Malaki 2:1

KE walang ang, tavat bihut lö, walang hna hûna hobi köbun.

Malaki 3:9

Ame ti ohnaûhangʼ öbun; anyin öbun e venâu gak, wale hnyei hia ang.

Mataio 24:51

me ame he ka subâ luâ e, me ha jekhon unyin tavat thoi hnyok; ame he ka tenge eling me ûgiö ganyon.

Mataio 5:35

ke helâe minya ge hmeledrany, anyin a taben e li hnyeûcan; ke helâe minya ge Jerusalema, anyin a hnyaban e Than ae gan hmâ.

Mareko 14:8

A hia but momo ânyâ hnen hna khana: e ame bân ka osûâ unyik hobi kâu hnödra hna he ka könim nya.

Luka 12:46

awe, ame he ka o tuhan athnyaba eling hnyi bong e ame ca ûnykûme, ke hnyi awa e ame ca wâhmakhmeto, me ame he ka subâ luâ e, me ham kâu jekhon unyin tavat adre me ca ûling.

II. Korinito 8:12

Anyin a ne hu hnyok ae weny, adre me he ka kap e hoton hna hu hnen at, ke ca hoton bi hna ca hu gan bi.

Deuteronomi 28:58

U je ne ca he ka wâ wia he ka ânyâ ta je hofucin hia hnanyibu wale adre sihnalimen hnyi tusi ang, me u me outen ien ae hmânenang me hnân outen, wale Iehova Khongom;

I. Timoteo 6:15

ke e ame he ka omanenâ e hnyi anyin bi ta je ûen, a e thibi Than a khaca ae tren hnahic, a Tuhan ta je than, ke Taben ta je taben;

Heberu 12:29

anyin a haba Khonguta, me meic ame han hmonyin.

Hna Omanenâ 15:4

Than lö, ie at ame ca he ka ot me ogânâ iâm î anyin a hake u ke thibi at ae kap; anyin ame he ka o ta je hnyei hia thithö he ka khudrung hnyi hnyimâkâm; anyin adre hia but omanenâ ânyâm ta je huliwa ae wisa.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.