Malaki 1:13 - Iaai Bible 1901 (New Caledonia)

¹³ Ke haingöbun, ka habe, Wâ bi, ûnyi hnân höciâ! ke öbun e hia but hûkötiâ e, haingö Iehova tuhan sabaoth: ke öbun e hia but hom ûnyi adre me hûgûnâ, ke at ae kong can, ke hna takoû hnen mok; wale hut öbun e hom: hawa e ûcû könya he ka kap e ûnyi gabun? haingö Iehova.

Malaki 1:13 ပူးပေါင်းရင်းမြစ်များ

II. Samuela 24:24

Ke haingen than kö Aruna, ka habe, ohe; ke so bi oge me he ka ûco möu ge hwaban: ke haba khaca oge me ca he ka hudo kö Iehova Khonguk je hudiny leû ame o gufa but könya. Me Davita ame ûco hna huje hwit me je bolok hwaban je sekel sileva a fifte.

Isaia 1:12

Ke öbun ka he ka manen hnyi hnyimakök, me ia kunʼ öbun he ka uto je hnyeulek?

Isaia 57:6

Haba jekhom, me eû hnyi hnyigöulen bucen hnyi wanben je veto ae haûhaû; wale, wale bi hna khenâ köu: u je hia but hingâlâ hudiny ic bi kodra me bi hut. Hawa, oge me he ka hna baûâ ta je ûnyi e?

Isaia 61:8

Anyin a inya Iehova oge me hnyok ka hna owisa, inya oge me hûkotiâ venöu, ke hwakecin ae kong; ke oge me he ka bihwaban kodra hnyi hnathu, kʼ oge me he ka ânyâ mödra ûhihinyköu a nyiele balua.

Ezekiela 4:14

Me oge me ha, ka habe, Ekölö Than Iehova! wâ bi, adre me ca obokongu nya: anyin oge me ca hnyi an ûnyi ame ka hamen mok, ke hna oloû kia ge meno, hwân kʼ iny tiga ûhnyûkong ke ne o but walang ang; kʼ ame ca hnyi dit utiö ae ikiki ka hnyi hnyimök.

Ezekiela 44:31

Ame ca he at bihut ka hnyi an ûnyi a mok hwege, me ûnyi adre oloû kia, ame ne meno ame gâ ame ne meno ame he.

Hosea 13:9

Isaraela lö, walang hna hangö u, a gʼ ame ve u mönya, at hadruo u.

Levitiko 22:8

Haba ûnyi a mok hwege, me hna kia hnen meno, e ame ca he ka hnyi han, wâ e nye bo kong hnen e. Inya Iehova.

Levitiko 6:4

hawe, a ne monu, a be hia but ânyâ hulö, hamen he ka ham hmetu ûnyi e ame hûgûnâ, ame ne ke ûnyi e ame hom hnyi hnen hna ovecâ at, ame ne ûnyi adre hna kâu he ka tuö, ame ne ûnyi a hia, wale ame hlo,

Amosa 8:5

haingodra, ka habe, ame he ka um kehö manen a tehi, mʼ ate me ûcû anyita hwit? ke sabath, mʼ ate me khong tang hwit? ke adre me oûhnyûkongoâ efa kʼ adre ogânâ sekel, kʼ adre omono tulut ge iyawo:

Mika 6:3

Lakeik lö, ieû o ge ânyâ köu? ke ieû o ge osenyini u hnyin? khûö nya but.

Malaki 1:10

Nakainy ame ne hu ke at unyibun he ka hlöng je hwanuma, mʼ öbun e ca he ka vâc baûâ meic hon anyik taben hut! Haingö Iehova tuhan sabaoth, ka habe, Oge me ca senyin köbun, ke oge me ca he ka kap hnobun hna hudo.

Malaki 2:12

Ame he Iehova ka subâ degecâ at ame ânyâ e, wale at ame tue me at ame thu, hnyi je uma mano umo Jekob, me at ame hudo hut kö Iehova tuhan sabaoth.

Malaki 2:13

Ke wale minya ang hnobun hna ânyâ: öbun e tube taben hut anyi Iehova ge dân ecmak, me tenge, me mâng, me me ca wâ hmetu hut, me ca kap senyinâ e ûnyi gabun.

Mataio 6:16

Ke haba khaca, öbun ka he ka ânyâ ca han, ca helâ bi me man tavat thoi hnyok ae hmak hnyimakodra: anyin adre me okongoâ je hnyimakodra me me manen dut ka tavat a adre me ca han. E hnathu inya oge me ba köbun, ka habe, Adre hia but kap hwabödra.

Mataio 6:5

Ke öbun ka he ka hic, e so öbun e ca helâ me tavat thoi hnyok: anyin e senem kodra he ka tot me hic hnyi ta je sunago me vheden ta je gethen, me me haisoi ödra hnen tavat. E hnathu inya oge me ha köbun, adre hia but kap hwabödra.

Deuteronomi 15:21

Ke ame ne hu hnyikongon, ame ne kong can, ame ne wadröu, ame ne ke hnyikongon ae kong, me u me ca he ka hudo e kö Iehova j Khongom.

I. Samuela 2:29

Anyin a wale can ieû öbun e uto hut me bwihlany könya, wale oge hûna ka hnyi hnyabak; me oganâ lakom huk he ka opipikenyai öbun ge je hut hia ae ûnyi hnathu anyin at Isaraela a lakeik?