Malaki 1:11 - Iaai Bible 1901 (New Caledonia)

¹¹ Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Malaki 1:11 ပူးပေါင်းရင်းမြစ်များ

I. Man Ûlabainy Je Than. 16:25

Anyin ae gan hmâ Iehova, me hnân he ka ti ogânâ: Ke hnân minya outen hon ta je khong hia.

Salamo 111:9

E ame hia but kunâ ûhomeli ka lakeiny; E ame hia but hûna anyin ûhihinyköu ke ne o but nyiele balua: E kap me hnân okabâ ien.

Salamo 113:3

E so adre me ogânâ iö Iehova, Hwân hnyi hna o thö seûno ke ne o but hnyi hna ûdiliny.

Salamo 138:5

Eke, adre me he ka khumöngö je gethen de Iehova; Anyin ae gan hmâ hmanenangi Iehova.

Salamo 141:2

E so e tethmâ hijik hic hnyi hnyimâkâm helâ me uto ae bo so; Ke hna ogöranyâ li hnyamok, helâ me hut adre me hudo hnyi je sahac.

Salamo 45:17

Oge me he ka oûnykumeâ iâm hnyi je dö hia: Anyin a wale, ame he tavat ka oleâ köu nyiele nyiele balua.

Salamo 48:10

Khong lö, e ûcû iâm, Me hna oganö u, ke ne o but je can hmeledrany: E unöngötö hnyamâm a metâm ge hwakecin ae wisa.

Salamo 48:11

E so ame he bucen Ziona ka senyin, Me wahlu laku Juda ka hobâ, Can hnâm je hna owisa.

Salamo 50:1

HABA Khong, a Khong Iehova ame hia but fuc, Me hawâ hmeledrany ûnyi hnyi hna o hnen seûno ke ne o but hnyi hnen hna dit.

Salamo 65:9

U je senâ hmeledrany, me ödiâ e, U je ohosoâ e; A unöngötö ge köiö wagewe anyin Khong: U je penapena hwit hobi kodra, u je penapena bânâ kânâ.

Salamo 67:2

Mʼ adre me he ka wâ dem gethen eang hmeledrany, Me ânyâm ûhomeli hnyi ta je hnyei hia thithö.

Salamo 86:9

Than lö, ame he ta je hnyei hia thithö u je op ka o me khudrung ju hnyi hnyimâkâm, Me adre me be ka ogânâ iâm.

Salamo 96:8

Ham dö kö Iehova hmanenang ae ûcû ka hnyi ien: Hom dö hut, me hom dö ka hnyi je hnyeuleny.

Isaia 12:4

Ke haba hnyi bong eling öbun e he ka ha, ka habe, Oleâ thö kö Iehova, hawâ thö ien; omanenâ thö unyin ta je hnyei anyin ta je huliwa, ke thumeto thö ae beönua thibi ien.

Isaia 12:5

Khumöng dö kö Iehova; anyin a e ame ânyâ ta je ûnyi ae beönua: e so adre me omanenâ e hnyi hmeledrany hia.

Isaia 19:21

Ke ame he Iehova ka manen bi hnyi Aigupito, kʼ ame he at Aigupito ka khanʼ ödra Iehova hnyi bong eling; eke, adre me he ka khudrung me je hut me je bwihlany, me bi khöbi kö Iehova, me ohwâdâ bi e.

Isaia 30:27

Wâ bi, ame o but iö Iehova ûnyi hnyi dok ae sâkâû, ame ubâhlâ ge anyin hmonyin, ke khot ge hai ame ölö goranyai: ame unöngötö li esongodiny ge wathethot, ke helâ me meic ame han bohmen:

Isaia 45:6

me me khanʼ ödra hwân hnyi hna o hnen seûno, me ûnyi jimeû, ae ba ju ke at, ke hake inya thibi: inya Iehova ke ba ju ke at.

Isaia 54:5

Anyin a âiâm bi at a up u: haba ien, me Iehova tuhan sabaoth: ke haba at a ûcû melam, me Kabi Isaraela; adre me he ka hawâ e me Khongon hmeledrany hia thithö.

Isaia 59:19

Me adre me he ka outen iö Iehova ûhedra jimeû, me outen anyin hmanenang ûhedra hnyi hna o hnen seûno: anyin a e ame he ka o helâ me wagewe ae hwege, wale ame tûâ hnen; homenö Iehova.

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Jeremia 10:6

E ba ju ke at ae ûcû möu Iehova: u gan hmâ, ke gan hmâ iâm hnyi man.

Jeremia 10:7

Ie at ame ca he ka outö u, Tuhan ta je hnyei? anyin ae ûcû u: ke haba khaca, me ba ju ke at ae ûcû möu unyin tavat ae metâ hia hnyi ta je hnyei me hnyi ta je dökhudra hia.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Daniela 2:45

Anyin a u je wâ a gʼ adre sö veto ûnyi hnyi bucen, ke ca hnen hnyam, me e ame kot omomono fao, me bras, me kânâ ae kece, me sileva, me gol; haba Khong ae gan ame omanenâ ka than ta je ûnyi ame he ka o nyiele: ke e hnathu bwi, ke hmâ bi hna ha bongon.

Amosa 9:12

mʼ adre me he ka hu je kolon ge at Edoma, ke ta je hnyei hia wale adre me ip hudra iök, haingo Iehova, at ame ânyâ e.

Mika 5:4

Ke e ame he ka tot me han haleny hnahat hnyi man mani Iehova, me hmanenanginy iö Iehova a Khongon: kʼ adre me he ka laba hmâ; anyin a e ame he ka gan hmâ walang ang ke ne o but hnyi je can hmeledrany.

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Zefania 3:9

Me oge me he bi ka wia ka hnyi hnyei hwen ae wisa, mʼ adre me he hia ka hawâ iö Iehova, me bi athnyabainy ge hnyok a khaca.

Zakaria 8:7

Walang hna ha hnö Iehova tuhan sabaoth, ka habe, Wâ bi, oge me he ka omelö lakeik ûnyi hnyi hnyei e deiö, ke hnyei e jio:

Malaki 1:14

Ke e ka mok at iyawö, at ae hu baga hnyi haleny hnahat mamoe, ke e ame bi khöbi, me hudo at ae kong ka Than; anyin a iny than ae gan hmâ, haingö Iehova tuhan sabaoth, ke hnân outen iök unyin je Hnyei.

Malaki 3:3

ke e ame he ka laba helâ me at le me ânyâwia sileva, ke e ame he ka obosoâ je laku Levi, me ânyâwi ʼödra helâ me gol me sileva; ke adre me he ka hudo kö Iehova je hut hnyi hwakecin ae wisa.

Numera 7:74

ke khaca spun gol a ten sekel, ae unöngöt ge ûnyi ae bo so hnân le;

Mataio 28:19

Anyin a wale, he thʼ öbun ka bi latök hnyi ta je hnyei hia thithö, me bapataisoi ödra hnyi ien Kamen, me Nokon, me Hanu Kap:

Mataio 8:11

Ke inya oge me ha köbun, ka habe, E se hia tavat adre me he ka he ûhedra jimeyö me jimeû he ka tha laba me Aberahama, me Isaaka, me Jekob, hnyi dökhu hnyi drany:

Luka 1:10

Ke hnyi awa adre me le uto ae bo so, ame laba eû tavat hia ae se adre me hic.

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

Filipi 4:18

Ke hu but gak ta je ûnyi hia ke se hia: ke iny unöngöt dö, anyin oge hia but kap ûnyi ga Epaferodito ta je ûnyi ûnyi gabun, wale bunen ae bo so, wale hut hnân kap, ame osenyinâ Khong.

II. Thesalonika. 1:12

mʼ adre me he ka ogânâ unyibun ien Tuhöta Iesu, ke öbun minya unyin, hoton ibetengiö baû anyin Khonguta me Than Iesu Keriso.

I. Timoteo 2:8

Anyin a wale inya oge me wek e me he obaga ka hic hnyi ta je dok hia, me ogöranyâ je hnyam ae ba hnyikongon, me ca û, me ca iwatretra.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 15:4

Than lö, ie at ame ca he ka ot me ogânâ iâm î anyin a hake u ke thibi at ae kap; anyin ame he ka o ta je hnyei hia thithö he ka khudrung hnyi hnyimâkâm; anyin adre hia but omanenâ ânyâm ta je huliwa ae wisa.

Hna Omanenâ 5:8

Ke e a hia but hom tusi, haba je ûnyi ae möt a vak, me wahingat a twente foa adre me tha ta ju hnyi hnyimakan Arenio, e ve hu gadra je kitara, me je kaia gol ae unöngöt ge je uto ae bo so, wale je hic hijin wakap.