Malaki 1:10 - Iaai Bible 1901 (New Caledonia)

¹⁰ Nakainy ame ne hu ke at unyibun he ka hlöng je hwanuma, mʼ öbun e ca he ka vâc baûâ meic hon anyik taben hut! Haingö Iehova tuhan sabaoth, ka habe, Oge me ca senyin köbun, ke oge me ca he ka kap hnobun hna hudo.

Malaki 1:10 ပူးပေါင်းရင်းမြစ်များ

II. Je Than 12:6

Ke haba hnyi huna a twente theri anyi Joasa a than me haba tavat bihut ödrin e tiga ca okhötâ je dok ae hmouca hnyi uma.

Ta je Vejec 15:8

Hmiö Iehova hut anyin tavat ae kong; Ke e ame senyin ge hic hijin at ae wisa.

Jeremia 14:10

Walang hna ha hnö Iehova, ka tavat ang, ka habe, Helâe, e wedra he ka he baû: adre me ca hia but behânâ bi je cadra: anyin a wale ame ca he bi Iehova ka kop ödra; e ame he walang ang ka ûnykûme anyidra monu, me senâ anyidra je hulo.

Jeremia 14:12

Ödra ka he ka ânyâ ca han, oge me ca he ka löng ûtengiödra; ke ödra ka ha ke hudo je hudiny leû me bwihlany, me oge me ca he ka kop ödra: ke oge me he ka ohiʼ ödra ge hele vat, me hmiâ, me mok ae cap.

Jeremia 6:13

Anyin a hwân ge tavat ae ûhnyûkong gadra, ke ne o but ge tavat ae gan gadra, ödra hia thithö adre me behnyekudra omjeû; ke hwân ge ta je perofeta ke ne o but ka tavat bihut adre me ânyâ thoi.

Jeremia 6:20

Hnân eû könya libanu adre me oâ ûheny Sheba, me ûö ae hnebwia ûnyi hnyi hnyei ae sâkâu? oge me ca kap soâ je hudiny anyibun leû, ke oge me ca senyinâ anyibun ta je hut.

Jeremia 8:10

Anyin a wale oge me he ka ham je laöiödra ka keihen, me je idra ka keihen he ka labā: anyin a hwân ge tavat ae ûhnyûkong, ke ne o but ka tavat ae gan ödra hia thithö adre me behnyekudra omjeû, hwân ge tavat perofeta, ke ne o but ka tavat bihut, ödra hia thithö adre me huliwa iyawo.

Hosea 5:6

Adre me he ka he me elom Iehova me haledra je hnahat mamoe me kau; ke adre me ca he bi ka wâ e: e ame ka he me digic ödra.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Malaki 1:13

Ke haingöbun, ka habe, Wâ bi, ûnyi hnân höciâ! ke öbun e hia but hûkötiâ e, haingö Iehova tuhan sabaoth: ke öbun e hia but hom ûnyi adre me hûgûnâ, ke at ae kong can, ke hna takoû hnen mok; wale hut öbun e hom: hawa e ûcû könya he ka kap e ûnyi gabun? haingö Iehova.

Malaki 2:12

Ame he Iehova ka subâ degecâ at ame ânyâ e, wale at ame tue me at ame thu, hnyi je uma mano umo Jekob, me at ame hudo hut kö Iehova tuhan sabaoth.

Malaki 2:13

Ke wale minya ang hnobun hna ânyâ: öbun e tube taben hut anyi Iehova ge dân ecmak, me tenge, me mâng, me me ca wâ hmetu hut, me ca kap senyinâ e ûnyi gabun.

Ioane 10:12

Ke haba at ame hok hwaban, wale ca at tuö mamoe bi, ke ca haleny minya bi ta je mamoe, haba at eling ame wâ luko ame he jem, me ame hna degecâ but ta je mamoe me kec, me ame ûlû ödra luko, me ovesei ödra:

I. Korinito 9:13

Ke ca khanʼ öbun a haba tavat adre me huliwan ta je ûnyi ae kap, me adre me an ta je ûnyi hnyin uma kap, ke haba tavat adre me bi athnyabainy taben hut, me adre me ve hu hwajekhöûdra me tahen hut?

Filipi 2:21

Anyin a ödra hia adre me ka elâm anyidra bi ta je ûnyi, ke ca ta je ûnyi anyi Iesu Keriso.

Heberu 10:38

Ke ame he ka möt atök ae wisa hnen labageju: Ke ame ne hmetuhmetu but, me ame ca he bi hnyekuk ka senyin kâu.

I. Peteru 5:2

Tuö ju hna hat mamoe e unyibun, me bi homakan, ca ge musi, ke so bi ge weny, hoton Khong; ke ca ûnyi ge behu omjeû, ke so bi ge hnyok ame weny;