Luka 9:51 - Iaai Bible 1901 (New Caledonia)

⁵¹ Ke ame hwân ka o but ûen adre me he ka kap e goranyai, me e ame hwege thö he ka he Jerusalema ai,

Luka 9:51 ပူးပေါင်းရင်းမြစ်များ

II. Je Than 2:11

Ke ödru me tiga he, me ûhnenamö, me wâ bi, kariota meic, me je hors meic, wale ame oûsâkâûödruköuödru; ke haba Elia ame ölö hnyi drany ai a deny höu.

Mareko 16:19

A hia but ha ködrin Than, me adre me kap dö e hnyi drany ai me ip e hnyi ke keihen metân Khong.

Luka 12:50

E ka hu bapataiso hobi könya a gʼ adre me he ka bapataisoi nya kâu; e pason anyik, vec ke ne o but ame hwâdâ thö e.

Luka 13:22

Ke e ame he but me he hnyi wanben je taun me je hnyaba, kʼ ame ûne tot, ame he Jerusalema ai.

Luka 17:11

Ke e ame he hnyi wanben Samaria, me Galilaia, ame he Jerusalema ai.

Luka 18:31

E ame hom kâu hnyat a twelv me ha ködrin, ka habe, Wâ bi, otin e he ka he Jerusalema ai, ke ame he ka hwâdâ ka Nokon at ta je ûnyi hia a sihnalimen ta je perofeta.

Luka 19:11

Ke adre me tiga long ta je ûnyi eling, e ame bihanen ta je hofuc me ha ke ûhöûcû, anyin a e ame hakekenyâ Jerusalema, ke can minya adre me ûnykûme ame he ka ie manen dut dokhu dokhon Khong.

Luka 19:28

Ke a hia but ha e, me e ame bân dut he ka he Jerusalema ai.

Luka 24:51

Ke e ame tiga hahnahici ödrin, me e ame ie ûsâkâûö but mödrin, me adre me kap dö e hnyi drany ai.

Luka 9:57

Ke ödrin e tiga he eû hnyi gethen, haba ke at ame ha kâu, ka habe, Oge me he ka he hotom ka hnyi je dok hia u me he ka he ka hnyin.

Ioane 13:1

A TIGA ca bijeûâ paseka, ke a wâ Iesu a ga o but ûen he ka he but ka Kamen ûheny ang hmeledrany, ke a hia but hnyokâ lahanen eang hmeledrany, me e ame hnyoki ödra ke ne o but obiny.

Ioane 16:28

Oge me he but ûhek unyin Kamen, me o eang hmeledrany; ke oge me he hmetu ka hna hmeledrany me he ka Kamen.

Ioane 16:5

Ke walang ang inya oge me he but kâu at a kunö nya; ke ba ke at gabun a hnei nya, ka habe, U me he kâ?

Ioane 17:11

Ke oge me ca he hmetu ka laba eang hmeledrany, ke ödrin e he biju ka laba eang hmeledrany, ke inya oge me he but köu. Kamök ae kap lö, tuʼ ödrin ju hnyi iâm waleji u je ham könya, mʼ ödrin e khaca thibi helâ me ötu.

Ioane 6:62

Ame ne he ka hawa öbun ka he ka wâ Nokon at ame ölö ka hnyi hnen bi ehac?

Ta je huliwa 1:2

ke ne o but bong adre me kap dö e hnyi drany ai, hwaban hnen hna hûna ka je aposetolo a deny Hanu Kap, wale hnyat e ame ûca:

Ta je huliwa 1:9

E ame ha e, me adre me hom dö e hnyi drany ai, kʼ ödrin e wâ; me ame kap e hnyi ûlâ me me ca manen bi.

Efeso 1:20

waleji a huliwa hnyi Keriso, hnyi hnen hna omelö hmetu thö ûnyi hnyi hna mok, me olaba e hnyi ke keihen a metân ethö hnyi drany,

Filipi 3:14

me wadring hwege ka hnyi haten he ka hu hwaban hna hawo nya ûnyi ethö ge Khong, ûnyi ge Keriso Iesu.

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

Heberu 6:20

waleji ame didro kâu Iesu at a bân hobi köta, anyin adre me wia e me me at bihut ae nua nyiele balua helâ me bongu Melekisedek.

I. Peteru 3:22

wale hnyi ke keihen a metân Khong, ke a ölö hnyi drany ai: ke ame löng hoton hnen ta je angela, me tavat musi, me ta je man.