Luka 9:41 - Iaai Bible 1901 (New Caledonia)

⁴¹ Haba Iesu ame thu, ka habe, E, dö ame ca labageju bi ke hwali, oge me he ka tha laba möbun, ke hokhnyoki öbun ke ne o but kehö? Hom but jem nokom.

Luka 9:41 ပူးပေါင်းရင်းမြစ်များ

II. Je Than 5:8

Ke a long ut Elisaia aten Khong a gʼ ame kia anyin ûkhaû than Isaraela, me e ame ûkhûnöng ka than me ha, ka habe, Ieû gam u je kia ânyâm ûkhaû? e so e ame he jem könya, me e ame he bi ka wâhmakhmeto ae hu perofeta hnyi Isaraela.

Salamo 78:8

Mʼ adre me ca he ka tha ûcû me lakamödra, Waleji dö ae ûjöng me ûkhin fuc; Wale tavat adre me ca penapena ta je hnyekudra, Ke ca hnathu ta je hanudra ka Khong.

Esodo 10:3

Ke haba Mose me Arona ödru me he kö Farao, me ha kâu, ka habe, Walang hna ha hnö Iehova Khongon at Heberu, ka habe, Ke ne o but kehö u ma he ka höcö öûhnyûkongi u hnyi hnyimakök? hna but lakeik mʼ adre me he ka bi athnyaba könya.

Esodo 16:28

Ke haba Iehova ame ha kö Mose, ka habe, Ke ne o but kehö öbun e he ka höcö ka tuö hnök hna hûna me anyik je hnanyibu?

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Numera 14:11

Ke Iehova ame ha kö Mose, ka habe, Ame he tavat eang ka hûkötiö nya ke ne o but kehö? adre me ca he ka labageju könya ke ne o but kehö, ge ta je ûöman hia waleji oge ânyâ unyidra?

Numera 14:27

Oge me he ka hokhnyokâ ke ne o but kehö ûkhacaköu eang ae kong, tavat adre me ulidri nya? oge löng ut ulit anyin lakon Isaraela wale adre me ulidri nya.

Mataio 11:28

Ai öbun könya tavat hia thithö öbun e huliwa, me öbun tavat hije ûnyi ae hmak, me oge me he bi nya ka omenʼ öbun.

Mataio 12:39

Ke e ame thu ködrin, ka habe, Dö ae kong ke bi ûnyi monu, adre me elâm haten; ke adre me ca he ka ham kodra haten, ke so thibi haten ga Jona perofeta:

Mataio 12:45

Me e ame he but me tha hom mē je hanu a seven ae beönua anyidrin monu hon e, ke ödrin e didro me laba eling: ke haba obiny ka at eling, ame he ka kong hon a bân. Ke ame he ka helâe minya ka dö ang ae kong.

Mataio 16:4

Ame elâm haten hnen dö ae kong kʼ ame bi ûnyi monu; kʼ adre me ca he bi ka ham kâu haten, ke so thibi haten anyi Jona perofeta. Ke e ame hnʼ ödra, me he but.

Mataio 17:17

Ke haba Iesu ame thu me ba, ka habe, Dö ame ca labageju bi, ke hwali lö, oge me he ka tha e möbun ke ne o but kehö? oge me he ka hokhnyoki öbun ke ne o but kehö? hö jem könya.

Mataio 23:36

E hnathu inya oge me ha köbun, ka habe, Ame he ka o ta je ûnyi hia eling ka dö ang.

Mataio 3:7

Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Mareko 10:14

Iesu ame wâ, me ame vec hnyekon, ke haingen ködrin, ka habe, Hna but ta je mendreng mʼ adre me he könya; ca thawʼ ödra bi: anyin a helâ mʼ ödra dokhu dokhon Khong.

Mareko 10:49

Ke haba Iesu ame todru me ha, ka habe, Hawâ thö. Me adre me hawâ wadröu, me ha kâu ka habe, Hwege thö, todrö, e ame hao u.

Mareko 9:19

Me e ame thu ködrin, ka habe, Dö ame ca labageju lö, oge me he ka tha inya möbun ke ne o but kehö? oge me he ka hokhnyoki öbun ke ne o but kehö? hö jem könya.

Luka 8:25

Ke e ame ha ködrin, ka habe, Ewa anyibun labageju? Ke ödrin e ot, me lâiâ, me ûhnenamököuâ, ka habe, Ehö at ang, anyin a e ame hûna ka ang me köiö, me ödru me long kâu?

Luka 9:40

Ke oge me khöûâ ka lâtâm, mʼ ödrin e he ka obâ e: ke ca khanʼ ödrin bi.

Luka 9:42

Ke e ame tiga he, me haba diabolo ame osesebila e me sa hmonyinâ. Me Iesu ame thawâ hanu ae kong, me osoâ da, me ham hmetu e ka kamen.

Ioane 14:9

Iesu ame ha kâu, ka habe, E kuek ut unyibun, ke ca khanö u bala inya Filipo? haba at ame ö nya, me e ame wâ minya Kamen; ke a hawa, u me ha, ka habe, Omanenâ thö köhmun Kamen?

Ioane 20:27

Ke e ame ha kö Toma, ka habe, Hö jem banyâm me wâ bi ang li hnyamok; ke hö jem hnyamâm, me inâ ju ka hnyi vhakök: me ca lolo bi, ke labageju ju.

Ta je huliwa 13:18

Ke helâ me fâte je huna e ame hokhnyokâ hwakecidra hnyi hnyebuba.

Ta je huliwa 2:40

Haba Peteru ame khetâ, kʼ ame khöû kodra ge ta je hofuc ae se hia, haingen, ka habe, Omeli öbun dö ûnyi hnyi dö eang ae hwali.

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

Deuteronomi 32:5

Adre hia but iyawâ, ödra ca lakon, ke wale hnyikongudrin; Dö ae hwen höcö, ke hwali hwakecidru.

Heberu 3:19

Me ate me wâ but a ga ca khanʼ ödra he ka dit ka hnyin, anyin adre me ca labageju.

Heberu 4:11

Anyin a wale e so ate me hwege he ka dit ka hnyi hna menâ eling, wâ e nye û but ke at e ka he ka ûcûcubongo ca ûling eling.

Heberu 4:2

Anyin adre hia but khetâ köta je ûthumetu ae so helâ mʼ ödra: ke ba troban kodra hofuc adre me löng, anyin adre me ca ûhûjâköu ödra hnen labageju me tavat adre me löng.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.