Luka 9:32 - Iaai Bible 1901 (New Caledonia)

³² Ke ame ti bemokut Peteru, mödru minya unyin: ke ödrin e hmak hmetu thö, me ödrin e wâ anyin hmanenang, me li at minya ödru me tha tot mē.

Luka 9:32 ပူးပေါင်းရင်းမြစ်များ

Isaia 60:19

Ame ca he hmetu seûno ka hnân melamâm hnyi lany; ke ame ca he ka omelami u ge melaminy tehi: kʼ ame he Iehova ka olanyi u nyiele balua, ke Khongom a mecâm.

Daniela 10:9

Ke so bi oge me long ifucin: he inya oge me tiga long ifucin, me oge me mokut hnying ut, kʼ ame hnyimakök hnyikânâi.

Daniela 8:18

Ke e ame tiga ûhnenaniö mönva, me oge me mokut hnying me ta ju hnyikânâi: ke e ame kâlö nya me otilö nya.

Mareko 14:40

Ke e ame o hmetu me ö ʼdrin ödrin e mokut, anyin ae hmak je emaködrin; ke ca khanʼödrin ûnyi hnân thu kâu.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

II. Peteru 1:16

Anyin a öhmun e ca hnu hoton ta je vekhet thoi anyin tavat ae metâ, waleji hnyi ûen öhmun e omanenâ köbun man me ioiny Tuhöta Iesu Keriso, ke öhmun e hnyi wâ anyin hmanenang.

I. Ioane 3:2

Hnyat a oûnykûmik lö, öta je lakon Khong walang ang, ke tiga ca manen bi bonguta nyiele. Ke e khanʼ öta, ka habe, e ka manen dut, me ate me he ka helâ më; anyin ate me he ka wâ cicöâ e.