Luka 9:20 - Iaai Bible 1901 (New Caledonia)

²⁰ E ame ha ködrin, ka habe, Haba ifucibun gak mʼiny ia? Peteru ame thu, ka habe, Keriso a Nokon Khong.

Luka 9:20 ပူးပေါင်းရင်းမြစ်များ

Mataio 22:42

Ieû ûnykûmenöbun ge Keriso? nöku ia e? Haingödrin kâu, ka habe, Nöku Davita.

Mataio 26:63

Ke baba Iesu ame laba hnyibû, Me haba at bihut ae nua ame ha kâu, ka habe, Inya oge me hûna hwegiâ köu ge Khong ae möt, mʼ u me he ka ha kohmun, ka habe, U thibi Keriso a Nokon Khong, hawa?

Mataio 5:47

Ke öbun e ne italofa me je liamekeiny möbun thibi, me ieû ke ûnyi ae beönua hnyi hnobun hna ânyâ? hawa a ca ânyâ helâe ta je Aten ke je hnyei.

Mareko 14:61

Ke e ame laba hnyibû, me ca thu bi. Me ame hnö hmetu e hnen taben tavat bihut ae nua me ha kâu, ka habe, U Keriso, Nokon At adre Ogânâ?

Mareko 8:29

Ke e ame hnei ödrin, ka habe, Haba ifucibun gak, mʼ iny ia? Haingö Peteru ame thu kâu, ka habe, U thibi Keriso.

Luka 22:67

A ne u Keriso, ha thö köhmun. Haingen kodra, ka habe, Oge ne he ka ha köbun, öbun e ca he ka kap:

Luka 9:19

Ödrin e thu, ka habe, Ioane Bapataiso; ke haba keihen adre me ha, Elia; ke haingen keihen a tot hmetu thö ke perofeta kân adrem.

Ioane 1:41

E ame bân ka elâm liamekeiny mē a Simona me ha kâu, ka habe, Ohmun e wâ but Mesia, (bongon, Keriso).

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Ioane 11:27

Haingen ame ha kâu, ka habe, Eke Than, inya oge hia but kap a u thibi Keriso a Nokon Khong, ame he ka o eang hmeledrany.

Ioane 20:31

ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ioane 4:29

Ai öbun he ka hnyi wâ at ame hia but ha könya ta je ûnyi hia oge hia but ânyâ: hawa, ame ne e la Keriso?

Ioane 4:42

mʼ ödrin e ha bi ka momo, ka habe, Ohmun e ca hake labageju thibi ûnyi ge hwâm hofuc; anyin a ohmun e hnyi long ut me wâ a wale thibi e At omelö hmeledrany.

Ioane 7:41

Haingen keihen, ka habe, Walang Keriso. Ke haingen keihen, ka habe, Hawa, ame o Keriso ûheny Galilaia?

Ta je huliwa 17:3

ame lau me ha kodra, ka habe, e ûcû Keriso he ka hom vec, me möt hmetu ûheny hnyi hna mok; haingen minya, ka habe, haba Iesu eling wale oge me omanenâ köbun, me wale thibi e Keriso.

Ta je huliwa 8:36

Ödru me tiga he eû hnyi gethen, me ödru me o but ka hnyi ke an; me ame ha eunuka ka habe, Walejo an; hawa, e kong he ka bapataisoi nya?

Ta je huliwa 9:22

Ke ame hwege tot Saulo, kʼ ame ohnyibo tavat Juda hnyi Damaseko, me ohnathoâ a haba Iesu, me Keriso.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.