Luka 9:18 - Iaai Bible 1901 (New Caledonia)

¹⁸ Ke hake e biju ame hic, ke tha e mē laten: me e ame hnei ödrin, ka habe, Haba hna ha hnen tavat gak, me iny ia?

Luka 9:18 ပူးပေါင်းရင်းမြစ်များ

Mataio 14:23

Ke a hia but kunâ tavat ae se hia, e ame hake ölö thö ka hnyi bucen be ka hic: ke hauhaotreng ut ke hake e thiju ling.

Mataio 26:36

Haba Iesu ame tha o mödrin ka hnyi ke dok Gethesemane ien, me e ame ha ka laten, ka habe, Laba ju öbun ang, mʼ inye me he ju ka hic elâ.

Luka 11:1

KE e ame hic hnyi ke dok, kʼ ame um dö, me ame ha kâu ke laten, ka habe, Than lö, ö u nʼ ohmun dö he ka hic, helâji me hnö Ioane hna nâ laten.

Luka 3:21

Ke a hia but bapataisoâ tavat hia thithö me e ame bapataisoi Iesu minya, ke e ame hic, me ame khong ut drany,

Luka 6:12

Hnyi ûen eling, e ame he ka hnyi bucen he ka hic; ke e ame hic ka Khong hnyi lit hia.

Luka 9:19

Ödrin e thu, ka habe, Ioane Bapataiso; ke haba keihen adre me ha, Elia; ke haingen keihen a tot hmetu thö ke perofeta kân adrem.

Luka 9:28

Hwaban ta je hofuc eling, ame ne eit ut ta bong, e ame hum Peteru, me Ioane, me Iakobo, kʼ ame ölö hnyi bucen he ka hic.

Luka 9:29

Ke e ame tiga hic, me ame ke bongon dut hnyimakan, kʼ ame hau me hadröngöc ûkhaûen.