Luka 9:12 - Iaai Bible 1901 (New Caledonia)

¹² A sahac ut; me ame o but kâu laten a twelv, haingödrin, ka habe, Kunâ thö tavat ae se hia, mʼ adre me he ka he hnyi je taun, ke ta hnyei igigilo, me mokut, me heleû jeû: anyin a ota ang hnyi hnyebuba.

Luka 9:12 ပူးပေါင်းရင်းမြစ်များ

Ezekiela 34:25

Ke oge me he ka ânyâ ûhihinyköu ûsoköu mʼ ödrin, ke oge me he ka ohia ta je meno ae kong ûnyi hnyi hnyei: ke adre me he ka laba khotkic hnyi hnyebuba, ke mokut hnyin hnyi hnyot.

Hosea 13:5

E khanö nya u ehac hnyi hnyebuba, hnyi hnyei ae hwahwacit.

Mataio 14:13

Ke a long ut Iesu, me e ame he ûheny e hon hu, ka hnyi ong hnyebuba a hake e: ke a long ut tavat ae se hia, me adre me he hoton hon kânâ ûnyi hnyi ta je taun.

Mataio 15:23

Ke ba hofuc e ame thu. Me ame o thö laten me sumâtâ e, ka habe, Obâ but momo; anyin a e ame hongot hotutin.

Mataio 15:32

Haba Iesu ame hawâ laten me ha ka habe, Inya oge me betenge ge tavat ae se hia, anyin a ödra bong kun dut eang unyik ke ba ö ʼdra: ke ca wek he ka kunʼ ödra kʼ ödra mekihnânem wâ adre nye he ka momonu eû hnyi gethen.

Luka 9:11

Ke e khana but tavat me adre me he hoton: me e ame kap soi ödra, me ha kodra dokhu dokhon Khong, me omelö tavat a ödra mok.

Luka 9:13

Ke e ame ha ködrin, ka habe, Ha ö ʼdra bi öbun. Me ödrin e ha, ka habe, E ba jeû gahmun, ke thabûng thibi ta areto, ke lo li wâ; ohmun a mē he ka ûcû jeû hobi kâu tavat ang ae se hia.

Ioane 6:1

HWABAN ta je ûnyi e Iesu ame he hanyâûâ köiö Galilaia, wale köiö Tiberia.

Filipi 1:19

Anyin ae khanö nya, a haba ûnyi eang, me ame he ka obiny ka hnyi anyik jmöt, hnen hijibun hic, me hna ham Hanu Iesu Keriso,