Luka 8:8 - Iaai Bible 1901 (New Caledonia)

⁸ Ke ame kölu but keihen ka hnyi hon kânâ ae hoso, me ame kû thö, me wa, ûsa wan haded je wan. E ame ha je hofuc eling kodra, kʼ ame hongot, ka habe, Haba at ae hu li hnyikonyen me me löng, löng ju e.

Luka 8:8 ပူးပေါင်းရင်းမြစ်များ

Genese 26:12

Ke Isaaka ame belök hnyi hnyei e, me meno a khaca haded troban hnyi huna e: ke Iehova ame ohnahicâ e.

Ta je Vejec 20:12

Hnyiköny at ame long, ke ecmak at ame bwele, Ke Iehova ame tha up hia.

Ta je Vejec 8:1

HAWA, ame ca hongot bi metâ, Ke fuc goranyai wâhmakhmeto?

Jeremia 13:15

Long ju öbun, ke tevehlöng ju: ca hnyok bi gan: anyin a hia but ha Iehova.

Jeremia 25:4

Ke a hia but Iehova kunâ köbun je perofeta hia a je athnyabainy, ame vesâ kong me ûkhûnöng: ke öbun e ca hia but löng, me ca tâ je hnyikönyöbun he ka löng;

Mataio 11:15

Haba at ae hu hnyikonyen ka long, long ju e.

Mataio 13:23

Ke haba hna tā hon kânâ ae hoso, wale at ame long hofuc, me wâ ûnykûme; at ame hing wa, me hu wan, keihen ûsa wan haded, ke keihen ûsa sikste, ke keihen ûsa thote.

Mareko 4:20

Ke walang je hna jijingâ hon kânâ ae hoso; a tavat adre me long hofuc, me kap, me hu wan dut, ûsa thote, me sikste, me wan haded.

Mareko 4:23

Haba at ae hu li hnyikonyen, long ju.

Mareko 4:8

Ke ame kolu but keihen ka hnyi hon kânâ ae hoso, me kû thö me hlau but, me wa; me ame hu wan dut, ûsa thote, me sikste, me wan haded.

Luka 14:35

E ca ûcû e hobi kâu kânâ me hna belök: kʼ ame degec ut e hnen at. Haba at ae hu li hnyikonyen ka long, long ju e.

Luka 8:15

Haba keihen hnyi kânâ ae hoso, wale tavat adre me long hofuc me hnyok ae so me hnathu, me kât hmâ, me wa wan a deny hok hnyok.

Luka 8:7

Ke ame kölu but keihen hnyi wanben ta je ûö ae ûdedö; me ame tha kû thö mē je ûö ae ûdedö, me takoû but e.

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

Hna Omanenâ 13:9

A ne hu hnyikonyen ke at löng ju.

Hna Omanenâ 2:11

Haba at ae hu hnyikonyen, long ju hna ha hnen Hanu ka ta je ekalesia. Haba at ae hwege, me ame ca he ka vec hnen mok a loiny.

Hna Omanenâ 2:7

Haba at ae hu hnyikonyen löng ju hna ha hnen Hanu ka ta je ekalesia. Haba at ame ton, me oge me he ka ham köu he ka han ûnyi hnyi ûöiny möt, walethö hnyi Paradaiso anyin Khong.

Hna Omanenâ 3:13

Haba at ae hu hnyikonyen, löng ju hna ha hnen Hanu ka ta je ekalesia.

Hna Omanenâ 3:6

Haba at ae hu hnyikonyen löng ju hna ha hnen Hanu ka ta je ekalesia.