Luka 8:37 - Iaai Bible 1901 (New Caledonia)

³⁷ Ke haba tavat aten hnyei Gadara hia igigilo, adre me khöû kâu he ka hnʼ ödra but, anyin adre me ot gan hmâ: me e ame ölö thö ka hnyi hu me kec hmetu.

Luka 8:37 ပူးပေါင်းရင်းမြစ်များ

I. Je Than 17:18

Me haba momo ame ha kö Elia, ka habe, Aten Khong lö, ieû gak köu? u je o könya he ka oûnykûmi nya ge anyik hulö, me he ka hlingâ nokuk!

Mataio 8:34

Me wâ bi, ame he but aten taun hia thithö he ka iouny me Iesu: ke adre me wâ ju, me adre me khöû kâu he ka hna but je hnyigöulödra.

Mareko 5:17

Ke adre me hwân he ka khöû kâu he ka hna but idra hnyei.

Luka 10:16

Haba at ama ling öbun e ame ling nya; ke haba at ama hûköti öbun, e ame hûkötiö nya; ke haba at ama hûkötiö nya, e ame hûkötiâ at a kunö nya.

Luka 5:8

Ke a wâ but ga Simona Peteru, me e ame ta ju hnyi li bouca Iesu me ha, ka habe, Than lö, he thö gak, anyin a iny at ae kong.

Luka 8:28

Ke e ame ö Iesu, me e ame hongot me ta ju hnyi hnyimakan me ha hwegiâ, ka habe, Ieû u me he ka ânyâ könya Iesu a Nokon Khong ae Beönua? Inya oge me khöû köu, ca oveci nya.

Luka 8:36

Haba tavat adre wâ adre me thumeto tavat ge hna omelö at a delec demoni.

Luka 8:38

Ke haba at a obâ je demoni ûnyi hnyi hnyekon, me e ame sumâtâ, me me he ka tha laba mē: ke Iesu ame kunâ e me ha, ka habe,

Luka 9:5

Haba at ame ca he ka kop öbun, kʼ öbun ka he but ûnyi hnyi taun eling, me jijingâ but kânâiny je hnyeûcabun hnân ohnatho ködrin.

Luka 9:56

Me ödrin e he but ka hnyi ke taun.

Ta je huliwa 16:39

me ödrin e he but me bi so ködru; ke a hia but hum ödru hnyöu ai, me ödrin e sumat ödru he ka he but ûnyi hnyi taun.

Deuteronomi 5:25

Anyin a wale geû ate me he but ka mok? anyin ame he meic eang ae gan he ka thung ota: ate me ne löng hmetu hofuc ho Iehova Khonguta, me ate me he ka mokcu.

I. Samuela 6:20

Me ame ha at Bethe-semes, ka habe, Ie at ae khana he ka töt hnyi hnyimakö Iehova, Khong ae kap eang? Ke e ame he ka ölö kö ia gatin?