Luka 8:28 - Iaai Bible 1901 (New Caledonia)

²⁸ Ke e ame ö Iesu, me e ame hongot me ta ju hnyi hnyimakan me ha hwegiâ, ka habe, Ieû u me he ka ânyâ könya Iesu a Nokon Khong ae Beönua? Inya oge me khöû köu, ca oveci nya.

Luka 8:28 ပူးပေါင်းရင်းမြစ်များ

Isaia 27:1

HNYI bong eling ame he Iehova ka bi hwaban ge anyin hele vat ae nâk me gan hmâ me hwege kö leviathana, on ame kec logot, me leviathana on ame hwahwali; ke ame he ka hlingâ tanimo wale hnyi köiö.

Mataio 8:29

Ke wâ bi ödru me kuku goranyai, me ha, ka habe, Ieû gam köhmu Iesu a Nokon Khong? u je o but ang he ka oveci ohmu, ke tiga ca ûen bi?

Luka 8:27

Ke e ame ölö thö hot ai, me ame ûkhanö mē at ûheny hnyi taun, a delec je demoni; ke ame ca khaû bi, hwân ehac, ke ame ca laba bi hnyi uma, ke ame laba bi hnyi je erkemok.

Luka 8:29

Anyin a e ame hûna ka hanu ae kong he ka didrut ûnyi hnyi hnyin at. Anyin a e ame osehia kât e: ke adre me labö tuö e, me ca ge tö fao, me ca li can; ke e ame thamuâ hna ca e, me ame hom e hnyebuba ai hnen demoni.

Iakobo 2:19

U me kap, ka habe, Khaca thibi Khong; e so e: je demoni minya adre me kap me öbubuny.

II. Peteru 2:4

Anyin ame ne ca betenge Khong ge ta je angela hnyi ûen adre me ânyâ hulo, ke e ame khû ödra ju hnyi gena, kʼ ame hnʼ ödra but ka hnyi je thop ao menekholom, he ka tuʼ ödra ke ne o but hnyi ûhnei;

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.

Hna Omanenâ 20:10

Ke adre me khûö diabolo at ame omonu ödra ka hnyi nem a meic me teio, waleji a hnen minya meno me perofeta thoi; ke adre me he ka oveci ödra hnyi lany me lit nyiele nyiele balua.