Luka 8:21 - Iaai Bible 1901 (New Caledonia)

²¹ Ke e ame thu kodra, ka habe, Haba at ame long hofuc hwan Khong me mâdrâ, wale je liamekeiny mönya me hinyök.

Luka 8:21 ပူးပေါင်းရင်းမြစ်များ

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Mataio 25:45

Me e ame he ka thu kodra, me ha, ka habe, E hnathu inya oge me ha köbun, ka habe, Habaji ge hnobun hna ca ânyâ ka ke at gadra ae ûhnyûkong hmonyin, me öbun e ca ânyâ minya ling könya.

Mataio 28:10

Haba Iesu ame ha ködrin, ka habe, Ca ot bi: he thʼ öbun ka thumeto je liamekeiny mönya madre me he ka he but Galilaia ai, me ödrin e he ka iouny eling mönya.

Luka 8:15

Haba keihen hnyi kânâ ae hoso, wale tavat adre me long hofuc me hnyok ae so me hnathu, me kât hmâ, me wa wan a deny hok hnyok.

Luka 8:20

Me adre me thumeto e, ka habe, Waleû hinyâm me je liamekeiny möu ödrin e tot, ödrin e beiouny möu.

Ioane 13:17

A ne khanʼ öbun ta je ûnyi e, hnobun hnahic öbun e ne he ka ânyâ e.

Ioane 20:17

Iesu ame ha kâu, ka habe, Ca kalö nya bi; anyin a iny tiga ca ölö ka Kamen: ke he thö ka je liamekeiny mönya, me ha ködrin, ka habe, Inya oge me he ka ölô ka Kamök a Kamöbun, ke Khonguk a Khongubun minya.

II. Korinito 5:16

Wale me öhmun e hwân walang ang a öhmun e ca he ka wâhmakhmeto ke at hoton unyin: eja ke ne öhmun e hia but wâhmakhmeto Keriso hoton unyin, ke so bi walang ang öhmun e ca he ka wâhmakhmeto hmetu bi e helâe.

II. Korinito 6:18

Ke oge me he ka Kamöbun, Kʼ öbun e he ka lakuk obaga me wahlu, haingen Than ae khana hia.

Iakobo 1:22

Ke ânyâ thʼ öbun hoton hofuc ke ca löng thibi, a helâe öbun e ka omonu öbun bi.

I. Ioane 2:29

A ne khanʼ öbun a e at ae wisa, awe, e khanʼ öbun minya a gʼ adre hnoko ûnyi gan tavat hia adre me ânyâ hwakecin ae wisa.

III. Ioane 1:11

Oûnykûmik lö, ca hnu hoton ûnyi ae kong, ke so bi ûnyi ae so. Ûnyi ge Khong at ame ânyâ so: haba at ame mâdrâ monu, me e ame ca wâ Khong.