Luka 8:15 - Iaai Bible 1901 (New Caledonia)

¹⁵ Haba keihen hnyi kânâ ae hoso, wale tavat adre me long hofuc me hnyok ae so me hnathu, me kât hmâ, me wa wan a deny hok hnyok.

Luka 8:15 ပူးပေါင်းရင်းမြစ်များ

Salamo 119:11

Oge hia but hitangen hwâm hofuc eû hnyi hnyekuk, Me inye ca he ka ânyâ hulo köu.

Salamo 51:10

Khong lö, op dö hobi könya hnyok ae kalaöt; Ke mâdrâ hmeto thö hanu ae wisa eû hnyi hnyik.

Ta je Vejec 3:1

NÖKUK lö, ca he ka hnying anyik hnanyibu; Ke hna bi hnyekom he ka tuö hnok je hna hûna:

Jeremia 15:16

Adre me wâ hwâm je hofuc, me oge me an e; ke hnân senyin me hnân hobâ hwâm je hofuc hnyi hnyekuk: anyin adre me hwenyi iök ge iâm, Iehova Khongon sabaoth.

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Jeremia 32:29

ke ame he ka o at Kaledaia tavat adre me vat me taun ang, me thong taun ang ge meic me me hlâ, tha e me je uma wale adre me leû utö ae bo so hon kö Baala, me hingâlâ hudiny ic ka ke je khong, me adre me ohmönyini nya.

Mataio 24:13

Ke haba at ame he ka tethmâ ke ne o but obiny, me e ame he ka möt.

Luka 11:28

Ke e ame ha, ka habe, E beönua bi hnahic hnen tavat adre me long hofuc hwan Khong me vheno e.

Luka 6:45

Haba at ae so ame hom but ta je ûnyi ae so ûnyi hnyi tang omjehen hnyekon ae so; ke haba at ae kong ame hom but ta je ûnyi ae kong ûnyi hnyi tang omjeû ae kong: anyin ame fuc dö hnyem ûnyi ge hnyok ae unöngöt dö.

Luka 8:14

Haba keihen ame kölu hnyi wanben ta je ûö ae ûdedö, wale tavat adre me long, me he but, me ame kû takû ödra hnen ta je vhet, me omjeû, me ta je senyin ge möt ang, kʼ adre me ca wa wan ae metu.

Luka 8:16

E ba at ame vâc lamepa, me he ka tube e ge utkaia, me ip eû hnyi hmelen hnamokut; kʼ adre ma ip ethö hon taben, me me wâ melaminy hnen tavat adre me didro.

Ioane 14:15

Öbun e ne hnyok könya, öbun e he ka vheno anyik ta je hnanyibu.

Ioane 15:10

Öbun e ne vheno anyik ta je hnanyibu, öbun e he ka tet hmâ hnyi anyik ibetengiö; helâ me inya oge me vheno hnanyibu anyi Cica me oge me tet hmâ hnyi anyin ibetengiö.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

Roma 6:22

Ke walang ang adre me hna baûʼ öbun ûnyi hnyi hulö, kʼ öbun e bi athnyabainy Khong, me hu but gabun wan ka hnyi hwakecin ae kap, ke haba obiny me möt ame ca ba balua.

Roma 7:18

Anyin ae khanö nya ae ba ke unyi ae so ame laba eû hnyi hnyik, wale hnyi unyik: anyin ae hu gak wek, ke ba manik man he ka ânyâ so.

Roma 7:4

Hnyat me lakeiny mönya lo, helâe minya öbun, Öbun e mok ut ka hnyi hnanyibu hnen unyin Keriso; me öbun e he ka ihok me ke at, waleji adre omelö hmetu ûheny hnyi hna mok, mate me he ka wa wan ka Khong.

Roma 8:25

Ke ate ne gejon hnöta hna ca wâ, ate me halubahingen e me hokhnyok.

I. Korinito 7:19

E ca ûnyi hnathu peritom, ke ca ûnyi hnathu bi ca peritom: ke so bi he ka vheno je hnanyibu anyin Khong.

Efeso 2:8

anyin adre hia but omeli öbun hnen ibetengiö baû a deny labageju; ke habe e, me ca ûnyi gabun: ke bwihlany anyin Khong:

Deuteronomi 30:6

Ke ame he Iehova Khongom ka peritomonâ hnyekom, me hnyekon je mâtrânâm, mʼ u me we Iehova Khongom ge hnyekom ae bekhöt me hanom ae bekhöt, mʼ u me möt bi.

Filipi 1:11

mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

Kolose 1:6

wale a o köbun; helâ minya ka hmeledrany hia thithö, kʼ ame wa wan me kû tot, helâe minya unyibun, hwân hnyi bong öbun e long me wâhmakhmeto ibetengiö baû anyin Khong hnyi hnathu;

Heberu 10:36

Anyin ae ûnyi hnathu köbun he ka hokhnyok, me me hu gabun hna ha bânâ, öbun ka hia but ânyâ weny Khong.

Heberu 2:1

ANYIN a wale, e ûcû köta he ka oûnyihnatho hmonyinâ ta je ûnyi waleji adre löng, wâ e nye haûhaû but gata.

Iakobo 1:4

Ke so ame he hokhnyok ka huliwa bekhötâ, mʼ öbun e he ka bekhöt me wisa, ke ba ûnyi ae hia.

I. Ioane 2:3

Ke walang haten a ga khanʼ öta e, ka habe, ate ne löng hoton anyin hnanyibu.