Luka 7:41 - Iaai Bible 1901 (New Caledonia)

⁴¹ E hu li at ödru me hok gufa ûnyi ge at ame mē ham mone: haba khaca gadru ame hok gufa wale faiv haded ta je denari, ke haba khaca ame hok fifte.

Luka 7:41 ပူးပေါင်းရင်းမြစ်များ

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Jeremia 3:11

Ke haba Iehova ame ha könya, ka habe, E hu omi wisa ge Isaraela, at ame labö kolu, hon Juda at iyawo.

Numera 27:3

A mokcu kamöhmun hnyi hnyebuba, ke e ame ca tha tot me tavat adre me bi tot kö Iehova unyin lahiö Kora: ke so bi e ame moko anyin hulö bi, ke ba nokon baga.

Mataio 18:28

Ke ame dit hnyou ai athnyaba eling, me wâ ke athnyaba a hanen, waleji ame mē hom gan je denari a wan haded: me e ame kâlâ e, me kât nyin me ha, ka habe, Hö jem hmetu hnâm hna mē hom gak.

Mataio 6:12

Thang ut ta je monu gahmun, helâ me hnöhmun hna thang ut ta je monu gadra adre me okongu ohmun.

Mareko 6:37

Ke e ame thu ködrin, ka habe, Ha ö ʼdra bi öbun. Hai-ngödrin kâu, ka habe, Hawa, ohmun e he ka he me ûcû areto a tu haded je denari hwaban, me hnân ha ö ʼdra?

Luka 11:4

Thang ut ta je monu gahmun; anyin a ohmun e thang minya tavat adre me okongu ohmun. Ca hum ohmun ka hnyi ûcûbic.

Luka 12:48

ke haba at ae ca khana, kʼ ame ânyâ ûnyi ae ûcû he ka kot hnyin, me ame he ka wakhalet hna kot e. Ke haba at adre me ham gânâ kâu, me adre me he bi ka elâm gânâ unyin: ke haba at adre me ip gânâ unyin, me adre me he bi ka hawâ gânâ kâu.

Luka 13:4

Ke hnyat minya a eitin ame kolu takû ödrin tap adre op hnyi Siloam, mʼ adre me mokcu, öbun e ûnykûme la, ae beönua anyidrin monu hon tavat hia adre me laba hnyi Jerusalema?

Luka 7:40

Ke haba Iesu ame thu me ha kâu, ka habe, Simona lo, e hu ke hofuc gak he ka ha köu. Ke haingen ame ha, ka habe, At ûne lö, ha thö.

Luka 7:47

Waleling me inye ha köu, ka habe, Adre hia but hna degecâ anyin ta je hulö ae se hia; anyin ae gan hmâ ibetengiö anyin momo: ke e ka ûhnyûkong hna ohia ge ke at, me ka ûhnyûkong anyin ibetengiö.

Roma 3:23

anyin ae kong tavat hia, kʼ adre me ca o ka hnyi hmanenanginy Khong,

Roma 5:20

Ke ame o but minya hnanyibu, me ame se hia but monu; ke haba dok ame gan monu hnyin, me wale gan hmâ but ibetengiö baû: