Luka 7:40 - Iaai Bible 1901 (New Caledonia)

⁴⁰ Ke haba Iesu ame thu me ha kâu, ka habe, Simona lo, e hu ke hofuc gak he ka ha köu. Ke haingen ame ha, ka habe, At ûne lö, ha thö.

Luka 7:40 ပူးပေါင်းရင်းမြစ်များ

I. Je Than 2:14

Me e ame ha ka momo, ka habe, E hu hok hofuc he ka ha köu. Haingen, ka habe, ha thö.

Ezekiela 33:31

Ke adre me he köu helâ me hwakecin tavat, kʼ adre me laba hnyi hnyimâkâm helâ me lakeik, kʼ adre me long hwâm hofuc, ke so bi adre me ca mâdrâ: anyin adre me ha betenge ge ta je hnyimödra, kʼ adre me vheno hnödra hna behnyekon ge je hnyekudra.

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Mataio 26:49

Me e ame ie he kö Iesu me ha, ka kabe, E Habi lö; kʼ ame ûcimhnyimak mē.

Mataio 7:22

At se hia adre me he ka ha könya hnyi bong eling, ka habe, Taböny Than lö, Taböny Than lö, hawa, ohmun e ca hnyi perofeta hnyi iâm, me obâ ta je demoni hnyi iâm, ke se hia ta je huliwa ae man ohmun e ânyâ hnyi iâm?

Luka 18:18

Me ame hnö e hnen ke taben, ka habe, At ûne ae so lö ieû hanymök oge me he ka mâdrâ e me hu thö könya möt ame ca ba balua?

Luka 5:22

Ke ame manen dut kö Iesu hnödrin hna ûhnenamö, me e ame thu me ha ködrin, ka habe, Ieû gabun öbun e ûhnenamö eû hnyi je hnyekubun?

Luka 5:31

Ke haba Iesu ame thu me ha ködrin, ka habe, E ca ûnyi hnathu bi at ae tren bubuny ka tavat ae hwege; ke so bi ka tavat ae mok.

Luka 6:8

Ke e ame wâhmakhmeto ûnykûmenödra, me e ame ha ka at ae meleca hnyamen, ka habe, Höhöi thö, todrö hnyi wanben. Me e ame höhöi thö me tot.

Luka 7:39

Ke a wâ but Faresaio at a hawâ e, me e ame ha eû hnyi hnyekon, ka habe, Haba at ang, a ne perofeta, me e khana but bongon momo ang me hwakecin at ame kâlâ e, anyin a e momo ae kong.

Luka 7:41

E hu li at ödru me hok gufa ûnyi ge at ame mē ham mone: haba khaca gadru ame hok gufa wale faiv haded ta je denari, ke haba khaca ame hok fifte.

Ioane 13:13

Öbun e hawo nya, ka habe, At ûne me Than: ke so hnobun hna ha, anyin a eke.

Ioane 16:19

A wâ but Iesu a ödrin e behnö e, me e ame ha ködrin, ka habe, Hawa, öbun e ûhnököuâ hnok hna ha köbun, Me okhaca, me öbun e ca he hmetu ka ō nya, ke, me okhaca hmetu me öbun e he ka ö nya?

Ioane 16:30

E khanʼ ohmun dut walang ang a u me wâ ta je ûnyi hia, ke ca ûnyi hnathu e ka he ke at ka hnei u: anyin a wale ohmun e ûnykûme a u me o unyi ge Khong.

Ioane 3:2

ame he kâu hnyi hnyinghet me ha kâu ka habe, Rabi, e khanʼ ohmun dut a u at ûne ame o ûnyi ge Khong: anyin ae ba at ae khana he ka ânyâ ke ûöman u je ânyâ, a ne hia unyin Khong.