Luka 7:39 - Iaai Bible 1901 (New Caledonia)

³⁹ Ke a wâ but Faresaio at a hawâ e, me e ame ha eû hnyi hnyekon, ka habe, Haba at ang, a ne perofeta, me e khana but bongon momo ang me hwakecin at ame kâlâ e, anyin a e momo ae kong.

Luka 7:39 ပူးပေါင်းရင်းမြစ်များ

II. Je Than 5:20

Ke haba Gehazi athnyabai Elisaia aten Khong ame ha, ka habe, Wâ bi tuhok ame betenge ga Naamana at Suria, kʼ ame ca kap ûnyi hnyi li hnyamen ûnyi e ame hom jem: kia inya Iehova a oge me he ka wâdring hoton me hom gan ke ûnyi.

Ta je Vejec 23:7

Anyin ae ûcû e me ûnykûmânen hnyekon: Haingen köu, ka habe, Han dö ke ic dö; Kʼ ame ca tha e bi möu hnyekon.

Isaia 65:5

tavat adre me ha, ka habe, Tot ut hââng, ca hakekenyi nya anyin a iny kap hom: wale hai hnyi li hnyingöik, ke meic ame hiâ hnyi je bong hia.

Mataio 20:16

Ke helâe haba at a biliny ame he ka bân, ke haba at a bân, ame he ka biliny jut.

Mataio 21:11

Me ame ha tavat ae se hia, ka habe, Walang perofeta a Iesu ûheny Nazareta hnyi Galilaia.

Mareko 7:21

Anyin a ûheny hnyin, wale ûheny hnyi hnyekon tavat, ame didrut je hna ûnykûme ae kong, me bi ûnyi monu,

Luka 12:17

me e ame ûnykûme eû hnyi hnyekon, ka habe, Ieû oge me he ka ânyâ, anyin ae ba hnen anyik ta je ûnyi?

Luka 15:2

Ke haba ta je Faresaio me tavat sihnalimen adre me ulidro, ka habe, Ame kap tavat ae kong hnen at ang, kʼ ame tha han mödra.

Luka 16:3

Ke haingen at tue eû hnyi hnyekon, ka habe, Oge ma kâmâu anyin ame he but tuhok ka hûgûnâ hany-mök? E ba tang hwegiök he ka hiny kânâ, kʼ iny hmehma bi he ka sumat.

Luka 18:4

Ke e ame höcö hnyi ûen eling: ke hwaban dö e, e ame ha eû hnyi hnyekon, ka habe, Eja ke ne oge ne ca outen Khong, ke oge me ca ogânâ at;

Luka 3:8

Anyin a wale wa but öbun wan ae ûcû me ietra, ke ca hwân öbun he ka ha eû hnyi je hnyekubun, ka habe, Aberahama kamöta: anyin a inya oge me ha köbun, ka habe, e khana Khong he ka bi mâtrâni Aberahama, ûnyi hnyi ta je veto ang.

Luka 7:16

Me ame o kodra hia ot ae gan hmâ: ke adre me ogânâ Khong, me ha, ka habe, A o but ang unyita perofeta ae gan hmâ: ke, Khong ame senâ lakeiny.

Luka 7:37

Ke wâ bi ke momo aten taun, momo ae kong; ke e khana but a Iesu ame laba ka han hnyi uma umen Faresaio, me e ame hom kaia alabasa tangen muro,

Luka 7:38

kʼ ame tot hoton hnyi li can me tenge, me hwân he ka okhubetâ li can ge deköien li emakan, me kot ge leûnen ban, me cem li can, me hû ge muro.

Luka 7:40

Ke haba Iesu ame thu me ha kâu, ka habe, Simona lo, e hu ke hofuc gak he ka ha köu. Ke haingen ame ha, ka habe, At ûne lö, ha thö.

Ioane 4:19

Haingen momo kâu, ka habe, Than lö, oge wâ but a u perofeta.

Ioane 7:12

Ke gan hmâ hna ûlidro gan ge tavat ae se hia: haingen keihen, ka habe, E at ae so; haingen keihen, Ohe, e ame omono tavat ae se hia.

Ioane 9:24

Me adre me olo hawâ at ae wadröu, me ha kâu, ka habe, Ogânâ Khong, anyin a ohmun e wâ but ae monu at ang.