Luka 7:22 - Iaai Bible 1901 (New Caledonia)

²² Ke e ame thu ködru, ka habe, He thʼ öbu ka thumetu Ioane hnöbu hna wâ me long; a ga bwela but ta je wadröu, kʼ ame he thö ta je mat, ke khabalaû but ta je lepera, kʼ ame long dö ta je wejiji, ke a möt hmetu thö tavat adre mokcu, kʼ adre me khetâ but ûthumetu ae so ka ta je theduoc.

Luka 7:22 ပူးပေါင်းရင်းမြစ်များ

Jobu 29:15

Inya ji hing li emakan wadröu, Ke inya ji li can at ae mat can.

Salamo 146:8

Iehova ame obwela ta je wadröu; Iehova ame otilâ wisa tavat adre me iyâû: Iehova ame betenge ka tavat ae wisa;

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Isaia 43:8

Hö jem tavat ae wadröu ke hu ecmak, ke tavat ae wejiji ke hu hnyiköny.

Jeremia 31:8

Wâ bi, oge me he ka hum ödra ûnyi hnyi hnyei hnyi hwadro, me ûkhacaköu ödra ûnyi hnyi je can hmeledrany, tha e mödra je wadröu, me tavat ae kong cadra, me erkin, me momo ame he ka hnokoâ: adre me he ka hmetu kââng, a bunyen ae gan.

Zefania 3:12

Ke oge me he ka ip hnyi wanbâm ta je hna ovecâ me theduoc, ke adre me he ka labageju ka iö Iehova.

Mataio 11:5

a bwele but ta je wadröu ame he thö ta je mat, a khabalaû but ta je lepera, ame long dö ta je wejiji, a möt hmetu thö tavat adre mokcu, ke adre me khetâ ûthumetu ae so ka ta je theduoc.

Mataio 21:14

Ke ame o but kâu ta je wadröu me ta je mat hnyi uma kap; me e ame omeli ödra.

Luka 4:18

E but huk Hanon Than, Anyin a e ame hia but hû nya he ka khetâ ûthumetu ae so ka ta je theduoc: E ame hia but kunö nya he ka haimemenâ hna hna ka ta je hwenbâ, Ke hna bwele ka je wadröu, Ke he ka thang hnyat adre aat dö

Luka 7:21

Haba hnyi awa eling e ame omelö tavat ae se hia ame taku ödra hnen mok, me mok ae cap, me ta je hanu ae kong; ke e ame obwela ta je wadröu ae se hia.

Luka 7:23

Hnahic hnen at ame ca he ka thö thö gak.

Ioane 1:46

Ke haba Nathaniela ame ha kâu, ka habe, Hawa, e khana ûnyi ae so he ka o ûnyi hnyi Nazareta? Haingö Filipo kâu, ka habe, Aiö u, u ma wâ.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Ta je huliwa 8:7

Anyin a ta je hanu ae kong adre me didrut ge tavat ae se hia ae hu gadra, adre me fuc hwege goranyai; ke se hia tavat ae mat, me tavat ae kong je cadra, adre so but.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.