Luka 7:21 - Iaai Bible 1901 (New Caledonia)

²¹ Haba hnyi awa eling e ame omelö tavat ae se hia ame taku ödra hnen mok, me mok ae cap, me ta je hanu ae kong; ke e ame obwela ta je wadröu ae se hia.

Luka 7:21 ပူးပေါင်းရင်းမြစ်များ

I. Je Than 8:37

Ame ne hu hmiâ hnyi hnyei, ame ne mok ae cap, ame ne ut me löhau me wahamon me ihmâ; ame ne theling ödrin je iwahnaihmiony mödrin hnyi hnyeiny anyidrin je taun; ame ne hu vec, ame ne hu mok;

Levitiko 14:48

Ke a ne didro at bihut me wâ, ke wâ bi, ame ca hûhûö but mok hnyi uma, hwaban hna botro uma: me ame he at bihut ka hai bosoâ uma, anyin a hia but mok.

Mataio 4:23

Ke Iesu ame vheno Galilaia hia thithö, ame ûne hnyin umödrin je sunago, me khetâ ûthumetu a soiny dökhu, me ohia ta je mok hia thithö, me ta je sēnyin hia hnyi hnyei.

Mataio 4:24

Ke e ame lung igigilo Suria hia thithö: me adre me hom but kâu tavat ae mok hia thithö, wale ame takû ödra ge je ve mok me vec, tavat a delec demoni, me ing, me mat, me e ame omeli ödra.

Mareko 3:10

anyin a e ame hia but osoâ tavat ae se hia; waleling me me ûhneki kâu tavat a ödra tren mok he ka kâlâ e.

Mareko 5:29

Ke ame ie hme thö dra ge momo; ke a long ut momo unyin ae mödrut ûnyi hnyi mok eling.

Mareko 5:34

Me e ame ha ka momo, ka habe, Nokuk lö, u je möt ut hnen ânyâm labageju; he thö me hnahic, me u je mödrut ûnyi hnyi ânyâm mok.

Luka 7:20

Ame o but li at kâu, me ödru me ha, ka habe, A kunʼ ohmu köu Ioane Bapataiso he ka hnei u, ka habe, U but e at ame he ka o, ke hawa ohmun e be ka lubahingen khaca?

Heberu 12:6

Anyin a haba at ame hnyokâ hnen Than, me e ame nâ, Ke e ame osöâ lakon e ame kap.