Luka 7:19 - Iaai Bible 1901 (New Caledonia)

¹⁹ Me haba Ioane ame hawâ ke li at hnyi laten me kunʼ ödru ka Than, he ka ha, ka habe, U at ame he ka o, ke hawa, ohmun e he ka lubahingen khaca?

Luka 7:19 ပူးပေါင်းရင်းမြစ်များ

Genese 22:18

ke ame he ka hnahic ûnyi ge mâtrânâm ta je hnyei hia thithö eang hmelen; anyin a u je löng hoton hok hofuc.

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Hagai 2:7

ke oge me he ka jijingâ ta je hneyi hia, ke ame he ka o ta je ûnyi wale ame weny ta je hnyei hia, ke oge me he ka öunöngötâ uma eang ge hmanenang, haingö Iehova tuhan sabaoth.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Mareko 6:7

Ke e ame hawâ hnyat a twelv, me hwân he ka kunʼ ödrin, a ödrin ûcû lo; ke e ame ham ködrin musi hon ta je hanu ae kong;

Luka 10:1

HWABAN ta je ûnyi eling, haba Than ame ûca keihen tavat a sevente, me kunʼ ödrin, a ödrin ûcû lo he ka bödra ka hnyi ta je taun, me ta je dok e ame he ka he hnyin.

Luka 11:1

KE e ame hic hnyi ke dok, kʼ ame um dö, me ame ha kâu ke laten, ka habe, Than lö, ö u nʼ ohmun dö he ka hic, helâji me hnö Ioane hna nâ laten.

Luka 11:39

Haba Than ame ha kâu, ka habe, öbun je Faresaio, öbun e ânyâwia hoton utkaia me mini; ke haba je hnyekubun, me unöngöt dö ge venöu me ta je monu.

Luka 12:42

Haba Than ame ha, ka habe, Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû a jekhöûdrin hnyi ûen?

Luka 13:15

Haba Than ame thu kâu, ka habe, Hnyat thoi, hawa, öbun e ca ve thang hnyi sabath bolok me asina, me su hnyi köiö ai he ka habelen?

Luka 17:5

Haba je aposetolo ödrin e ha ka Than, ka habe, Bi hanen ju anyihmun labageju.

Luka 17:6

Haba Than ame ha, ka habe, A ne hu gabun labageju helâ me wan sinapi, öbun e he ka ha ka ûö sukamine eang, ka habe, Ok dö me iwân, me konim u but eû hnyi köiö; me ame he ka ling öbun.

Luka 18:6

Haba Than ame ha, ka habe, Long ju öbun hna ha hnen at owisa ae hwali hwakecin.

Luka 19:8

Ke haba Zakaio ame tot me ha ka Than, ka habe, Than lö, wâ ju, inya oge me ham ke keihen a hafiny anyik ta je ûnyi ka tavat ae theduoc; ke oge ne hia but hûgûnâ monoâ omjehen ke at, me oge me ibi ovak hmetu bi hwaban.

Luka 22:61

Ke haba Than ame hwio thö, me ō Peteru. Me haba Peteru ame ûnykûme hofuc hwan Than, waleji a ha kâu, ka habe, U me he ka okun ivinö nya ke tiga ca kokok bi khoto hnyi bong ang.

Luka 24:34

ke haingödrin, ka habe, E hnathu a möt hmetu thö Than, ke a manen dut kö Simona.

Luka 7:13

Ke haba Than ame wâ momo, me e ame betenge gan, me ha kâu, ka habe, Ca tenge.

Luka 7:20

Ame o but li at kâu, me ödru me ha, ka habe, A kunʼ ohmu köu Ioane Bapataiso he ka hnei u, ka habe, U but e at ame he ka o, ke hawa ohmun e be ka lubahingen khaca?

Ioane 11:2

Haba Maria, me wale at ame osûâ Than ge muro, kʼ ame köt li can ge leûnen ban, haniny e a Lazaro at ame mok.

Ioane 4:1

KE a wâ but Than a gʼ ame long hnen ta je Faresaio, ka habe, Iesu ame bi laten me bapataisoâ tavat ae se hia, ke wakhalet bi Ioane

Ioane 4:25

Haingen momo kâu, ka habe, E khanö nya a gʼ ame he ka o Mesia (adre hwenyi ien Keriso): ke hnyi ûen e ame o but, e ame he ka omanenâ köta ta je ûnyi hia.

Ioane 6:23

(ke so bi ame khop dö ke je ong galu ûheny Tiberia hakekeny ka hnyi dok adre me han hnyin hwaban hna ole hnen Than):

Josua 2:1

KE haba Josua nöku Nuna ame kunâ duöngâ ûheny Sitima li at he ka ecmak, me ha, ka habe, He thö ka wâ hnyei, me Jeriko. Me ödru me he me o ka hnyi uma umen momo hnyi gethen, Rahaba ien, me mokut eling.

Hna Omanenâ 11:3

Ke oge me he ka hna ka li at ohnathu nya he ka perofeta hnyi ta je bong a wan thauzan tu haded ke sikste, adre khaû ödru ge mano ae gan nân.