Luka 7:16 - Iaai Bible 1901 (New Caledonia)

¹⁶ Me ame o kodra hia ot ae gan hmâ: ke adre me ogânâ Khong, me ha, ka habe, A o but ang unyita perofeta ae gan hmâ: ke, Khong ame senâ lakeiny.

Luka 7:16 ပူးပေါင်းရင်းမြစ်များ

Salamo 65:9

U je senâ hmeledrany, me ödiâ e, U je ohosoâ e; A unöngötö ge köiö wagewe anyin Khong: U je penapena hwit hobi kodra, u je penapena bânâ kânâ.

Esodo 4:31

Me ame kap e hnen tavat: ke odrin e löng a ga um but Iehova senâ lakon Isaraela, me wâ hna okongu odra, me odrin e nom ju me khudrung.

Jeremia 33:9

Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Mataio 15:31

me me lâiâ tavat ae se hia, hnyi ûen adre me wâ ta je hum adre me fuc, me je bâbu adre me so but, me je mat adre me he: me adre me ogânâ Khongon Isaraela.

Mataio 21:11

Me ame ha tavat ae se hia, ka habe, Walang perofeta a Iesu ûheny Nazareta hnyi Galilaia.

Mataio 28:8

Me ödrin e ie he logot ûhedrin hnyi erkemok me ot me senyin ae gan hmâ, me wadring he ka thumeto laten.

Mataio 9:8

Ke ame wâ e hnen tavat ae se hia, me adre me lâiâ me ogânâ Khong, wale at ame ham man a helâe ka at.

Luka 1:65

Me ame o but ot kodra hia tavat adre me laba igigilo: ke ame lung tot ta je ûnyi eling ka hnyi je dok hia ae hu bucen hnyi hnyei Juda.

Luka 1:68

E so adre me haisoâ Than Khongu Isaraela; Anyin a e ame senâ me bi hwaban möt hobi kâu lakeiny,

Luka 19:44

me othahoni u me kânâ, u me je lakom unyâm; ke ame ca he ka hnen ke veto hon ke veto hnyi wanbâm; anyin ae ca khanö u ûen adre me senʼ u hnyin.

Luka 2:20

Me ame hmetu but hnyat tuö mamoe, ödrin e ole me ogânâ Khong ge ta je ûnyi hia ödrin e long me wâ, helâji me hna ha ködrin.

Luka 24:19

Ke e ame ha ködru ka habe, Ie ta je ûnyi? Haingödru ödru me ha kâu, ka habe, Ga Iesu at Nazareta wale perofeta ae man hnyi huliwa me hofuc, hnyi hnyimakan Khong me tavat hia thithö:

Luka 5:26

Haba ödra hia adre me lâiâ me ogânâ Khong; kʼ adre unöngöt dö ge ot, me haingödra, ka habe, Ate hia but wâ hnyi bong ang ta je ûnyi ae ke bongon bi.

Luka 5:8

Ke a wâ but ga Simona Peteru, me e ame ta ju hnyi li bouca Iesu me ha, ka habe, Than lö, he thö gak, anyin a iny at ae kong.

Luka 7:15

Me ame laba thö at a mokcu me hwân he ka fuc. Me e ame ham e ka hinyen.

Luka 7:39

Ke a wâ but Faresaio at a hawâ e, me e ame ha eû hnyi hnyekon, ka habe, Haba at ang, a ne perofeta, me e khana but bongon momo ang me hwakecin at ame kâlâ e, anyin a e momo ae kong.

Luka 8:37

Ke haba tavat aten hnyei Gadara hia igigilo, adre me khöû kâu he ka hnʼ ödra but, anyin adre me ot gan hmâ: me e ame ölö thö ka hnyi hu me kec hmetu.

Luka 9:19

Ödrin e thu, ka habe, Ioane Bapataiso; ke haba keihen adre me ha, Elia; ke haingen keihen a tot hmetu thö ke perofeta kân adrem.

Ioane 1:21

Me adre me hnö e, ka habe, Ke ieû bi? U Elia? Haingen ka habe, Ohe. U perofeta? E ame thu, ka habe, E ba.

Ioane 1:25

Ke adre me hnö e me ha kâu, ka habe, Ieû gam u me bapataiso, kʼ u ca Keriso bi, ke ca Elia bi, ke u ca perofeta minya bi eling?

Ioane 4:19

Haingen momo kâu, ka habe, Than lö, oge wâ but a u perofeta.

Ioane 6:14

A wâ but hnen tavat ûöman a ânyâ, me adre me ha, ka habe, E hnathu, walang perofeta adre me ha a gʼ ame he ka utut ka hnyi hmeledrany.

Ioane 9:17

Me adre me ha hmetu ka at ae wadröu, ka habe, Ieû hwâm gan, anyin a e ame obwela li emâkâm? Haingen, ka habe, E perofeta.

Ta je huliwa 5:5

Ke a long ut Anania hofuc e, me e ame ū but a ga mokcu: me ame o but ot ae gan hmâ kodra hia adre me long.

Ta je huliwa 7:37

Wale Mose at ame ha ka lakon Isaraela, ka habe, Ame he Khong ka oâ hobi köbun a liamekeiny möbun ke perofeta helâ me inya.

Galatia 1:24

ke adre me ogânâ Khong ûnyi gak.

Deuteronomi 18:15

Ke ame he Iehova Khongom ka oâ köu perofeta ae ûcû mönya ûheny unyâm a ûnyi ge je liamekeiny mou; mʼ öbun e he ka löng kâu;