Luka 7:14 - Iaai Bible 1901 (New Caledonia)

¹⁴ Ke e ame he hakekeny me kâlâ tap; me ame todru tavat adre me sam. Ke e ame ha, ka habe, Hidröu lö, inya oge me ha köu, ka habe, Todrö.

Luka 7:14 ပူးပေါင်းရင်းမြစ်များ

I. Je Than 17:21

Me e ame okun mokut hon wanakat me hongot kö Iehova, me ha, ka habe, Iehova lö, a Khonguk, ō u ohmeto ju hanon wanakat ang kâu.

I. Je Than 17:22

Ke Iehova ame long hofuc ho Elia, me ame hmetu bi hanon wanakat kâu, me e ame möt dö.

Jobu 14:12

Helâe minya at, e ame mokut, kʼ ame ca höhöi hmetu: E ame ca he ka hmak ke ne o but ame hia but drany, Kʼ adre me ca he ka bwebwelâ hnyi hnen hna mokut.

Jobu 14:14

Ame ne mokcu at, hawa ame he bi ka möt hmetu? Oge me halubahingen hnyi je bong bongon anyik vat hia, Ke ne o but adre me he ka hnö nya.

Salamo 33:9

Anyin a e ame fuc, me ame aat: E ame hûna, me ame tethmâ.

Isaia 26:19

Ame he ka möt hmetu ta je kokâm; ame he kʼ tot hmetu ta je kokik. Hmak dö, me khumöng dʼ öbun tavat öbun e laba hnyi sesâ: anyin a helâ me dân hau hon ûö ae ometu dân ânyâm hau, ke ame he kânâ ka oâ ta je komok.

Mareko 5:41

E ame hom hnyamen wanakat me ha kâu, ka habe, Talitha kumi; bongon, Hlu lö, inya oge me ha köu, ka habe, Todrö.

Luka 7:13

Ke haba Than ame wâ momo, me e ame betenge gan, me ha kâu, ka habe, Ca tenge.

Luka 7:15

Me ame laba thö at a mokcu me hwân he ka fuc. Me e ame ham e ka hinyen.

Luka 7:17

Me ame lung hnyi Juda me je ke keihen hia igigilo ûnyi eling gan.

Ioane 11:25

Iesu ame ha kâu, ka habe, Inya ang möt hmetu, me möt minya: haba at ame he ka labageju könya, eja ke ne a ne mokcu, e ame he ka möt:

Ioane 5:21

Anyin a Kamen ame otilâ thö ta je komok me omeli ödra, helâe minya Nokon ame omelö tavat e ame weny.

Ioane 5:25

E hnathu, e hnathu inya oge me ha köbun, ka habe, ame he jem awa, ke walang ang, me ame he ka long ifucin Nokon Khong hnen tavat adre mokcu; ke haba tavat adre me long me adre me he ka möt.

Roma 4:17

(helâ me hna sihnalimen, ka habe, Oge hia but wiö u hnân kamen ta je hnyei ae se hia) hnyi hnyimakan Khong, at ame omelö hmetu thö tavat adre mokcu, me hâiâ ta je ûnyi ae ba, helâke me e but ang.

Efeso 5:12

anyin a haba ta je ûnyi adre me ânyâ duöngâ, me hnân ohmehma he ka ûsabö.