Luka 7:13 - Iaai Bible 1901 (New Caledonia)

¹³ Ke haba Than ame wâ momo, me e ame betenge gan, me ha kâu, ka habe, Ca tenge.

Luka 7:13 ပူးပေါင်းရင်းမြစ်များ

Salamo 103:13

Iehova ame betenge ge tavat adre me outen e, Helâ me kamen ame betenge ge lakon.

Salamo 86:15

Than lö, u thibi Khongon ibetengiö me betenge baû, At ame ca ie hmonyin bi, ke ti hu gam ibetengiö me hnathu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Mareko 8:2

Inya oge me betenge ge tavat ae se hia, anyin a ödra bong kun dut unyik, ke ba ö ʼdra:

Luka 10:1

HWABAN ta je ûnyi eling, haba Than ame ûca keihen tavat a sevente, me kunʼ ödrin, a ödrin ûcû lo he ka bödra ka hnyi ta je taun, me ta je dok e ame he ka he hnyin.

Luka 11:1

KE e ame hic hnyi ke dok, kʼ ame um dö, me ame ha kâu ke laten, ka habe, Than lö, ö u nʼ ohmun dö he ka hic, helâji me hnö Ioane hna nâ laten.

Luka 11:39

Haba Than ame ha kâu, ka habe, öbun je Faresaio, öbun e ânyâwia hoton utkaia me mini; ke haba je hnyekubun, me unöngöt dö ge venöu me ta je monu.

Luka 12:42

Haba Than ame ha, ka habe, Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû a jekhöûdrin hnyi ûen?

Luka 13:15

Haba Than ame thu kâu, ka habe, Hnyat thoi, hawa, öbun e ca ve thang hnyi sabath bolok me asina, me su hnyi köiö ai he ka habelen?

Luka 17:5

Haba je aposetolo ödrin e ha ka Than, ka habe, Bi hanen ju anyihmun labageju.

Luka 17:6

Haba Than ame ha, ka habe, A ne hu gabun labageju helâ me wan sinapi, öbun e he ka ha ka ûö sukamine eang, ka habe, Ok dö me iwân, me konim u but eû hnyi köiö; me ame he ka ling öbun.

Luka 18:6

Haba Than ame ha, ka habe, Long ju öbun hna ha hnen at owisa ae hwali hwakecin.

Luka 19:8

Ke haba Zakaio ame tot me ha ka Than, ka habe, Than lö, wâ ju, inya oge me ham ke keihen a hafiny anyik ta je ûnyi ka tavat ae theduoc; ke oge ne hia but hûgûnâ monoâ omjehen ke at, me oge me ibi ovak hmetu bi hwaban.

Luka 22:61

Ke haba Than ame hwio thö, me ō Peteru. Me haba Peteru ame ûnykûme hofuc hwan Than, waleji a ha kâu, ka habe, U me he ka okun ivinö nya ke tiga ca kokok bi khoto hnyi bong ang.

Luka 24:3

Me ödrin e didro, ke ödrin e ca wâ bi unyin Than Iesu.

Luka 24:34

ke haingödrin, ka habe, E hnathu a möt hmetu thö Than, ke a manen dut kö Simona.

Luka 7:12

Ke e ame hakekenyâ homagouleny taun, me wâ bi, adre me vadren dut at a mokcu, nokon hinyen a khaca thibi, ka safac ut momo: ke tha e me tavat ae se hia ûnyi hnyi taun.

Luka 7:14

Ke e ame he hakekeny me kâlâ tap; me ame todru tavat adre me sam. Ke e ame ha, ka habe, Hidröu lö, inya oge me ha köu, ka habe, Todrö.

Luka 7:19

Me haba Ioane ame hawâ ke li at hnyi laten me kunʼ ödru ka Than, he ka ha, ka habe, U at ame he ka o, ke hawa, ohmun e he ka lubahingen khaca?

Luka 8:52

Haba ödra hia adre utengiö ke tenge thungaû gan: me haingen, ka habe, Ca ûtengiö; anyin a ca mokcu, kʼ ame mokut.

Ioane 11:2

Haba Maria, me wale at ame osûâ Than ge muro, kʼ ame köt li can ge leûnen ban, haniny e a Lazaro at ame mok.

Ioane 11:3

Ke haba li lahaniny, me ödru me ûkhûnöng he ka ha kâu, ka habe, Taböny Than, mē wâ bi at u me betenge gan ame mok.

Ioane 20:13

Ke ödru me ha kâu, ka habe, Ke momo lö, ieû u me tenge gan? E ame ha ködru, ka habe, Anyin adre hia but hom Tuhok, ke ca khanö nya dok adre ip e hnyin.

Ioane 20:15

Iesu ame ha kân ka habe, Ke momo lö, ieû u me tenge gan ia u me elâm? E ame ûnykûme ame ne at ame tuö utkânâ, me e ame ha kâu, ka habe, Than lö, u je ne hom e, mē ha thö könya dok u je ip e hnyin, me inye he ka hom e.

Ioane 4:1

KE a wâ but Than a gʼ ame long hnen ta je Faresaio, ka habe, Iesu ame bi laten me bapataisoâ tavat ae se hia, ke wakhalet bi Ioane

Ioane 6:23

(ke so bi ame khop dö ke je ong galu ûheny Tiberia hakekeny ka hnyi dok adre me han hnyin hwaban hna ole hnen Than):

I. Korinito 7:30

ke haba tavat adre me tenge, me he ka helâ me tavat adre me ca tenge: ke haba tavat adre me senyin, me he ka helâ me tavat adre me ca senyin; ke haba tavat adre me ûcû, me helâ me tavat ae theduoc;

I. Thesalonika 4:13

Hnyat me lakeiny lö, e bewehmun e me khanʼ öbun bongon tavat adre me mokut ut; mʼ öbun e ca he ka tenge helâ me keihen ae ba geju gadra.

Heberu 2:17

Wale me ka hamen e he ka wia e hēlâ me je liamekeiny më hnyi ta je ûnyi hia thithö, me me he ka at bihut ae nua ae betenge me hnathu hnyi ta je ûnyi anyin Khong, me me he ka hut bi, hnân ohia ta je hulo anyin tavat.

Heberu 4:15

Anyin ae ca hu bi gata at bihut ae nua at ame ca hnyi vec hnyi anyita ta je sënyin; ke so bi at adre hia but cubec ge ta je ûnyi hia thithö helâ möta, ke ba bi anyin hulo.

Owisa 10:16

Me adre me degec je khong kanyua unyidrin, me bi athnyaba kö Iehova, ke e ame tenge ge vec anyin at Isaraela.