Luka 6:8 - Iaai Bible 1901 (New Caledonia)

⁸ Ke e ame wâhmakhmeto ûnykûmenödra, me e ame ha ka at ae meleca hnyamen, ka habe, Höhöi thö, todrö hnyi wanben. Me e ame höhöi thö me tot.

Luka 6:8 ပူးပေါင်းရင်းမြစ်များ

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

I. Man Ûlabainy Je Than. 29:17

E khanö nya, Khonguk lö, a u at ame elâm hnyok, me senyin hnyi hwakecin ae wisa. Inya oge hia but ham ta je ûnyi hia ang ge wisainy hnyekuk: ke walang ang oge me wâ lakem ang me senyin, kʼ adre me ka hamödra hna köu.

Jobu 42:2

E khanö nya but ae khanö u he ka ânyâ ta je ûnyi hia. Ke haba hnâm hna ûnykûme me pason he ka thawâ.

Salamo 44:21

Hawa, ame ca he Khong ka elâm e? Anyin ae khana ta je ûnyi ae iyong eû hnyi hnyok.

Isaia 42:4

E ame ca he ka sēnyin me ngâ, ke ne o but e ame he ka ip hna owisa eang hmeledrany; ke ame he ta je bomene ka halubahingen anyin hnanyibu.

Mataio 9:4

Ke haba Iesu ame wâhmakhmeto je ûnykûmenödrin me e ame ha, ka habe, Ieû gabun öbun e ûnykûme mono eû hnyi je hnyekubun?

Mareko 3:3

Ke e ame ha ka at ae meleca hnyamen, ka habe, Todrö hnyi wanben.

Luka 13:12

Ame wâ e Iesu, me e ame ha kâu, ka hâbe, Momo lö, adre hia but thang ânyâm sënyin.

Luka 5:22

Ke ame manen dut kö Iesu hnödrin hna ûhnenamö, me e ame thu me ha ködrin, ka habe, Ieû gabun öbun e ûhnenamö eû hnyi je hnyekubun?

Luka 6:9

Haba Iesu ame ha kodra, ka habe Oge me he ka hnei öbun, Hawa, e ûcû he ka mâdrâ so hnyi sabath, ame ne he ka mâdrâ hulö? he ka omelö at, ame ne he ka hlingâ?

Ioane 2:25

ke ca ûnyi hnathu kâu a gʼ ame he at ka omanenâ hwakecin at; anyin a e ame wâhmakhmetoâ ta je ûnyi eû hnyi hnyin at.

Ioane 21:17

E ame ibi okun ba kâu, ka habe, Simona nöku Jona, u me hnyok könya? Peteru ame hmak hnyekon anyin a e okun dut ha kâu, kahabe, U me hnyok könya? Me e ame ha kâu, ka habe, Than lö u at ame wâ ta je ûnyi hia; u je wâ but a inya oge me hnyok köu. Iesu ame ha kâu, ka habe, Hān biju halek je mamoe.

Ioane 9:4

E ûcû köta he ka mâdrâ ta je huliwa anyin at a kunö nya e me tiga lany: ame he jem lit ke ca khana hmetu ke at he ka ânyâ ke huliwa.

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Ta je huliwa 26:26

Anyin ame wâhmakhmetoâ hnen than ta je ûnyi eang, me oge me ca hlohlo he ka fuc hnyi hnyimakan: anyin ae khanö nya wia ae ca iyong bi kâu ke ûnyi eang; anyin adre me ca ânyâ ûnyi eang hnyi dok ae iyong.

Filipi 1:28

ke ca outen bi ta je iwahnaihmiöny: wale a ke ûnyi hnân haten hnaûhango, ke haten bi möt köbun, a ûnyi ge Khong e;

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

I. Peteru 4:1

ANYIN a wale haba Keriso ame hom vec hnyi unyin, e so öbun e tet metâ me hnyok helâe; anyin a hia but mok degec hulo hnen at ame hom vec hnyi unyin;

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.