Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luka 6:48 - Iaai Bible 1901 (New Caledonia)

48 E ûcû me at ame hötilö uma, kʼ ame hiny dilâ, ke a bi taben ge veto, ke ame o but di, kʼ ame khutukhavâ uma eling, me ame ca bwebwet bi: anyin adre me otilâ wia e.

အခန်းကိုကြည့်ပါ။ ကော်ပီ




Luka 6:48
37 ပူးပေါင်းရင်းမြစ်များ  

haingen, ka habe, Iehova kicik, me hnok hnabâ, me at a omeli nya, walönya ang;


Anyin a ia Khong e ka ca Iehova? Ke ia kic e ka ca Khongutin?


E möt Iehova; ke so e hnahic ut kicik; E so adre ogöranyâ Khongon kiciny melik:


Anyin ame wadrö nya je waköiö adre me mekiny, Ame oti nya je di anyin tavat ae kong.


Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;


Can e, e so ame he tavat ae so ka hic köu hnyi ûen ae khanʼ ödra he ka ō u: E hnathu e ka o but wadutö ae gan, me ame ca he ka hakekenyâ e.


E thibi kicik me at ame omeli nya: E thibi anyik tap ae beû goranyai: adre me ca he ka ti bwebweli nya.


AI öbun ate me he ka khumöng ko Iehova: Ate me he ka hongot senyin ka kic at ame omeli ota.


E ka o hou, me ame he ka hia at ae kong: Ke hu taben nyiele balua at ae wisa.


Labageju thö kö Iehova nyiele balua: anyin a haba Than Iehova, me kic nyiele balua.


anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.


Me adre me he ka outen iö Iehova ûhedra jimeû, me outen anyin hmanenang ûhedra hnyi hna o hnen seûno: anyin a e ame he ka o helâ me wagewe ae hwege, wale ame tûâ hnen; homenö Iehova.


E ame he ka ti ohia dok e ge di at ame aba, me hnu je iwahnaihmiony më ka hnyi menekholom.


Haba tavat hia adre me o könya me long hok ta je hofuc me mâdrâ, me oge me he ka omanenâ köbun at ae ûcû mē:


Ke haba at ame long, kʼ ame ca mâdrâ bi, me ûcû me at ame hötilö uma hon kânâ ke ba taben; ke ame patrutrua bi di kâu, me logot û but e; ke gan hmâ hnaûhango uma e.


Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.


ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.


ke adre me up öbun hon taben ta je aposetolo me ta je perofeta, ke haba vetoiny ban kopiny, me Iesu Keriso;


Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.


U je hnying ge Kic, at ame hnöku u, Me ca ûnykûme hmetu ge Khong at ame up u.


Anyin ae ca tha ûcû anyidra kic me anyita Kic, Kʼ ame he ta je iwahnaihmiony möta ka ohnathoâ.


Ke ame tethmâ taben ae hwege anyin Khong, ae hu hna ohmâ haten eang, ka habe, A wâhmakhmetoâ but Than ta je aten: ke, Hamödra hia adre me hawâ ien Than he ka ûsâkâûö me hwakecin ae kong.


Anyin a wale, hnyat me lakeiny lö, hwege thʼ öbun he ka ohwâdâ hna hawʼ öbun, ke hna ûcʼ öbun: anyin a öbun e ne ânyâ balua ta je ûnyi e me öbun e ca he balua ka thö:


Ke walang ang je wanakat lö, laba ju eû hnyi hnyin; me me hu gata hnyok ae hwege, e ka manen dut, mʼ ate me ca he ka hmehma hnyi hnyimakan e ka o but.


Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,


E ba at ae kap helâ me Iehova; Anyin ae ba at bi ke hake thibi u Ke ba kic helâ me Khonguta.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ