Luka 6:45 - Iaai Bible 1901 (New Caledonia)

⁴⁵ Haba at ae so ame hom but ta je ûnyi ae so ûnyi hnyi tang omjehen hnyekon ae so; ke haba at ae kong ame hom but ta je ûnyi ae kong ûnyi hnyi tang omjeû ae kong: anyin ame fuc dö hnyem ûnyi ge hnyok ae unöngöt dö.

Luka 6:45 ပူးပေါင်းရင်းမြစ်များ

Salamo 140:5

Haba tavat bi gan adre hia but töu hnewe duöng, me ta je tö me hnok; Adre hia but thong ert eû hnyi baten gethen; Adre hia but ta je ofific me hnok. [Sela.

Salamo 59:12

Can hnödra hna hulo ge hnyimödra, me hofuciny je esongodidra, E so adre me he ka nuc ödra hnyi anyidra bi gan, Ke can ûhangö me thoi adre me ha.

Salamo 59:7

Wâ bi, adre me khöimage but ae je hnyimödra; E bi ta je hele vat hnyi je esongodidra: Anyin a haingödra, ka habe, Ie at ame löng?

Ta je Vejec 12:18

E hu tavat adre me ie fuc, helâke adre dâ ge hele vat: Ke haba bohmen at ae metâ, me hnân ometo.

Ta je Vejec 15:23

Ame senyin at ge hna thu hnen hnyi men: Shaiba ge soiny hofuc adre me ha hnyi ûen ae ûcû!

Ta je Vejec 4:23

Ti tuö wia ju hnyekom; Anyin ame o but möt ûnyi e.

Ioane 7:38

Haba at ame labageju könya me ame he ka uoû ûnyi eû hnyi hnyekon je wageweiny möt, helâji me hna sihnalimen.

Ta je huliwa 5:3

Ke haba Peteru ame ha, ka habe, Anania lö, ieû ga Satana ame ounöngötâ hnyekom, me u me he ka thoi ka Hanu Kap, me behânâ duöngâ ke keihen hwaban hnyei.

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Efeso 4:29

Ca he bi ka o ûnyi hnyi je hnyimöbun hofuc ae ikiki, ke so bi hofuc ae so hobi kâu ûen ae ûcû, me me okûâ so ka tavat adre me long.

Efeso 5:19

ke ûhnenamö thʼ Öbun hnyin ta je salamo, me ta je khumöng, me ta je fehuainy hanu, ke khumöng dö me senyin hnyi je hnyekubun ka Than;

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

Kolose 4:6

E bo öbun e he bala ka fuc me ibetengiö, ame osoâ ge sâlt, me me khanʼ öbun dö hwakecin he ka thu ka tavat.

Heberu 8:10

Anyin a walang ûhihinyköu oge me be ka ânyâ me lap anyin Isaraela Hwaban je bong eling, haingen Than; Oge me he ka ip anyik je hnanyibu hnyi ûnykûmenödra, Ke sihnalimen minya hnyi je hnyekudra: Ke oge me he ka Khong bi kodra, Ke adre me he bi ka lakeik:

Juda 1:15

he ka bi hwaban ka tavat hia thithö, me he ka ohwâdâ ka tavat adre ca outen Khong, anyidra ta je huliwa ae ca ûcû ka Khong, waleji adre ânyâ me ca ot ka Khong, me ta je hofuc ae hwahwacit waleji a ha gan tavat ae kong adre me ca outen Khong.