Luka 6:43 - Iaai Bible 1901 (New Caledonia)

⁴³ Anyin ae ba ûö ae so ame wa wan bi ae kong; ke haba khaca, e ba ûö ae kong ame wa wan ae so.

Luka 6:43 ပူးပေါင်းရင်းမြစ်များ

Isaia 5:4

Ieû ae khanʼ ödra ânyâ hmetu hnyi ik hnyei vine a oge ca hia but ânyâ hnyin e oge me halubahingen he ka wa wan vine, ke ieû ame wa, wan vineiny hnyot gan?

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Jeremia 2:21

Ke haba u, me oge me tä helâ me vine ame khulelau, hatong ae so: ieû gam u me hwio gak, ke u vine but ae monu me atkanyua?

Mataio 12:33

Osoâ thö ûö me me so minya je wan; ke haba khaca, okongoâ ûö me me kong minya je wan: anyin adre me wâhmakhmetoâ ûö ge wan.

Mataio 3:10

Adre hia but walang ang ip giwa hnyi hwecin ta je ûö: haba ta je ûö hia ame ca wa so, me adre ma sö degecâ me khûâ ka hnyi meic.

Luka 6:42

Ke u me he ka kâmâu ka ha ka liamekeiny möu, ka habe, Liamekeiny lö, iny bethe he ka hom atmen hnyi hnyin emâkâm, ke haba u bi u me ca wâ hmâ udâ eû hnyin emâkâm bi? U at thoi hnyok, bâm ka degec udâ ûnyi hnyi emâkâm bi, mʼ u me he ka wâ wia he ka degec ut atmen ûnyi hnyi emakan liamekeiny möu.