Luka 6:41 - Iaai Bible 1901 (New Caledonia)

⁴¹ Ke ieû gam u me wâ hmâ atmen hnyi emakan liamekeiny möu, ke u me ca wâ ûnykûme bi udâ hnyi hnyin emâkâm bi?

Luka 6:41 ပူးပေါင်းရင်းမြစ်များ

I. Je Than 2:32

Ke ame he Iehova ka ohmeto dren ka hnyi hon ban bi, anyin a e ame kot li at ae wisa me so hon, me hlingʼ ödru ge hele vat, ke ca khanö cica Davita, wale jia Abinera nöku Neri, taben vat anyin at Isaraela, me Amosa nöku Jether taben vat anyin at Juda.

I. Man Ûlabainy Je Than. 21:6

Ke e ame ca aû at Levi me Beniamina unyidrin: anyin ae ikiki kö Joab hofuc hwan than.

Salamo 36:2

Anyin a e ame haisoâ e bi hnyi ka hnyimakan bi, A adre me ca he ka wâ anyin hulo, me ikikiâ e.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Ezekiela 18:28

Anyin a e ame ûnykûme ke hmetu ûnyi hnyi hnen ta je hna hanyâûâ hia waleji e ame ânyâ, me e ame he bi ka möt, me ame ca he bi ka mok.

Mataio 7:1

CA ûnykûme hwalö, mʼ adre me ca ûnykûme hwali öbun bi.

Mareko 8:7

Ke e unyidrin minya ke je wâ ae ûhnyûkong: ke hwaban hna oleâ, e ame ûkhûnöng he ka ip minya e hnyi hnyimakodra.

Luka 6:40

E ca beönua at adre nâ hon at ame ûne: ke ame he ka tha ûcû at adre ometâ me at ame ûne kâu.

Luka 6:42

Ke u me he ka kâmâu ka ha ka liamekeiny möu, ka habe, Liamekeiny lö, iny bethe he ka hom atmen hnyi hnyin emâkâm, ke haba u bi u me ca wâ hmâ udâ eû hnyin emâkâm bi? U at thoi hnyok, bâm ka degec udâ ûnyi hnyi emâkâm bi, mʼ u me he ka wâ wia he ka degec ut atmen ûnyi hnyi emakan liamekeiny möu.

Ioane 8:7

Ke adre me hnö ûjengö e kâu, me e ame höhöi me ha ködra, ka habe, ama bân at ame ca munyi mâdrâ hulo ka lûâ e.

Roma 2:1

ANYIN a wale, at ame ûnykûm lö, e ba hnân thu gam: anyin a haba hnâm hna ûnykûme ke at, me u me ka hamâm bi ohnaûhangöi u; anyin a u me ka ânyâ ta je ûnyi e.

Iakobo 1:24

anyin a e ame ka wâ e, me ame hmetu but ke ame ie hnying ut bongon e bi.