Luka 6:30 - Iaai Bible 1901 (New Caledonia)

³⁰ Ham dö ka tavat adre me sumatö u; ke ca hnö hmetu bi ânyâm ta je ûnyi adre hûgûnâ.

Luka 6:30 ပူးပေါင်းရင်းမြစ်များ

Salamo 112:9

E ame hia but kuia, me ham ka tavat ae theduoc; Kʼ ame tethmâ nyiele balua hwakecin ae wisa: Ame he ka gorany anyin faoiny meno ge ogânâ.

Salamo 41:1

HNAHIC hnen at ame ûnykûme ka at ae sënyin: Ame he Iehova ka omelo e hnyi bong ae kong.

Ta je Vejec 19:17

Haba at ame betenge ge at ae theduoc, me ame më ham kö Iehova, Ke e ame he ka bi hwaban hnen hna ânyâ ae so.

Ta je Vejec 21:26

E hu tavat adre behnyekon gânâ hnyi je bong: Ke at ae wisa ame kuia, me ca behânâ bi.

Ta je Vejec 22:9

Ame he ka hnahic at ae hu li ecmak ae so; Anyin a e ame he ka han at ae theduoc.

At Khet 11:2

Ve ha jekhon tavat a ödrin seven, eke, ame ne eit; anyin ae ca khanö u ûkonguny ame he ka o eang hmeledrany.

At Khet 8:16

Hnyi ûen oge me ûnykûme eû hnyi hnyekuk he ka khana metâ, me wâ ta je ûnyi adre me ânyâ eang hmelen; (anyin ae hu at ame ca mokut hnyi lany me lit:)

Mataio 18:35

Ke ame he ka ânyâ helâe köbun hnen Kamök ethö hnyi drany, Öbun ka ca he hia ka ve thong keiny ûnyi hnyi je hnyekubun.

Mataio 5:39

ke inya oge me ha köbun, ka habe, Ca hagutâ at ae kong; ke haba at ame khaû wahicâm a metâm, mē wia minya thö ke keihen kâu.

Mataio 6:12

Thang ut ta je monu gahmun, helâ me hnöhmun hna thang ut ta je monu gadra adre me okongu ohmun.

Luka 11:41

Ke so bi öbun e ne ham onyen hnyi betenge; awe, ame he ka so ta je ûnyi hia unyibun.

Luka 12:33

Ûco thö anyibun ta je ûnyi me ham hnân ibetengiö; ânyâ ju je tang mone ae nâk hobi köbun, wale tang omjeû hnyi drany ame ca ba balua bi, ame ca hakekenyâ at ae venöu, kʼ ame ca okongoâ minya bi hnen nokon walelaba.

Luka 18:22

Ke a long ut Iesu ûnyi e, me e ame ha kâu, ka habe, Khaca biju ûnyi ae hia gam: ûco thö ânyâm ta je ûnyi hia, me khenâ ka ta je theduoc, ke u me he ka hu tang omjeû hnyi drany: ke aiö u bi, me he hotuk.

Luka 6:29

Ke haba at ame he ka khaû wahicâm, me wia minya thö kâu ke keihen; ke haba at ame he ka hûgûnâ ânyâm ûkot, me ca behânâ bi ûkhaû.

Luka 6:31

Ke haba hnobun hna weny tavat he ka ânyâ köbun, me ânyâ helâ ju e kodra.

Luka 6:38

ham dö, ke adre me he bi ka ham köbun; wale tulut ae gan, adre hlec, me ûjijingâköuâ, me kökölu but, adre me he ka ham ka hnyi je ûlaibun. Ke haba hnobun hna tuluto, me adre me he bi ka tuluto köbun.

Ta je huliwa 20:35

Hnyi ta je ûnyi hia oge me tot hnân ûcûcûbongoâ köbun, a hamöbun he ka huliwa helâe he ka hadruâ tavat a ödra sënyin, me ûnykûme hofuc hwan Than Iesu, waleji e ame ha, ka habe, E beönua hnahic hnen at ame ham, hon at ame kap.

II. Korinito 8:9

Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.

Efeso 4:28

Haba at ame venöu, ca he hmetu bi ka venöu: ke so bi e ame he ka huliwa, me ânyâ ge li hnyamen ûnyi ae so, me me hu kâu hnân he ka ham ka at ae theduoc.