Luka 6:25 - Iaai Bible 1901 (New Caledonia)

²⁵ Ekölö gabun tavat ae sekubun walang ang! anyin a öbun e he bi ka mekihnânem. Ekölö gabun tavat öbun e hluma walang ang! anyin a öbun e he ka tenge me hlöuhlöu.

Luka 6:25 ပူးပေါင်းရင်းမြစ်များ

Salamo 49:19

Ke so bi e ame he ka he ka ta je döiny lakamen; Kʼ adre me ca he bala bi ka wâ melam.

Ta je Vejec 14:13

Ame hmak hnyok hnyi ûen adre me hluma; Ke haba obiny senyin, me hloûhloû.

Ta je Vejec 30:9

Wâ e nye sekuk dö, me ivino u, me ha, ka habe, Ia Iehova? Ke wâ iny nye theduoc, me venöu, Me ha monoâ ien Khonguk.

At Khet 2:2

Oge me ha ge hwen hluhluma, ka habe, Hwen monu e: ke ge senyin, e ame hö?

At Khet 7:3

E so hloûhloû hon hluma: anyin ae so but hnyok hnen hnyimak ae menyöng.

At Khet 7:6

Anyin ame fifica je wahleûhleû hmelen öt, ke helâe ûhlumainy at ae monu: ke thatûnyi e.

Isaia 28:7

Ke a hia but minya tavat ang he hwali ge waina, me he monu ge grâg; ame he hwali at bi hut me perofeta ge grâg, ame utʼ ödra ge waina, ke adre me he monu ge grâg; adre me haû hnyi hnödra hna wâ, me ta tot hnyi hna owisa.

Isaia 65:13

Anyin a wale, walang hna ha hnen Than Iehova, Wâ bi, ame he je athnyabaik ka han, ke öbun e he bi öbun ka mekihnânem: wâ bi, ame he je athnyabaik ka ic, ke öbun e he bi öbun ka beic: wâ bi ame he je athnyabaik ka senyin, ke öbun e he bi öbun ka hmehma:

Isaia 8:21

Ke adre me he ka vheno e hnyi vec me mekihnânem: ke ödra ka he ka mekihnânem, me adre me he ka vec hnyok, me hangâ hnyi ien tuhödra me Khongudrin, ke hngele bi hnyi dranyai:

Isaia 9:20

Ame he ke at ka söh hnyi ke keihen a metâ, kʼ ame he ka mekihnânem bala bi; ke e ame he ka han hnyi ke keihen me, kʼ ame ca he ka sekon bi: kʼ adre me he ka ve an viny je benyidra bi:

Amosa 8:10

Ke oge me he ka wia anyibun je bijeû ka hnyi tenge, me anyibun je khumöng hia ka hnyi, tenge thungaû; ke oge me he ka oâ ka hnyi ta je hnyin hia mano ae gan nân, me ohadreûâ ta je ban hia; ke oge me he ka wia e helâ me hwatenge can nokon a khaca, me obiny e helâ me bong vec.

Nahuma 1:10

Eja ke ne adre ne vhet helâ me ûö ae ûdedö, me ti khubet hnyi hnödra hna ic, adre me he ka thung ödra helâ me thatûnyin hwit ae mada.

Luka 12:20

Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

Luka 13:28

Adre me he ka tenge eling, me ûgiö ganyudra, wale öbun ka he ka ö Aberahama, me Isaaka, me Jekob, me ta je perofeta hia thithö hnyi dokhu dokhon Khong, ke adre me he bi ka obʼ öbun.

Luka 6:24

Ekölö gabun tavat tren omjeû! anyin a öbun e hia but kap anyibun so.

Luka 6:26

Ekölö gabun e ka he tavat hia ka haisoi öbun! anyin a helâe hnen lakamödra ka ta je perofeta thoi.

Luka 8:53

Me adre me hluma e, anyin ae khanʼ ödra a ga, mokcu.

Efeso 5:4

helâe minya ûjao, ke ûhnenamoiny monu, ke ûhiö, wale ke ta je ûnyi ae ca ûcû, ke so bi ole.

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.

Iakobo 4:9

E so öbun e he ka vec, me tenge thungaû, me tenge: e so he ka wia anyibun hluma ka hnyi tenge thungaû, me anyibun senyin ka hnyi hnyok ae hmak.

Hna Omanenâ 3:17

Haingâm, Iny tren ta ûnyi, ke hu omjehek ut, ke ba ke ûnyi ae hia gak; ke ca khanö u bi nakaem, me kong, me theduoc, me wadröu, me he thu:

I. Samuela 2:5

Haba tavat ae sekon me ödrin e hnʼ ödrin bi he ka huliwa hnân jeû; Ke ame menâ but tavat ae mekihnânem; Ke ame hnokoâ seven hnen at ae tounyi; Ke ame sënyin dut at ae hu lakon, ae se.