Luka 6:23 - Iaai Bible 1901 (New Caledonia)

²³ Senyin dʼ öbun hnyi bong eling, me utsenyin: anyin a wâ bi, e gan hmâ hwa-böbun ethö hnyi drany: anyin adre me mâdrâ helâe ka ta je perofeta hnen lakamödra.

Luka 6:23 ပူးပေါင်းရင်းမြစ်များ

II. Samuela 6:16

Ke hnyi ûen ame didro tang tangö Iehova ka hnyi taun anyi Davita, haba Mikala nöku Saulo ame bwele hnyi mamalama me ō Davita than ame gâ me bibiâ hnyi hnyimakö Iehova; me e ame hûkötiâ e hnyi hnyekon.

I. Je Than 18:4

ke haba hnyi ûen Jezebela ame subâ degecâ je perofeta anyi Iehova, haba Obadia ame hom je perofeta a wan haded, me ikhölʼ ödrin ûsa fifte hnyi li op, me haödrin me habeledrin.)

I. Je Than 19:10

Haingen, ka habe, Inya oge ciâ ga Iehova, Khongon sabaoth; anyin a lakon Isaraela ödrin e hna degecâ ânyâm ûhihinyköu, me hagutâ hnyikânâi ânyâm taben hut, me hlingâ ânyâm je perofeta ge hele vat: ke hake inya thiju kolon; ke ödrin e elâm anyik möt he ka ohia e.

I. Je Than 19:14

Haingen, ka habe, Inya oge me ciâ ga Iehova Khongon sabaoth; anyin a lakon Isaraela ödrin e hna degecâ ânyâm ûhihinyköu, me hagutâ degecâ ânyâm je taben hut, me hlingâ ânyâm je perofeta ge hele vat; ke haba inya thiju kolon; ke ödrin e elâm anyik möt he ka ohiâ e.

I. Je Than 19:2

Me haba Jezebela ame kunâ ûthumetu kö Elia, me ha, ka habe, Ame be je khong ka ânyâ helâe könya me bi hanen minya, oge ne ca ânyâ ânyâm möt me me tha ûcû me möt anyin ke at gadrin, ame ne bong nyi hnyi awa eang.

I. Je Than 21:20

Haba Ahaba ame ha kö Elia, ka habe, E, iwahnaihmiony mönya, u je ō nya bi? Haingen, ka habe, Oge hia but ō u: anyin a u je ûcû u bi he ka ânyâ hulö hnyi hnyimakö Iehova.

I. Je Than 22:27

me ha, ka habe, Walang hna ha hnen than, ka habe, Ip dö at ang hnyi uma ceat, me han ge aretoiny vec me köien vec, ke ne o but oge me o me hnahic.

I. Je Than 22:8

Haba than Isaraela ame ha kö Jehosafata, ka habe, Khaca biju at jia Mikala nöku Imela, me e khanʼ otin he ka hnei Iehova a deny e: ke so bi hûkötiânök e; anyin a e ame ca perofeta ûnyi ae so gak, ke ûnyi bi ae kong. Ke haingen Jehosafata; ka habe, Than, ca ha helâe.

II. Je Than 6:31

Ke e ame ha, ka habe, Ame he Khong ka ânyâ helâe könya me bi hanen dö minya, ame ne e bala bö Elisaia nöku Safata hnyi bong ang.

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Nehemia 9:26

Ke so bi ödrin e ca ûling, ke ödrin e hna degeci u, me hna hotudrin ai ânyâm hnanyibu, me hlingâ ânyâm je perofeta tavat adre me thawʼ ödrin, he ka ohmetu ödrin köu, ke ödrin e oâ hmonyin ae gan hmâ.

Salamo 58:11

Me me be bi tavat ka ha, ka habe, E hnathu e hu troban hobi kâu at ae wisa: E hnathu e hu Khong at ame owisa eang hmeledrany.

Isaia 35:6

Me ame he ka gâ tavat ae kong cadra helâ me aila, kʼ ame he bi ka khumöng bohmen at ae hum: anyin ame he ka patrutrua köiö hnyi hnyebuba, me je wagewe hnyi dok ae hnyei baga.

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Mataio 5:12

Senyin dʼ öbun me hobâ: anyin ae gan hmâ hwaböbun ethö hnyi drany; anyin a helâe adre me ovecâ ta je perofeta a bân.

Luka 1:41

Ke a long ut Elisabeth ibifuci Maria, me ame uthmâhmâ mendreng eû hnyi hnyekon; ke unöngöt dö Elisabeth ge Hanu Kap;

Luka 1:44

Anyin a wâ bi, ame tiga o but ka hnyi li hnyikönyök ibifucâm, me ame uthmâhmâ thö mendreng eû hnyi hnyekuk ge senyin.

Luka 6:35

Ke betenge ju ge je iwahnaihmiony möbun, me mâdrâ thö so, me mē ham, ke ca ûnykûme bi; ke ame he ka gan hmâ hwaban köbun, ke öbun e he ka je lakon Beönua: anyin a e menyik kodra hia adre me ca ole bi, me tavat minya ae kong.

Ta je huliwa 14:10

me ame ha hwegiâ, ka habe, Tot wisa thö ge li cam. Me e ame ututut me he.

Ta je huliwa 3:8

Me e ame ut goranyai, me tot, me hwân ka he; me e ame tha didro mʼödru ka hnyi ûma kap, ame he, me utut, me ogânâ Khong.

Ta je huliwa 5:41

Me ödrin e he but ûhedrin hnyi hnyimakan tavat ûhnenamö, me senyin anyin adre me hna ködrin he ka kong can Ien.

Roma 5:3

Ke ca walang thibi, ke so ate me senyin minya hnyi anyita je vec: anyin ae khanʼ öta a gʼ ame okûâ hokhnyok ûnyi ge vec;

II. Korinito 12:10

Wale me inye senyinâ ta je sënyin, me ta je hna okongo, me ta je hna theduoc, me ta je hna seda, me ta je vec can Keriso: anyin a iny ka sënyin, wale ûen a iny hwege hnyin.

Kolose 1:24

Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;

II. Timoteo 2:12

ke ate ne hok hnyok, me ate me he ka tha than më: ke ate ne ivinoâ, me e ame he bi ka ivinʼ öta:

Heberu 11:26

ke e ame ûnykûme a hing omjeû hnödra hna haikongoâ e can Keriso, hon ta je omjeûiny Aigupito: anyin a e ame wâ hmâ hing hwaban.

Heberu 11:6

ke a ne ba labageju, me pason he ka osenyinâ e: anyin a haba at ame hakekenyâ Khong, me hamen he ka labageju, ka habe, ka e bi, ke e ame he ka bi hwaban ka tavat adre me elâm hwegiâ e.

Iakobo 1:2

Hnyat me lakeiny mönya lö, e so öbun e he ka ûnykûme a hnân senyin gan hmâ e ka o köbun ta je ûcûbic ae ve bongon;

I. Peteru 4:13

ke so bi senyin dʼ öbun anyin öbun e tha hom vec me Keriso; mʼ öbun e be ka senyin gan hmâ e ka manen dut anyin hmanenang.

Hna Omanenâ 2:17

Haba at ae hu hnyikönyen, löng ju hna ha hnen Hanu ka ta je ekalesia. Haba at ame ton, me oge me he ka hân ge mana ae iyong, ke oge me he ka ham kâu ke veto ae hau, ke e hnyi veto ien a teb ûnyi adre set, ae ca khana at, ke so bi at ame kap.

Hna Omanenâ 2:26

Ke haba at ame ton, kʼ ame vheno anyik ta je huliwa ke ne o but obiny, me oge me he ka ham kâu musi hon ta je hnyei:

Hna Omanenâ 2:7

Haba at ae hu hnyikonyen löng ju hna ha hnen Hanu ka ta je ekalesia. Haba at ame ton, me oge me he ka ham köu he ka han ûnyi hnyi ûöiny möt, walethö hnyi Paradaiso anyin Khong.

Hna Omanenâ 21:7

Ame he ka hu ta je ûnyi e hnen at ame ton; me oge me he ka Khongon, ke e ame he ka nokuk.

Hna Omanenâ 3:12

Haba at ame ton, oge me he ka wia me hnân hmolominy uma kap umen Khonguk, ke e ame ca he hmetu ka didrut: ke oge me he ka sihnalimen hnyi hon at eling ien Khonguk, me ien taun anyin Khonguk, wale Jerusalema a teb ûnyi, ame utut ûnyi hnyi drany ûnyi ge Khonguk, me iök minya a teb ûnyi.

Hna Omanenâ 3:5

Haba at ame ton, me adre me he bi ka okhaûâ helâe ge je ûkhaû ae hau; ke oge me ca he ka kot degecâ ien hnyi tusiny möt, ke oge me he ka ha ien hnyi hnyimakö Cica, ke hnyi hnyimakan anyin ta je angela.