Luka 6:21 - Iaai Bible 1901 (New Caledonia)

²¹ Hnobun hnahic öbun e mekihnânem walang ang, anyin adre me he ka osekuni öbun. Hnobun hnahic öbun e tenge walang ang, anyin öbun e he ka hluma.

Luka 6:21 ပူးပေါင်းရင်းမြစ်များ

Genese 17:17

Me Aberahama ame ta hnyikânâi, me hluma, me ha eû hnyi hnyekon, ka habe, Hawa, ama he at a khaca haded hunainy ka hnokoâ nokon? kʼ ame he Sara ka hnokoâ ke nainte but ta je hunainy?

Genese 21:6

Ke haingö Sara, ka habe, Khong ame hia but ohlumö nya; kʼ ame he ka tha hluma mönya tavat hia adre me löng.

Salamo 107:9

Anyin a e ame osekunâ hanon at ame behu, Me öunöngötâ ge so hanon at ae mekihnânem.

Salamo 119:136

Ta je di ame hingölö hnyi li emakök, Can adre me ca tuö ânyâm ta je hnanyibu.

Salamo 143:6

Oge me lau li hnyamok köu: E beic hanuk unyâm helâ me kânâ ae atgec. [Sela.

Salamo 17:15

Ke haba inya oge me he ka wâ hnyimâkâm hnyi hwakecin ae wisa: Ame he ka sekuk, iny ka hmak dö a tha helâ möu.

Salamo 28:7

Iehova tang hwegiök me becik; Haba hnyekuk ame labageju kâu, kʼ ame hadruo nya: Anyin a wale ame ti senyin hnyekuk; Ke oge me he ka ogânâ e ge anyik: khumöng.

Salamo 65:4

Hnahic hnen at u je ûca, me ohakekenyi u, Me me he ka laba hnyin je hnyeulem: Ame he ka sekuhmun ge soiny umâm uma, Wale dok ae kap a umâm uma.

Isaia 25:6

Ke ame he Iehova tuhan sabaoth ka ânyâ hnyi bucen ang hobi kâu ta je hnyei hia thithö bijeû ge ta je ûnyi ae pipikhenya, bijeû waina adre tha ip me kolon, ke adre ânyâwia.

Isaia 30:19

Anyin ame he tavat ka laba hnyi Ziona wale Jerusalema: u me ca he ka tenge hmetu; ke e ame he ka betenge gam hnyi hnâm hna hongot; ke ka long, me ame be ka thu köu.

Isaia 66:10

Tha senyin dʼ öbun me Jerusalema, me hobâ thö gan öbun hia thithö tavat öbun e hnyok kâu: tha senyin hwege thö mē, öbun hia thithö öbun e tenge gan:

Jeremia 13:17

Ke öbun e ca long, ame he hnyekuk ka tenge hnyi dok ae iyong can anyibun bigan; ke ame he li emakök ka ti tenge, me lup ge deköiök, anyin adre hom bâ hna hat mamoe hale Iehova.

Jeremia 31:25

Anyin oge hia but osekunâ tavat hia ae sënyin, me öunöngötâ tavat hia ae hloûhloû.

Jeremia 31:9

Adre me he ka o me tenge tot, ke oge me he ka lili ödra ge khöû: oge me he ka hum ödra ka hnyi je wagewe, hnyi gethen ae wisa, wale adre me ca he ka haû hnyin: anyin a inya ang kâmâm Isaraela, ke haba Eferaima, me, nokuk a bân.

Jeremia 9:1

E NA köiö ju bok, ge pupuainy deköien li emakök, me inye he ka tenge hnyi lany me lit can tavat adre me hlingâ aten hluiny ik hnyei!

Ezekiela 7:16

Ke haba tavat adre me kec gadra, me adre me he ka kec möt, kʼ adre me he ka helâ me je hinyin hnyigöulen bucen, kʼ adre me he ka ve tenge hon je bucen can hwakecidra.

Ezekiela 9:4

Ke haba Iehova ame ha kâu, ka habe, Vheno thö taun wanben Jerusalema, ke u me he ka bi haten hnyi je bariny tavat adre me mâng me tenge can ta je ûnyi hia ae ikiki wale adre me ânyâ hnyi wanben e.

Mataio 5:4

Hnahic hnen tavat adre me tenge, anyin a adre me he ka otubweli ödra.

Mataio 5:6

Hnahic hnen tavat adre me bean ke beijem hwakecin ae wisa; anyin adre me he ka osekuni ödra.

Luka 1:53

E ame osekunâ tavat a ödra mekihnâ nem ge ta je ûnyi ae so, Kʼ ame kunâ wia tavat tren omjeû ke ba ûnyi.

Luka 6:20

Haba e ame wâ hmâ laten kʼ ame ha, ka habe, Hnobun hnahic tavat ne theduoc, anyin a hobi köbun dokhu dokhon Khong.

Luka 6:22

Hnobun hnahic e ka he tavat ka hûköti öbun, me obʼ öbun, me haikongu öbun, me degec je iöbun helâ me ûnyi ae kong can Nokon at.

Luka 6:25

Ekölö gabun tavat ae sekubun walang ang! anyin a öbun e he bi ka mekihnânem. Ekölö gabun tavat öbun e hluma walang ang! anyin a öbun e he ka tenge me hlöuhlöu.

Ioane 11:35

Iesu ame tenge.

Ioane 4:10

Haba Iesu ame thu me ha ka momo, ka habe, A ne manen köu bwihlany anyin Khong, me at ame ha köu, Habelik; me u je he ka sumâtâ gan, me e ame he ka ham köu köien möt.

Ioane 6:35

Me haingö Iesu ködra, ka habe, Inya ang aretoiny möt: haba at ame he ka o könya, me ame ca he hmetu ka mekihnânem, ke haba at ame he ka labageju könya, me ame ca he hmetu ka beic.

I. Korinito 4:11

Ke ne o but awa ang ohmun e mekihnânem, me beic, me he thu, me hna khaû, ke ba dok ohmun e laba hmâ hnyin;

II. Korinito 11:27

inya hnyi huliwa ae hmak, me vec, me osehia hmâkâ, me mekihnânem, me beic, me ibiose hokhnyok, me hnyi megic, me he thu.

II. Korinito 12:10

Wale me inye senyinâ ta je sënyin, me ta je hna okongo, me ta je hna theduoc, me ta je hna seda, me ta je vec can Keriso: anyin a iny ka sënyin, wale ûen a iny hwege hnyin.

II. Korinito 6:10

helâke hnyat ae hmak hnyok, kʼ öhmun e sēnyin bala; helâ me theduoc, kʼ öhmun e otrenâ tavat ae se; helâke me ba ta ûnyi, ke hu but ta je ûnyi hia thithö.

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

Hna Omanenâ 21:3

Ke oge me löng hofuc ae gan ûnyi hnyi theron ame ha, ka habe, Wâ bi, e unyin tavat uma menâ umen Khong, ke e ame he ka laba unyidra, ke adre me he ka lakeiny, ke ame he Khong ka tha e mʼ ödra, kʼ ame he ka Khongudrin:

Hna Omanenâ 7:16

Adre me ca he hmetu ka mekihnânem, ke adre me ca he minya ka beic; ke ame ca he ka li ödra hnen seûno me kahwa: