Luka 6:20 - Iaai Bible 1901 (New Caledonia)

²⁰ Haba e ame wâ hmâ laten kʼ ame ha, ka habe, Hnobun hnahic tavat ne theduoc, anyin a hobi köbun dokhu dokhon Khong.

Luka 6:20 ပူးပေါင်းရင်းမြစ်များ

Salamo 37:16

E nua ûhnyûkong hna hu hnen at ae wisa hwakecin Hon tang omjehen tavat ae kong.

Ta je Vejec 16:19

E so he ka hnyok hnyikânâ tha e me tavat ae ilemuk, Hon he ka tha khenâ je hna söh me tavat bi gan.

Ta je Vejec 19:1

E SO at ae ba ta ûnyi kʼ ame vheno anyin wisa, Hon at ae hwali ifucin ke monu.

Isaia 29:19

Ke ame he tavat ae ilemuk ka ogânâ anyidra senyin ga Iehova, kʼ ame he tavat ae theduoc ka hobâ ge Kabi Isaraela.

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Zefania 3:12

Ke oge me he ka ip hnyi wanbâm ta je hna ovecâ me theduoc, ke adre me he ka labageju ka iö Iehova.

Zakaria 11:11

Ke ame hmetru thö hnyi bong eling: ke e khana but hnahat mamoe ae vec ut, tavat adre me tevehlöng könya a wale hofuc ho Iehova.

Mataio 11:5

a bwele but ta je wadröu ame he thö ta je mat, a khabalaû but ta je lepera, ame long dö ta je wejiji, a möt hmetu thö tavat adre mokcu, ke adre me khetâ ûthumetu ae so ka ta je theduoc.

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Mataio 5:1

E AME wâ tavat ae se hia, me e ame ölö thö ka hnyi bucen: ke hnyi ûen e ame la ba, me ame o kâu laten:

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Luka 13:28

Adre me he ka tenge eling, me ûgiö ganyudra, wale öbun ka he ka ö Aberahama, me Isaaka, me Jekob, me ta je perofeta hia thithö hnyi dokhu dokhon Khong, ke adre me he bi ka obʼ öbun.

Luka 14:15

Ame long ta je hofuc e hnen ke at ame tha laba mē, me e ame ha kâu, ka habe, Hnahic hnen at ame he ka hnyi han hnyi dokhu dokhon Khong.

Luka 16:25

Ke haingö Aberahama, ka habe, Nokuk, ûnykûme ju a gʼ ame hu köu ânyâm ta je ûnyi ae so hnyi ânyâm möt, ke Lazaro thibiji ae kong anyin ta je ûnyi: ke walang ang e ame senyin, me u me vec biju.

Luka 4:18

E but huk Hanon Than, Anyin a e ame hia but hû nya he ka khetâ ûthumetu ae so ka ta je theduoc: E ame hia but kunö nya he ka haimemenâ hna hna ka ta je hwenbâ, Ke hna bwele ka je wadröu, Ke he ka thang hnyat adre aat dö

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

II. Korinito 6:10

helâke hnyat ae hmak hnyok, kʼ öhmun e sēnyin bala; helâ me theduoc, kʼ öhmun e otrenâ tavat ae se; helâke me ba ta ûnyi, ke hu but ta je ûnyi hia thithö.

II. Korinito 8:2

ka habe, adre cubic ödra hnyi vec ae gan hmâ, ke ame kû gan hmâ but anyidra sēnyin me hna ham bâûâ ûnyi hnyi anyidra theduoc.

II. Korinito 8:9

Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.

I. Thesalonika 1:6

Ke öbun e ûcûcûbingi öhmun, me Than minya, me kap hwan hofuc hnyi vec ae gan hmâ, me senyin ûnyi ge Hanu Kap;

II. Thesalonika. 1:5

wale haten ûhnei ae wisa anyin Khong; mʼ adre me haöûcû öbun ka hnyi dokhu dokhon Khong, wale öbun e vec minya can:

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

Hna Omanenâ 2:9

E khanö nya ânyâm ta je huliwa, me ânyâm theduoc (ke u me tren ta ûnyi), me bi gan anyin tavat adre me ha, a ödra tavat Juda, ke ba bi, ke sunago ödra a umo Satana.

I. Samuela 2:8

E ame ogöranyâ at ae theduoc ûnyi hnyi sesâ, Me ogöranyâ at ae ba ta ûnyi hnyi hna digic thatûnyi, He ka tha olabʼ ödrin me je than, Me tabâ theron ae hmanenang: Anyin a e unyi Iehova je hmolominy hmeledrany, Ke e ame otilâ hmeledrany hon e.