Luka 6:17 - Iaai Bible 1901 (New Caledonia)

¹⁷ ke e ame tha utut mödrin me tot hnyi dok ae tha hon, me tavat ae se hia a je laten, me tavat ae se hia ûhedra Juda hia, me Jerusalema, ke ûnyi hnyi hobat köiö hnyi Turo me Sidona, tavat adre me he but kâu he ka long hwan, me me he ka osoâ hnödra je mok;

Luka 6:17 ပူးပေါင်းရင်းမြစ်များ

Salamo 103:3

Wale at ame hna degecâ ânyâm ta je hulo hia; Me ometo hnâm je mok hia;

Mataio 11:21

Ekölö gam Korazin! ekölö gam Bethesaida! anyin adre ne ânyâ hnyi Turo me Sidona ta je huliwa ae man adre ânyâ unyibun, adre me ne hia but ietra me ecmano ae gan nân me hnabadröu.

Mataio 12:15

Ke a wâhmakhmeto but Iesu, me e ame hna but dok e: ke ame he hoton tavat ae se; me e ame omeli ödra hia,

Mataio 14:14

Ke e ame o thö me wâ tavat ae se hia, me e ame betenge gadra, me ohia hnödra ta je mok.

Mataio 15:21

Haba Iesu ame hna but dok e, me he ka hnyi ke keihen Turo me Sidona.

Mataio 5:1

E AME wâ tavat ae se hia, me e ame ölö thö ka hnyi bucen: ke hnyi ûen e ame la ba, me ame o kâu laten:

Luka 5:15

Ke e ame lung tot igigilo: ke ame ûkhacaköu tavat ae se hia he ka long, me he ka möt ut ge ta je mok gadra.

Luka 6:12

Hnyi ûen eling, e ame he ka hnyi bucen he ka hic; ke e ame hic ka Khong hnyi lit hia.

Luka 6:16

ke Juda liamekeiny me Iakobo, ke Juda Isakariota wale at ûalecuo;

Luka 6:18

me tavat minya adre ovecâ hnen ta je hanu ae kong, me adre me so but.