Luka 6:12 - Iaai Bible 1901 (New Caledonia)

¹² Hnyi ûen eling, e ame he ka hnyi bucen he ka hic; ke e ame hic ka Khong hnyi lit hia.

Luka 6:12 ပူးပေါင်းရင်းမြစ်များ

Salamo 22:2

Khonguk lö, oge me hongot köu hnyi lany, kʼ u me ca long könya; Ke oge me ca laba hnyibû hnyi hnyinghet.

Isaia 26:9

Ame weny u ge hnyekuk hnyi hnyinghet; eke, oge me he ka elelöm u ge hanuk eû hnyi hnyekuk; ke wale but ang hnyi hmeledrany hnâm je hna owisa, waleling me me he tavat adre me laba hnyi hmeledrany ka nâ hwakecin ae wisa.

Daniela 6:10

Ke e khanö Daniela but a gʼ adre set ut tusi, me e ame didro ka hnyi umen uma; (ke adre khong je mamalaminy hnyeuleny cico Jerusalema;) ke e ame ibi okun cibouca hnyi je bong, me hic, me ole hnyi hnyimakan Khongon, helâ me hnen bi hna labö khenenâ.

Mataio 5:1

E AME wâ tavat ae se hia, me e ame ölö thö ka hnyi bucen: ke hnyi ûen e ame la ba, me ame o kâu laten:

Mataio 6:6

Ke haba u, u ka he âu ka hic, didrut ka hnyi hnyeulem, eiö hnyin uma, ke u ka hia but hlöng hwanuma, hic ju ka Kâmâm hnyi dok ae iyong, ke ame he Kâmâm at ame wâ hnyi dok ae iyong ka bi hwaban köu.

Mareko 1:35

Ke haba nyi, ke tiga bec ka o thö seûno, me e ame höihöi thö me didrut, me he ka hnyi dok ae ba aten, me hic eling.

Mareko 3:13

Ke e ame ölö thö ka hnyi bucen, kʼ ame hawâ kâu hnyat ae weny: me ödrin e he but kâu.

Mareko 6:46

Ke a hia but ûhûne mödra, me e ame he ka hnyi bucen he ka hic.

Luka 5:16

Me e ame he but ka hnyi hnyebuba he ka hic.

Luka 6:11

Ke adre me hmönyidra gan hmâ; me ûhnenamököuâ ûnyi adre me he ka ânyâ kö Iesu.

Luka 6:17

ke e ame tha utut mödrin me tot hnyi dok ae tha hon, me tavat ae se hia a je laten, me tavat ae se hia ûhedra Juda hia, me Jerusalema, ke ûnyi hnyi hobat köiö hnyi Turo me Sidona, tavat adre me he but kâu he ka long hwan, me me he ka osoâ hnödra je mok;

Luka 9:18

Ke hake e biju ame hic, ke tha e mē laten: me e ame hnei ödrin, ka habe, Haba hna ha hnen tavat gak, me iny ia?

Luka 9:28

Hwaban ta je hofuc eling, ame ne eit ut ta bong, e ame hum Peteru, me Ioane, me Iakobo, kʼ ame ölö hnyi bucen he ka hic.

Luka 9:29

Ke e ame tiga hic, me ame ke bongon dut hnyimakan, kʼ ame hau me hadröngöc ûkhaûen.

Ioane 6:3

Ke haba Iesu ame öliâ bucen, me tha laba eling me laten.

Kolose 4:2

E so öbun e hic ûjöng, me hmâkâ e, me ole;

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.