Luka 5:24 - Iaai Bible 1901 (New Caledonia)

²⁴ Ke so bi, me me manen köbun ae tren man Nokon at eang hmeledrany he ka hna degecâ ta je hulö (e ame ha ka at ae mat, ka habe). Inya oge me ha köu, Todrö me hom minya thö hnâm me he ka hnyi umâm uma.

Luka 5:24 ပူးပေါင်းရင်းမြစ်များ

Isaia 53:11

E ame he ka wâ ivecin hanon me sekunâ: kʼ ame he athnyabaik ae wisa ka owisa tavat ae se hia ge hnen hna wâhmakhmeto: ke e ame he ka vadren anyidra ta je hulo.

Daniela 7:13

Ke oge me wâ je hna omanenâ hnyi lit, ke wâ bi, ame tha o me je ûlâiny drany, at helâ me nokon at, ke e ame o ka hingat kâû adrem, mʼ adre me hom e ka hnyi hnyimakan.

Mataio 16:13

Ke ame o but Iesu hnyi ke keihen hnyei Kaisaria Filipi, me e ame hnö laten, ka habe, Haba ifucin tavat ge Nokon at, me ia?

Mataio 25:31

Ke e ka o but Nokon at hnyi anyin hmanenang tha e me anyin ta je angela hia thithö, me e ame he ka laba hon theroniny anyin hmanenang:

Mataio 26:64

Haingö Iesu ame ha kâu, ka habe, U me ha e: ke inya oge me ka köbun, ka habe, Nyiele öbun e he ka wâ Nokon at ame laba hnyi ke keihen maniny man a metân, kʼ ame he ka o hnyi ûlâiny drany.

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Mataio 4:24

Ke e ame lung igigilo Suria hia thithö: me adre me hom but kâu tavat ae mok hia thithö, wale ame takû ödra ge je ve mok me vec, tavat a delec demoni, me ing, me mat, me e ame omeli ödra.

Mataio 9:6

Ke so bi möbun e he ka wâ ae tren man Nokon at eang hmeledrany he ka thang ta je hulö (me e ame ha ka at ae mat, ka habe) Todrö, hom minya thö hnâm me he thö ka hnyi umâm uma.

Luka 5:13

Me e ame inâ hnyamen me kâlâ e, me ha, ka habe, Iny be wek; u me so but. Me ame ie hia but lepera gan.

Luka 5:18

Me wâ bi, tavat adre me vadren at ae mat hon hna mokut: me adre me heleû deny he ka hom e me ip hnyi hnyimakan.

Luka 5:23

Ieû ae hâhâ he ka ha, ka habe, Adre hia but thang ta je monu gam, ke he ka ha bi ka habe, Todrö me he thö?

Luka 7:14

Ke e ame he hakekeny me kâlâ tap; me ame todru tavat adre me sam. Ke e ame ha, ka habe, Hidröu lö, inya oge me ha köu, ka habe, Todrö.

Luka 8:54

Ke e ame hom hnyamen me hongot, ka habe, Hlu lö, todrö.

Ioane 11:43

E ame ha hofuc e, me e ame hongot hwege thö, ka habe, Lazaro lö, didrut.

Ioane 17:2

waleling u je hna e he ka muso tavat hia, me me he ka ham möt ame ca ba balua kodra hia u je ham kâu.

Ioane 3:13

E ba at ame hia but ölö hnyi drany ai ke so thibi at ame utut ûheny hnyi drany, wale Nokon at a e hnyi drany.

Ioane 5:27

ke e ame ham minya kâu man he ka hnei, anyin a e Nokon at.

Ta je huliwa 14:10

me ame ha hwegiâ, ka habe, Tot wisa thö ge li cam. Me e ame ututut me he.

Ta je huliwa 5:31

E thibi at Khong ame ogöranyâ hnen hnyamen a metân hnân Than me At ûhomeli, me me he ka ham ka at Isaraela ietra, me hna thang ta je hulo.

Ta je huliwa 9:34

Haba Peteru ame ha kâu, ka habe, Ainea lö, haba Iesu Keriso ame osoi u: todrö, me ânyâwia hnâm hna mokut. Me e ame ie todrö.

Ta je huliwa 9:40

Ke haba Peteru ame obʼ ödrin dut hnyou ai, kʼ ame cibouca me hic; ke e ame hwio thö ka komok, me ha, ka habe, Tabitha lö, todrö. Me ame bwela but li emakan momo; ke e ame ō Peteru, me e ame laba thö.

Hna Omanenâ 1:13

ke e hnyi wanben je taben lamepa a seven ke at helâ me Nokon at, a khavâ ûkhaû ame beû ke ne o but hnyi hnyeûcan, ke ame weikâ ûlainy ge wen a gol.