Luka 5:22 - Iaai Bible 1901 (New Caledonia)

²² Ke ame manen dut kö Iesu hnödrin hna ûhnenamö, me e ame thu me ha ködrin, ka habe, Ieû gabun öbun e ûhnenamö eû hnyi je hnyekubun?

Luka 5:22 ပူးပေါင်းရင်းမြစ်များ

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

Salamo 139:2

U je wâhmakhmeto ûlabaik me ûtilök, U je wâ ûnykûme ûnykûmenök hnyi dok ae sâkâû.

Ta je Vejec 15:26

Hmiö Iehova ta je bihihwakecin ae kong: Ke alai ta je hofuc ae kese.

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Ezekiela 38:10

Walang hna ha hnen Than Iehova, ka habe, Hnyi ûen eling, ame he ka o je ûnyi hnyi hnyekom, ke u me he ka hu hna ûnykûme ae kong:

Mataio 12:15

Ke a wâhmakhmeto but Iesu, me e ame hna but dok e: ke ame he hoton tavat ae se; me e ame omeli ödra hia,

Mataio 12:25

Ke e ame wâ je ûnykûmenödrin, me e ame ha ködrin, ka habe, Haba je dökhu hia adre imouköu gadra, me ame he ka ba wan; ke ame ca he ka tethmâ taun ame ne hnyaba adre me imouköu gadra:

Mataio 9:4

Ke haba Iesu ame wâhmakhmeto je ûnykûmenödrin me e ame ha, ka habe, Ieû gabun öbun e ûnykûme mono eû hnyi je hnyekubun?

Mareko 8:17

Ke haba Iesu ame wâhmakhmeto, me e ame ha ködrin, ka habe, Ieû gabun öbun e ûhnenamököuâ, ka habe, anyin ae ba ö ʼbun? hawa öbun tiga ca wâ, me wâhmakhmeto? e khot bala bi je hnyekubun?

Luka 24:38

Me e ame ha ködrin, ka habe, Ieû gabun öbun e hlohlo? ke ieû ame kû gan lolo eû hnyi je hnyekubun?

Luka 5:21

Haba tavat sihnalimen me ta je Faresaio adre me hwân he ka ûhnenamö ka habe, Ia e ame fuc bigan? Ia ae khana he ka hna degecâ ta je hulö ke hake Khong thibi?

Luka 5:23

Ieû ae hâhâ he ka ha, ka habe, Adre hia but thang ta je monu gam, ke he ka ha bi ka habe, Todrö me he thö?

Ta je huliwa 5:3

Ke haba Peteru ame ha, ka habe, Anania lö, ieû ga Satana ame ounöngötâ hnyekom, me u me he ka thoi ka Hanu Kap, me behânâ duöngâ ke keihen hwaban hnyei.

Heberu 4:12

Anyin ae möt hofuc hwan Khong, me hwege huliwa, me so hwan hon hele vat a lo homakan, ame dâ me subâ luâ but hnyok me hanu, me hna hûjö je jeien unyin me onyen jeien, ke ame ie wâ cicöâ ta je ûnykûme me ta je weny hnyok.

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.