Luka 5:12 - Iaai Bible 1901 (New Caledonia)

¹² E ame tiga laba hnyi ke taun ke wâ bi, at ae khot ut unyin ge lepera: kʼ ame ō Iesu, me ta ju hnyikânâi, me sumâtâ e, ka habe, Than lö, a ne wem me khanö u he ka osoi nya.

Luka 5:12 ပူးပေါင်းရင်းမြစ်များ

Genese 18:14

Ewa ke ûnyi ae hmak kö Iehova? Haba hnyi bong adre thu oge me he ka hmetu köu, e ka o but ûen, kʼ ame he Sara ka hnokoâ nokon da.

I. Je Than 18:39

Ke ame wâ e hnen tavat, me ödrin e ta hnyikânâi, me ha, ka habe, Iehova, Khong.

II. Je Than 5:1

HABA Naamana a taben vat anyin than Suria, me e at ae gan unyin tuhan, kʼ adre me ogânâ, anyin a Iehova ame omelö at Suria a deny e; ke e at ae hwege, ke lepera bi.

II. Je Than 5:27

Anyin a wale ame he ka kece köu me je mâtrânâm nyiele baluae lepera anyi Naamana. Me e ame didrut gan a e lepera but ke hau helâ me kiona.

II. Je Than 7:3

Ke e hu tavat a lepera a ödrin foa hnyi hwanumen homagöule, ke ödrin e ûhnenamököuâ me ha, ka habe, Anyin a ieû otin e he ka laba eang ke ne o but otin e mokcu?

I. Man Ûlabainy Je Than. 21:16

Ke Davita ame bwele goranyai me wâ angela anyi Iehova ame tot hnyi wanben hmeledrany me drany, ke e hnyi hnyamen hele vat adre oc me hai hon Jerusalem. Me ame ta hnyikânâi Davita me wahingat kʼ ödrin e khavâ mano ae gan nân.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 91:15

E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e.

Esodo 4:6

Ke Iehova ame ha minya kâu, ka habe, Inâ but hnyamâm ka hnyi ûlâiâm. Ke ame inâ hnyamen ka hnyi ûlainy: me oc hmetu but, ke wâ bi, a lepera but hnyamen, ke hau helâ me kiona.

Levitiko 13:16

Ke a ne wia hmetu utiö ae hât me me hau, me e ame he ka he ka at bihut,

Levitiko 9:24

Ke ame he but meic ûheny ûnyi Iehova me le avâ hudiny leû, me pipikhenya hon taben hut; ke a wâ but e ge tavat hia, me adre me hongot, me ta ju hnyikânâi.

Mataio 26:6

E but Iesu hnyi Bethania hnyi uma umo Simona a lepera,

Mataio 9:28

Ke e ame didro ka hnyi uma, me ame he but kâu li wadröu: ke haba Iesu ame ha ködru, ka habe, Hawa, öbu me ûnykûme me e khanö nya he ka ânyâ e? Ke ödru me ha kâu, ka habe, E, Than.

Mareko 5:23

me khöû hwege, ka habe, Ame he but ka mok nokuk in ae ûhnyûkong: ö u he thö jem he ka me ip li hnyamâm hon, me me so but, me me he ka mödrut.

Luka 17:16

me ta ju hnyikânâi hnyi hmelen li can, me ole kâu: haba at Samaria e.

Luka 5:13

Me e ame inâ hnyamen me kâlâ e, me ha, ka habe, Iny be wek; u me so but. Me ame ie hia but lepera gan.

Deuteronomi 24:8

Ō u âu ge mok lepera he ka ti wâ wia, me ânyâ helâ me at Levi a tavat bihut ame nʼ öbun: öbun e he ka wâ wia ka ânyâ hoton hnok hna hûna ködra.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

Josua 5:14

Ke e ame thu, ka habe, E ba, anyin a oge o hnân taben je utbavat anyi Iehova. Ke Josua ame ta ju hnyikânâi, me nom ju, me ha kâu, ka habe, Ieû hofuc hwan tuhok ka athnyabainy?