Luka 4:6 - Iaai Bible 1901 (New Caledonia)

⁶ Ke haba diabolo ame ha kâu, ka habe, Oge me he ka ham köu ta je musi hia e, me ta je hmanenanginy: anyin adre hia but hna but e könya; mʼ inye he ka ham ka at oge me wek kâu.

Luka 4:6 ပူးပေါင်းရင်းမြစ်များ

Esetera 5:11

Ke haba Hamana ame omanenâ ködrin hmanenanginy anyin tang omjeû, me ûseiny je lakon, me ta je ûnyi hia than ame oganâ hnyin, me hnen hna ogöranyâ e hon je than me lathnyabainy than.

Isaia 23:9

Ame ûnykûme e hnö Iehova tuhan sabaoth, hnân he ka oûnyibaûâ bigan anyin tavat hia ae hmanenang, me ohûkötiâ je at hnathuiny hia hmeledrany.

Isaia 5:14

Anyin a wale a hia but hedis ogânâ weny bi, kʼ ame memang gan hmâ a ca hnân bi tuluto: me ame tha utut ka hnyin anyidra hmanenang, me hoûmonu, me tavat mede, me tavat hobâ.

Luka 4:7

Anyin a wale u je ne he ka khudrung ju könya, me ânyâm but ta je ûnyi hia eling.

Ioane 12:31

Adre me he walang ang ka owisa hmeledrany: ke adre me he walang ang ka obâ tuhan hmeledrany ang.

Ioane 14:30

Oge me ca he hmetu ka ose hia fuc köbun, anyin ame he jem tuhan eang hmeledrany:

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

II. Korinito 11:14

Ke ca hnân bi lâiâ e, anyin a Satana ame ka hamen wia e me hnân angela ae melam.

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

I. Peteru 1:24

Anyin A helâ me hna önying tavat hia thithö, Ke haba hmanenanginy at, me helâ me vongon hna önying. Ame meleca Önying, kʼ ame kolu but vongon:

I. Ioane 5:19

E khanʼ öta a ûheta unyin Khong, ke hmeledrany hia thithö ame mokut unyin at ae kong.

Hna Omanenâ 12:9

Me adre me obâ but drakona ae gan, wale on adrem, adre hwenyi ien Diabolo, me Satana, at ame omonoâ hmeledrany hia thithö; adre obâ but ka hnyi hmeledrany, ke adre tha obâ e me anyin ta je angela.

Hna Omanenâ 13:2

Ke haba meno oge me wâ, me helâ me lepad, ke haba je can me helâ me je can bea, ke haba hnyimen me helâ me hnyimen liona: ke drakona ame ham kâu maniny man, me anyin theron, me musi ae gan.

Hna Omanenâ 13:7

Ke adre me hna kâu he ka vat me wakap, me he ka hwege hudra: ke adre me ham kâu musi hon ta je tribu hia, me tavat, me hwen hnyei, me ta je hnyei.