Luka 4:23 - Iaai Bible 1901 (New Caledonia)

²³ Haingö Iesu ame ba kodra, ka habe, Öbun e he la ka ha könya ûhöûcû eang, ka habe, At ae tren bubuny lö, osoi u thö: haba ta je ûnyi ohmun e long a gʼ adre ânyâ hnyi Kaperenauma, ânyâ minya thö eang hnyi em hnyei.

Luka 4:23 ပူးပေါင်းရင်းမြစ်များ

Mataio 13:54

Me e ame o but ka hnyi iny hnyei, me e ame nʼ ödra hnyin umödra sunago, me adre me lâiâ, me ha, ka habe, Ûnyi ua metâ eang me ta je huliwa ae man unyin at ang?

Mataio 4:13

ke e ame hna but Nazareta, me he ka laba hnyi Kaperenauma, hnyi hobat köiö, hnyi hnyigoulen Zebulona me Nafatali:

Mataio 4:23

Ke Iesu ame vheno Galilaia hia thithö, ame ûne hnyin umödrin je sunago, me khetâ ûthumetu a soiny dökhu, me ohia ta je mok hia thithö, me ta je sēnyin hia hnyi hnyei.

Mareko 6:1

ME e ame he but ûheny e; me e ame o ka hnyi iny hnyei; ke haba laten ödrin e he hoton.

Luka 2:39

Ke ödru me umo ta je ûnyi hia hoton hnanyibu anyin Than, me ödrin e hmetu Galilaia ai ka hnyi anyidrin taun wale Nazareta.

Luka 2:51

Ke e ame tha he mödru, me o hnyi Nazareta; ke e ame long hotudru: haba hinyen ame ip hmâ hnyi hnyekon ta je ûnyi hia thithö eling.

Luka 4:16

Ke e ame o but hnyi Nazareta, waleji adre hat e hnyin: ke e ame didro ka hnyi sunago hnyi bong sabath, helâ me hwakecin, kʼ ame tot he ka au tusi.

Luka 4:31

Ke e ame o but hnyi Kaperenauma, ke taun hnyi Galilaia. Ke e ame nʼ ödra hnyi bong sabath;

Luka 4:35

Haba Iesu ame thawâ e, ka habe, Ca mede, ke didrut ûhem hnyi hnyekon. Ke a hia but demoni hagutâ e hnyikânâi hnyi wanben, me e ame didrut ûheny hnyi hnyekon, ke a ca okongoâ bi e.

Luka 6:42

Ke u me he ka kâmâu ka ha ka liamekeiny möu, ka habe, Liamekeiny lö, iny bethe he ka hom atmen hnyi hnyin emâkâm, ke haba u bi u me ca wâ hmâ udâ eû hnyin emâkâm bi? U at thoi hnyok, bâm ka degec udâ ûnyi hnyi emâkâm bi, mʼ u me he ka wâ wia he ka degec ut atmen ûnyi hnyi emakan liamekeiny möu.

Ioane 4:28

Haba momo ame ip ju belen kaia me he ka hnyi taun, me ha ka tavat, ka habe,

II. Korinito 5:16

Wale me öhmun e hwân walang ang a öhmun e ca he ka wâhmakhmeto ke at hoton unyin: eja ke ne öhmun e hia but wâhmakhmeto Keriso hoton unyin, ke so bi walang ang öhmun e ca he ka wâhmakhmeto hmetu bi e helâe.