Luka 4:15 - Iaai Bible 1901 (New Caledonia)

¹⁵ Ke e ame ûne hnyi umödra je sunago, ke tavat hia adre me ogânâ e.

Luka 4:15 ပူးပေါင်းရင်းမြစ်များ

Isaia 55:5

Wâ bi, u me he ka hawâ hnyei ae ca khanö u, kʼ ame he ka wadring hotom tavat ae ca khanö u bi, ûnyi ga Iehova a Khongom, me Kabi Isaraela; anyin a e ame hia but oganö u.

Mataio 13:54

Me e ame o but ka hnyi iny hnyei, me e ame nʼ ödra hnyin umödra sunago, me adre me lâiâ, me ha, ka habe, Ûnyi ua metâ eang me ta je huliwa ae man unyin at ang?

Mataio 4:23

Ke Iesu ame vheno Galilaia hia thithö, ame ûne hnyin umödrin je sunago, me khetâ ûthumetu a soiny dökhu, me ohia ta je mok hia thithö, me ta je sēnyin hia hnyi hnyei.

Mataio 9:35

Ke haba Iesu ame vheno ta je taun me ta je hnyaba hia, ame ûne hnyi umödra ta je sunago, me khetâ ûthumetuiny dökhu ae so, me osoâ ta je mok hia, me ta je sēnyin hia.

Mataio 9:8

Ke ame wâ e hnen tavat ae se hia, me adre me lâiâ me ogânâ Khong, wale at ame ham man a helâe ka at.

Mareko 1:27

Ke ödra hia adre me lâiâ, me ûhne-namököuâ, ka habe, Ieû ong? hna ûne ae teb ûnyi! anyin a e ame muso ta je hanu ae kong hnen man, me ödrin e long kâu.

Mareko 1:39

Me e ame dit ka hnyi umödra je sunago hnyi Galilaia hia, kʼ ame khetâ hofuc me obâ ta je demoni.

Mareko 1:45

Ke e ame didrut, me hwân he ka khetâ me olungâ, me omanenâ ûnyi e, me ca khana hmetu Iesu he ka he manen ka hnyi taun, me e ame laba ju hnyije dok ae ba aten: ke adre me ve o kâu ûhedra hnyi je ke keihen hia.

Luka 13:10

Ke e ame ûne hnyin ke sunago hnyi sabath.

Luka 4:16

Ke e ame o but hnyi Nazareta, waleji adre hat e hnyin: ke e ame didro ka hnyi sunago hnyi bong sabath, helâ me hwakecin, kʼ ame tot he ka au tusi.