Luka 3:16 - Iaai Bible 1901 (New Caledonia)

¹⁶ me haba Ioane ame thu kodra hia thithö ka habe, Inya oge me bapataisoi öbun ge köiö; ke ame he ka o at ae nua maniny huk, iny ca ûcû bi he ka thang wen li tangen hnyeûcan: e ame he ka bapataisoi öbun ge Hanu Kap me meic:

Luka 3:16 ပူးပေါင်းရင်းမြစ်များ

Ta je Vejec 1:23

Hwio thʼ öbun ge hnok hna ûne: Wâ bi, oge me he ka hingâlâ köbun hanuk, Oge me he ka omanenâ köbun hok ta je hofuc.

Isaia 32:15

ke ne o but adre me hingâlâ huta hanu ûnyi ethö, kʼ ame he ka hnyei belök hnyebuba, kʼ adre me he ka aû hnyei belök me hnyot bi.

Isaia 4:4

e ka hia but Than hneû ikikiny wahluiny Ziona, me kot degecâ dren Jerusalema ûnyi hnyi wanben e hnen homenâiny owisa, me homenâiny kahwa.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Mataio 3:11

Haba inya oge me bapataisoi öbun ge köiö ka hnyi ietra: ke haba at ame he jem hotuk ae beönua huk, ae ca ûcû nya bi he ka hom taben li hnyeûcan: e ame he ka bapataisoi öbun ge Hanu Kap me meic:

Mataio 3:12

e bi hnyi hnyamen anyin ut, ke e ame he ka ânyâwia hwit hnyi hnen hna huje hwit; ke e ame he ka ûkhöunâ anyin hwit ka hnyi omhani, ke e ame he ka thong thatûnyin hwit hnyi meic ame ca mok balua.

Ioane 1:26

Haba Ioane ame thu kodra, ka habe, Inya oge me bapataiso ge köiö: ke ame tot hnyi wanböbun ke at ae ca khanʼ öbun,

Ioane 1:27

wale at ame biliny hotuk, iny ca ûcû he ka thang hna hûkâlâ taben li hnyeûcan.

Ioane 1:33

Ke oge me ca wâhmakhmeto e: ke haba at a kunö nya he ka bapataiso ge köiö, e ame ha könya, ka habe, Haba hnâm hna he ka wâ Hanu ame gâ ka hnyi hon, me laba hon, wale at ame bapataiso ge Hanu Kap.

Ioane 7:38

Haba at ame labageju könya me ame he ka uoû ûnyi eû hnyi hnyekon je wageweiny möt, helâji me hna sihnalimen.

Ta je huliwa 1:5

anyin a Ioane ame bapataiso ge köiö; ke adre me he ka bapataisoi öbun ge Hanu Kap hwaban ke je beng ae wakhalet.

Ta je huliwa 10:44

Peteru ame tiga ha hofuc e, me ame ta Hanu Kap hudrin hia adre me long hofuc.

Ta je huliwa 2:33

Ke walang ang e ame laba goranyai ûnyi ge hnyam a metân Khong, kʼ ame hia but kap ûnyi ge Kamen Hanu Kap waleji e ame ha bânâ, me e ame hingâlâ but ûnyi ang öbun e wâ me long.

I. Korinito 12:13

Anyin adre bapataisoi öta hia hnân unyin a khaca ûnyi ge Hanu a khaca, a ne at Juda a ne at Heleni, a ne aten hwenbâ, a ne at adre hna bâûâ; ke adre kunʼ öta hia ka ijem ûnyi hnyi Hanu a khaca.