Luka 24:44 - Iaai Bible 1901 (New Caledonia)

⁴⁴ Me e ame ha ködrin, ka habe, Walang je hofuc oge me ha köbun, waleji e me tiga inya ang unyibun, ae ûcû he ka owhâdâ ta je ûnyi hia adre sihnalimen hnyi hnanyibu anyi Mose, me ta je perofeta, me ta je salamo gak.

Luka 24:44 ပူးပေါင်းရင်းမြစ်များ

Genese 14:18

Ke haba Melekisedeke than Salema ame hok areto me waina: ke e at bi hut ka Khong ae Beönua.

Genese 22:18

ke ame he ka hnahic ûnyi ge mâtrânâm ta je hnyei hia thithö eang hmelen; anyin a u je löng hoton hok hofuc.

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Salamo 118:22

Haba veto waleji a degec hnen tavat up uma, Wale thibi e hnân ban bahebet.

Isaia 28:16

anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

Isaia 52:13

Wâ bi, ame he athnyabaik ka ânyâ ûnyi ae metâ, adre me he ka ogöranyâ e, me obeönua e, me e ame he ka gorany hmonyin.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Jeremia 33:14

Wâ bi, ame he ka o je bong, haingö Iehova, me oge me he ka ohwâdâ hofuc ae so waleji oge ha ge lap anyi Isaraela me lap anyi Juda.

Ezekiela 17:22

Walang hna ha hnen Than Iehova, ka habe, Oge me he bi nya ka hom boviny arasi ae görany, me tä e; kʼ oge me he ka thu boviny khûen, at ae habubut, ke oge me he ka tä e hon bucen ae beû göranyai ke nua:

Ezekiela 34:23

Ke oge me he ka otilâ hudra ke at tuö mamoe e khaca, me e ame he ka ba ödra, a athnyabaik Davita; ke hamen he ka ha ödra; ke e at tuö mamoe kodra.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Daniela 7:13

Ke oge me wâ je hna omanenâ hnyi lit, ke wâ bi, ame tha o me je ûlâiny drany, at helâ me nokon at, ke e ame o ka hingat kâû adrem, mʼ adre me hom e ka hnyi hnyimakan.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Amosa 9:11

Hnyi bong eling oge me he bi ka hai uma menâ umo Davita a ta, me okhötâ hmetu je dok ae hmouca hnyin; ke oge me he ka otilâ je ke keihen a amam but, me op hmeto e helâ me hnyi je bong ehac;

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Zakaria 14:4

Ke haba hnyi bong eling, me ame he li can ka tot hon bucen Elaio, cicö deiö Jerusalema, ke adre me he ka subâ luâ bucen Elaio hnyi wanben e deiö me jio, me ame he ka hu hnyigöulen bucen ae gan; ke ame he ke keihen bucen ka he ka hnyi hwadro, ke haba ke keihen ame he ka he ka hnyi hwaiöu.

Zakaria 6:12

ke u me he ka ha kâu, ka habe, Walang hna ha hnö Iehova tuhan sabaoth, ka habe, Wâ bi at, haba ien, me Khûen; ke e ame he ka kû ûnyi hnyi hnen me op uma umo Iehova:

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Numera 21:8

Ke Iehova ame ha kö Mose, ka habe, U me he ka op ke on meic, me ip hon ke uci; ke e ka wâ e hnen tavat adre oloû, me ödrin e he ka möt.

Numera 35:25

ke ame he ûkhacaköu ka omelö at ame hlingâ at ûnyi hnyi hnyamen at ame bi hwaban komok, ke ame he ûkhacaköu he ka ohmeto e ka hnyi tauniny lubaduöng, waleji e ame kec ka hnyin: ke e ame he ka laba eling ke ne o but ame mokcu at bihut ae beönua, at adre hû ge wakaco ae kap.

Mataio 1:22

Ke adre me ânyâ ta je ûnyi hia thithö e, me me hwâdâ hna ha hnen Than a deny perofeta, ame ha, ka habe,

Mataio 16:21

Hwân ûen e, Iesu ame hwân ka omanenâ ka laten a e ame he ka he Jerusalema ai, me vheno ta je vec ae se hia ûnyi ge wahingat, me ta je taben tavat bihut, me hnyat sihnalimen, kʼ adre me he ka hlingâ, kʼ ame he ka möt hmetu hnyi bong a kuniny.

Mataio 26:54

Ke ame he ka kâmâu he ka hwâdâ hna sihnalimen a gʼ ame he ka helâe?

Mataio 26:56

Ke adre me ânyâ hia e me me hwâdâ hna sihnalimen ge ta je perofeta. Ke haba laten, me ödrin e hna but e me kec.

Mareko 9:31

Anyin a e ame nâ laten, me ha ködrin, ka habe, Adre me he ka hna Nokon at ka hnyi je hnyamen tavat, kʼ adre me he ka hlingâ e; ke hwaban hna hlingâ e, me e ame he ka möt hmetu hnyi bong a kuniny.

Luka 21:22

Anyin a ûen bi hwaban eling, me me hwâdâ ta je ûnyi hia adre me sihnalimen.

Luka 22:37

Anyin a inya oge me ha köbun, e ûcû he ka hwâdâ könya hna sihnalimen ang, ka habe, Adre me tha aû e me tavat ae kong: anyin adre ohwâdâ ûnyi a ûnyi gak.

Luka 24:46

ke e ame ha ködrin, ka habe, Adre hia but sihnalimen helâng, a gʼ ame he Keriso ka vec, me möt hmetu ûheny hnyi hna mok hnyi bong a kuniny;

Luka 9:22

e ame ha, ka ʼ habe, Hanymen Nokon at he ka hokhnyokâ ta je ûnyi hia, ke ame he ka hûkötiâ hnen wahingat, me je taben tavat bihut, me hnyat sihnalimen, ke adre me he ka hlingâ, ke ame he ka möt hmetu thö hnyi bong a kuniny.

Luka 9:44

E so e didrut je hofuc ang ka hnyi je hnyikönyöbun: anyin adre me he ka hna Nokon at ka hnyi je hnyamen tavat.

Ioane 3:14

Haba Mose ame ogöranyâ on hnyi hnyebuba, ke helâe adre me he ka ogöranyâ Nokon at:

Ioane 5:39

Öbun a elâm hnyi je hna sihnalimen, anyin a öbun e ûnykûme ae hu but gabun möt eling ame ca ba balua; ke wale bi e at ame ohnathu nya;

Ioane 5:46

Anyin öbun e ne köp Mose, me öbun e he ka köp nya minya; anyin a e a sihnalimi nya.

Ta je huliwa 13:33

me a hia but ohwâdâ hnen. Khong ka lakuta hnyi hnen hna omeli Iesu hmetu thö; helâ me hna sihnalimen hnyi salamo a loiny, ka habe, U thibi Nokuk, oge me hnöku u hnyi bong ang.

Ta je huliwa 13:40

Anyin a wale, o ʼbun âu, wâ e nye o but köbun hna ha hnen ta je perofeta, ka habe,

Ta je huliwa 2:27

Anyin a u me ca he bi ka hna but hanuk hnyin hedis, U me ca he ka hna but Atâm ae Kap he ka wâ hna bobot.

Ta je huliwa 3:18

Ke haba Khong ame ohwâdâ hofuc e ame bân ka ha a deny anyin ta je perofeta hia, wale a gʼ ame he Keriso ka hom vec.

Ta je huliwa 7:37

Wale Mose at ame ha ka lakon Isaraela, ka habe, Ame he Khong ka oâ hobi köbun a liamekeiny möbun ke perofeta helâ me inya.

Heberu 10:1

ANYIN a haba hnanyibu, a hmenon ta je ûnyi ae so ame he ka o, ke ca; tha ûcû me ta je ûnyi eling, me pason bala he ka obekhötâ tavat adre me ûhakekenyi hnen ta je hut adre me hudo huyi je huna, wale adre me labö hudo.

Heberu 3:5

Ke e hnathu hmonyin Mose hnyi hnyaban hia, helâ me athnyaba, hnân ohnathoâ ta je ûnyi adre me he ka ha nyiele;

Heberu 7:1

ANYIN a haba Melekisedek eang, tuhan Salema, at bihut ka Khong ae Beönua, at ame ûkhanö me Aberahama ûheny hnyi hna kot je than, me ame ha hnahicâ e,

Heberu 9:8

ke haba Hanu Kap ame omanenâ ûnyi eang a ödra tiga ca omanenâ gethen ka hnyi dok ae kap waleji kʼ ame tiga tot uma menâ a bân;

I. Peteru 1:11

adre me elâm ûen me bongon e waleji a hnen Hanon Keriso eû hnyi je hnyekudrin hna kû, waleji hnyi hnen hna haimemenâ bânâ ta je vec anyin Keriso, me je hmanenang ame he ka hnu hoton.

Hna Omanenâ 19:10

Me oge me ta ju hnyi hmelen li can he ka khudrung kâu. Ke haingen könya, ka habe, Ohe, u ma ca ânyâ: anyin a iny athnyaba möu me je liamekeiny möu, tavat adre hom hna ohnathu Iesu: khudrung ka Khong: anyin a haba hna ohnathu Iesu me wale hanon hna operofeta.