Luka 24:36 - Iaai Bible 1901 (New Caledonia)

³⁶ Ke ödrin e tiga ûhnenamö ta je ûnyi e, me e ame tot hnyi wanbödrin, me ha ködrin, ka habe, Hnahic köbun.

Luka 24:36 ပူးပေါင်းရင်းမြစ်များ

Isaia 57:18

Oge wâ but deny ta je gethen, ke oge me he ka omelo e: ke oge me he bi minya ka su e, me okûâ hmetu je ûnyi ae so kâu, me tavat adre me tha tenge mē.

Mataio 10:13

Ke a ne so uma eling, e so e ame ta but hon, hnobun hna ha hnahicâ e: ke a ne ca so bi, e so he ka hmetu köbun hnobun hna ha hnahicâ.

Mareko 16:14

Ke hwaban dö e e ame manen ködrin a eleven ödrin e tiga laba ka han; me e ame û ödrin can anyidrin ca labageju me khot a je hnyekudrin, anyin a ödrin e ca kap bi hna ha hnen hnyat ödrin e wâ e a ga möt hmetu thö.

Luka 10:5

Ke haba uma öbun e he ka dit ka hnyin, mē ha thö, ka habe, E so e hnahic ut uma ang.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ioane 20:26

Ke hwaban je bong a eit, e hmetu thö laten hnyin uma, ke Toma unyidrin. Adre hia but hlöng je hwanuma, me ame o Iesu me tot hnyi wanbödrin, me ha, ka habe, Hnahic köbun.

Ta je huliwa 1:3

ke e ame ka omanenâ e ködrin ae möt, hwaban anyin mok kʼ ame osehia ohnathoâ me labö o ködrin hnyi fâte je bong, kʼ ame ha bongon dokhu dokhon Khong:

I. Korinito 15:5

ke e ame manen kö Kefa; ke hwaban e ka hnyat a twelv;

I. Korinito 15:7

hwaban e ame manen kö Iakobo, ke hwaban e ka je aposetolo hia;

II. Thesalonika. 3:16

Ke so ame he Than, a at ame tren ûsoköu ka ham köbun ûsoköu a e bala bi hnyi ta je hwakecin hia thithö. E so e unyibun hia thithö Than.

Hna Omanenâ 1:4

Inya Ioane oge me set ka ta je ekalesia a seven hnyi Asia: E so e unyibun ibetengiö bâu, me ûsoköu ûnyi gan, at a e walang ang, ke kâû adrem, ke ame he ka o; me ûnyi ge ta je Hanu a seven hnyi hnyimakan anyin theron;