Luka 24:30 - Iaai Bible 1901 (New Caledonia)

³⁰ Ke e ame tha laba mödru he ka han, me e ame hom areto, me oleâ, me thuthu me ham ködru.

Luka 24:30 ပူးပေါင်းရင်းမြစ်များ

Mataio 14:19

Ke ame hûna ka tavat ae se hia he ka laba hnyi hna önying; ke e ame hom je areto a thabûng ke li wâ, kʼ ame bwele hnyi drany ai me oleâ, me thuthu, me ham je areto ka laten, ke laten ka tavat ae se hia.

Mataio 15:36

ke e ame hom je areto a seven me je ong wâ, me e ame oleâ me thuthu, me ham ka laten, ke laten ka tavat ae se hia.

Mataio 26:26

Ke ödrin e tiga han, me Iesu ame hom areto, me oleâ, me thuthu; ke e ame ham ka laten me ha ködrin, ka habe, Hom dö, an ju; walang unyik.

Mareko 14:22

Ke ödrin e tiga han, ke e ame hom areto, me oleâ, me thuthu me ham ködrin, me ha, ka habe, Hom dʼ öbun: walang unyik.

Mareko 6:41

Ke e ame hom je areto a thabûng, me li wâ, me bwele hnyi drany ai, me oleâ, me thuthu je areto; me e ame ham ka laten, mʼ ödrin e he ka ip hnyi hnyimakodra; ke e ame khenâ li wâ kodra hia.

Mareko 8:6

Me e ame hûna ka tavat ae se hia he ka laba ju hon kânâ: ke e ame hom je areto a seven, ke hwaban hna oleâ e ame thuthu, me ham ka laten, he ka ip hnyi hnyimakodra; me ödrin e ip hnyi hnyimakan tavat ae se hia.

Luka 22:19

Ke e ame hom areto, kʼ ame oleâ, me thuthu, me ham ködrin, haingen, ka habe, Walang unyik adre me ham hobi köbun: ânyâ thö ang hnân ûnykûme könya.

Luka 24:29

Me ödru me thawâ e, ka habe, Laba ju unyihmu: anyin a sahac ut, ke ame he but ka hia bong. Me e ame didro he ka tha laba mödru.

Luka 24:35

Ke ödru minya ödru me omanenâ ta je ûnyi eû hnyi gethen, me hnen hna manen ködru hnyi hnen hna thuthu areto.

Luka 9:16

Ke e ame hom je areto a thabûng me li wâ, me bwela hnyi dranyai, me oleâ, me thuthu, me ham ka laten he ka ip hnyi hnyimakan tavat.

Ioane 6:11

Haba Iesu ame hom je areto, ke a hia but oleâ, me e ame khenâ but ka tavat adre me ûlalabainy; helâe minya li ong wâ, hoton wedra.

Ta je huliwa 2:42

Ke adre me tethmâ hnyi hna ûne hnen je aposetolo, me tha hnyok, me susubâ areto me hic.

Ta je huliwa 2:46

Ke adre me laba bala me hnyok a khaca hnyin uma kap hnyi je bong, me susubâ areto hnyi ke uma me ke uma, me an ö ʼdra jeû me senyin me hnyok a khaca,

Ta je huliwa 27:35

E ame ha hofuc e, me hom areto, me oleâ ka Khong hnyi hnyimakodra hia: ke e ame susubâ, me hwân he ka han.