Luka 24:26 - Iaai Bible 1901 (New Caledonia)

²⁶ Hawa, ca hamen Keriso he ka kap ta je vec eling, me he ka dit ka hnyi anyin hmanenang?

Luka 24:26 ပူးပေါင်းရင်းမြစ်များ

Genese 22:6

Ke Aberahama ame hom thi ot hobi kâu hut adre le, me ip hu Isaaka a nokon; ke e ame hom hele me meic hnyi hnyamen; ke ödru me tha he.

Daniela 9:26

Ke hwaban ta je wik a sikste tu, me adre me he ka subâ degecâ at adre me hû, ke ba ûnyi gan: ke haba lakeiny than ame he ka o, mʼ adre me he ka ohia taun ke dok ae kap; ke ame he ka obiny e ge di, kʼ ame he ka hu vat ke ne o but obiny; kʼ adre me ohmâ but he ka öba wan.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Luka 24:44

Me e ame ha ködrin, ka habe, Walang je hofuc oge me ha köbun, waleji e me tiga inya ang unyibun, ae ûcû he ka owhâdâ ta je ûnyi hia adre sihnalimen hnyi hnanyibu anyi Mose, me ta je perofeta, me ta je salamo gak.

Luka 24:46

ke e ame ha ködrin, ka habe, Adre hia but sihnalimen helâng, a gʼ ame he Keriso ka vec, me möt hmetu ûheny hnyi hna mok hnyi bong a kuniny;

Luka 24:7

ame ha a gʼ adre me he ka hna Nokon at ka hnyi je hnyamen tavat ae kong, me osatauroâ, kʼ ame he ka möt hmetu hnyi bong a kuniny.

Ioane 2:22

Ke hnyi ûen ame möt hmetu thö e ûheny hnyi hna mok, me ame ûnykûme laten a gʼ ame ha helâe; ke ödrin e kap hna sihnalimen me hofuc a ha Iesu.

Ioane 20:9

Anyin a ödrin e tiga ca wâ ûnykûme bala hna sihnalimen, ka habe, E ûcû kâu he ka möt hmetu ûheny hnyi hna mok.

Ta je huliwa 17:3

ame lau me ha kodra, ka habe, e ûcû Keriso he ka hom vec, me möt hmetu ûheny hnyi hna mok; haingen minya, ka habe, haba Iesu eling wale oge me omanenâ köbun, me wale thibi e Keriso.

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

I. Peteru 1:11

adre me elâm ûen me bongon e waleji a hnen Hanon Keriso eû hnyi je hnyekudrin hna kû, waleji hnyi hnen hna haimemenâ bânâ ta je vec anyin Keriso, me je hmanenang ame he ka hnu hoton.

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,